Dijingunuinu 8:10 - O Mikanda Ikola

¹⁰ Anju ia katatu anga u xika o koloneta iê. Anga ku diulu ku lauka théthembua ia dikota, ia uama kala sama ia túbhia, anga i laukila ku thandu dia mbandu ia katatu ia jingiji, ni jithu ja menha.

Dijingunuinu 8:10 Iomraidhean Croise

II Malunda 32:3

ua te kikutu ni adiakime aʼxi iê, ni minzangala ia nguzu phala kuvumbika ni kuxita o ididi ioso ia kexile mu kutunda o menha, ia kexi ku kanga dia mbonge; ene anga a mu kuatekesa.

Izaía 12:3

O enu-phe, ni kusanguluka kuoso, mua-nda kua kà teka menha mu jifiẋi ja kubhuluka.

Izaía 14:12

Ná théthembua ia kimene, tata, mona-kilumba ua tomboka muʼamene-mene, ua laúka kiebhi ku diulu? Eie ua kexe ku bulukutisa akua jixi, mbé lelu a ku lundumuina bhoxi?!

Zakadiia 13:8

Jihova uambe, kuma: Mu ngongo ioso, ku mbandu jitatu ja ngongo, mbandu jiiadi ja kà jikinina muene, nzaká! A kà fua muene. Maji o mbandu ia katatu iene ia kà subhuka momo.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Matesu 25:1

Kienhokio Utuminu ua Diulu ua kà di fangana ni kuinhi dia ilumba, ia katula tundeia tuâ, anga i tunda mu kauidila ngà-iala.

Luka 10:18

Muène ua ambela uixi: Kiene muene! Eme nga muene Satana ua laúka ku diulu kala nzaji.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 16:4

Kienhókio o katatu anga u lundulula o nganza iê mu jingiji ni mu jithu ja menha, anga mu kituka manhinga.

Dijingunuinu 6:13

O jithéthembua ku diulu anga ji lauka bhoxi, uila mufiku ki u lalumuna jifiku jê kuila ja uisu hanji, kia u tungutisa kuala o kitembu kia dikota.

Dijingunuinu 8:7

Anju ia dianga anga u xika o koloneta iê. Hé kukala mvula ia matadi ni túbhia, iòlunge ni manhinga, anga a i kuua mu ngongo. Oxi anga i bhia o mbandu ia katatu, o mixi ue ibhia mbandu ia ʼtatu, o iangu ia uisu ibhia iene ioso.

Dijingunuinu 9:1

Anju ia katanu anga u xika o koloneta iê. Anga ngi mona o théthembua ioio ia kexi ku diulu íi ia lauka bhoxi, ienhiʼii a i bhana o sabhi ia mukiukuluku.

Dijingunuinu 9:15

Anju jiuana anga a ji jituna. Jene ja di polondala phala ola ienhiʼii, ni kizuua, ni mbeji, ni muvu, mbé a jibhe mbandu ia katatu ia mundu mu ngongo.

Dijingunuinu 9:18

O mabhebhu matatuʼama, mene ma jibha o mbandu ia katatu ia mundu mu ngongo: o túbhia, o dixi, o xofidi, ia fuáfua jinga mu kanu dia jikabalu.

Afundixi 15:11

Bhenhobho midi jitatu ja akua Juda a kulumuka ku dibanda bhu ndànji ia Etamu, ambela Sansau, exi: Kua kʼijiia kuma akua Fidíxia ene jingana jetu a mu tu tumina? Eie kiki ua tu bhange kiebhi? Muene uixi: Kioso kia ngi bhange ene, eme ue kiene ki nga a bhange ene.