Dijingunuinu 8:3 - O Mikanda Ikola

³ Ku kala ue anju iamukuá ueza, uemana bhu mbanduʼalatódio, ni kiomuènu kia ulu kia kuta uasu ua dizumba. Anga a mu bhana fufutila iavulu ia dizumba, phala a i bandekeze ku misambu ia akua-Ngana oso, ni a i bhakuile Nzambi ku thanduʼa kalatódio kene bhu pholo ia kiandu.

Dijingunuinu 8:3 Iomraidhean Croise

I Jisobha 7:50

Ni jikopho, ni ijiminu, ni malonga a menha a pholo ni itutu phala o uasu ua dizumba, ni iomuenu ia makala, iene ioso ia ulu ua beta kuiuka; ni jidobaladisa ja mabhitu a kubokuena mu Xilu Dikola kinéne, ni mabhitu a kubokuena mu Kididi Kikôla kia Tembulu, ene oso a ulu ua uabha kiavulu.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Makatukilu 40:26

Iu ua te o kalatódio ka ulu mu balaka ia kutakanena, kifua mu sala, o kibatulu kia bhiti kuema.

Izaía 6:6

Maji selafí imoxi, ia tuka i ieza kokuami, o bhu maku iambata dikala dia uama, ua di nomona ni tanaji bhu kalatódio.

Izekiiele 41:22

O Kalatódio ka mabaia ka kexile ka kóvadu jitatu mu kitala, o mulebhelela uê ua kóvadu jiiadi, hé ka kala ni jithungi jê; o maxikikilu mê ni mutôto uê, ua kexile ua mabaia; anga u ngʼambela, uixi: O iá ene o meza ala bhu pholo ia Jihova.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Dialuilu 4:11

Ku kalatódio ka ulu ue a futa-ku thanga ia azulu, a ta ni divunga dia ibha ia njimbu, hé a ta-ku ni mikambu iê;

Dialuilu 7:62

ni ngutu imoxi ia ulu, kinemenu kiê kuinhi dia xikulu, iezala uasu ua dizumba;

Luka 1:10

O kifuẋi kioso kia diembu anga ki kala bhu kanga mù samba, kiso nganga Zakadiia kia kala mu bhakula o fumasa ia dixi dia dizumba.

Loma 8:34

Nanhi dingi u tena kua êlesa? Muène Kristu Jezú ua fuile, mba inda ngambe ngixi, ua fukunuka mu ʼalunga, kiki iú uala ku madilu ma Nzambi muène, mu ku tu diondela.

Jihebeleu 7:25

Uila kiki, muène ua soko-bho kubhulula katé kia zubha, ene oso ejiia kua muène, ni a bhixile kua Nzambi. Kuma Jezú ua kalé kiá ku muenhu mu ku a diondela jinga.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.

Dijingunuinu 10:1

Anga ngi mona anju iamukuá ia dizonda, uala mu tuluka ku diulu. Ua zuata dituta, o ku thanduʼa mutue uê kua bhiti hongolo. O pholo iê iedi kala dikumbi, o inama iê mukuâ ni jiphiladi ja túbhia.

Dijingunuinu 14:18

Anju iamukuá, a mu bhele kutambula konda ia túbhia, anga u tunda bhu kalatódio, hé u handekela ni dízui dia suina kua ió ua kuata kibhôlola kiatu, uixi: Katula o kibhôlola kié, mbé u kanze isaka ia ji-uva ku mivide mu ngongo, kuma ji-uva jê jabhi, ja zubha!

Dijingunuinu 5:8

Kia zubha ku di tambula, o iama iuana ia muenhu ni makuinhi aiadi a kikulakaji ni iuana, a di bhala bhu pholo ia Kambudi. Ene oso a sokelèlaku ni kukuata jimbànza ni jinganza ja ulu jezala fufutila ia dixi dia dizumba, iene o misambu ia akua-Ngana.

Dijingunuinu 6:9

Bhenhobho Kambudi anga u jikula o kidimbu kia katanu. Nga mono moxi dia kalatodio o mienhu ia ió oso a a jibhile mukonda dia kutudila athu o maka ma Nzambi, ni mukonda dia kukala jifiiele mu umbangi uâ ua bhele.

Dijingunuinu 7:2

Anga ngi mona anjo iamukuá í banda ku tundila dikumbi, ua kuata kadimbu ka Nzambi ia muenhu. Muène anga u handekela ni dízui dia dikota ku ji-anju jiuana Nzambi ja bhana o kutena kua kukuama mu ngongo ni ku musanza ua kalunga.

Dijingunuinu 8:4

Dixi dia dizumba bhu maku ma anjo, ni misambu ia akua-Ngana, anga i bandela bhuamoxi bhu pholo ia Nzambi.

Dijingunuinu 8:5

Anjo anga u katula kiomuènu, u omona túbhia ku ʼalatódio, hé u tu texi mu ngongo. Anga ku bhita inuminu, ni mazui, ni jinzaji ni kiteketela kia ʼxi.

Dijingunuinu 9:13

Anju ia kasamanu anga u xika o koloneta iê. Anga ngʼivua dízui dia tundu bhu thungi jiuana ja kalatódio ka ulu kene bhu pholo ia Nzambi.