Dijingunuinu 8:12 - O Mikanda Ikola

¹² Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.

Dijingunuinu 8:12 Iomraidhean Croise

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Jelemiia 4:23

Nga kengelela oxi nga i mono iòbuikise i iezala jingundu; nga kengelela madiulu, ki mala ni mukengeji.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Jouele 2:31

Dikumbi dia kà kituka kitombe kia usuku, o mbeji i di bhanga manhinga, kioso hanji ngó kizuua kia dikota kia Jihova, ki kuata uoma, kiluua ki bhiẋila.

Jouele 3:15

Ni dikumbi ni mbeji a kà xiketela, jithéthembua ja kà lémbua o kubenha.

Amoji 8:9

Jihova ua zuela, uixi: Ki a kàia-phe kuma, mu izuua mueneʼomo nga kà bhangesa kuila o dikumbi dia kà tula mu muanha ua mediia, o ngongo ia kà vunda ni kitombe mu kumbi hanji dia muanha uatu.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 27:45

Kiki tunde ku mediia mu ola ia kasamanu, kʼoxi ioso ku kala usuku mu ola jitatu, katé mu ola ia kàvua.

Marku 13:24

Mu izuuʼomo-phe, kutunda ku divuuʼodio, dikumbi dia ka fulamana, o mbeji ia ka kamba kumuika.

Marku 15:33

Ku bhixila mu ola ia mediia, kua bhiti usuku ku thandu dia oxi ioso kate mu ola ia kavua.

Luka 21:25

Muène hé u zuela dingi, uixi: Kua-ndu kala isuma ku dikumbi, ni ku mbeji ni ku jithéthembua. O mu ngongo ifuẋi ia kà di kuata mukondo, i kala mu jiphata mukonda dia kavanza ni kuzuma kua kalunga ni mabhuku mê.

Jipoxolo 2:20

Dikumbi dia kà kituka usuku, o mbeji ia kà biluka manhinga, kioso o Kizuuʼ okio kia dikota, o Kizuua kia fuma ia Ngana, kiluua kʼ iza.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 16:10

Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.

Dijingunuinu 9:15

Anju jiuana anga a ji jituna. Jene ja di polondala phala ola ienhiʼii, ni kizuua, ni mbeji, ni muvu, mbé a jibhe mbandu ia katatu ia mundu mu ngongo.

Dijingunuinu 9:18

O mabhebhu matatuʼama, mene ma jibha o mbandu ia katatu ia mundu mu ngongo: o túbhia, o dixi, o xofidi, ia fuáfua jinga mu kanu dia jikabalu.