Dijingunuinu 8:1 - O Mikanda Ikola

¹ Kambudi kia jikula o kidimbu kia kasambuadi, mu diulu mu bhita dikuluma, mua di xibha ni muene hudí, kithangana kiê kaxaxe ka ola.

Dijingunuinu 8:1 Iomraidhean Croise

Jobe 4:16

Kiemana muene, bhu pholo iami, maji nga lémbua ku ki tongolola o kidifua kiê; nga mono ngó kima kiedi vuvuiá, kiemana ku pholo iami; o ki nga di xibha, ngevu dízui, dixi:

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisálamu 62:1

Kidi kiene! muẋima uami ua ximbakata mu kinga Nzambi; kua muene ngó ku ngi tundila o kubhanduluka.

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Matesu 27:66

Ene anga aia, o mbila a i kolesa ni ditadi, ni ku di jika idimbu, anga a ta-ku masoladi ku kilangidilu.

Dijingunuinu 5:1

Anga ngi mona divulu dia dilanda bhu lúkuaku lua dilu lua ió ua xikama bhu kiandu, dia di fu ni dilanda diòuinge, diosoneke ni moxi ni ku kanga, iá a di jika ni sambuadi dia kidimbu.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 6:1

Bhenhobho nga mono Kambudi kioso kia jikula-bhu o kidimbu kia dianga ku sambuadi dia idimbu. Anga ngʼivua o kiama kimoxi ki zuela ni dízui dia suina kala kinuminu kia nzaji, kixi: Enda kunu!

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.

Dijingunuinu 6:3

Kambudi kia jikula o kidimbu kia kaiadi, ngʼevu kiama kia kaiadi, kixi: Enda kunu!

Dijingunuinu 6:5

Kambudi kia jikula o kidimbu kia katatu, ngevu o kiama kia katatu, kixi: Enda kunu! Ngedi ngi tala, kua moneka kabalu kaxikelela. O ua mondala-ku, ua kuata pezu bhu lúkuaku.

Dijingunuinu 6:7

Kienhókio Kambudi kia jikula o kidimbu kia kauana, ngevu dízui dia kiama kia kauana, kixi: Enda kunu!

Dijingunuinu 6:9

Bhenhobho Kambudi anga u jikula o kidimbu kia katanu. Nga mono moxi dia kalatodio o mienhu ia ió oso a a jibhile mukonda dia kutudila athu o maka ma Nzambi, ni mukonda dia kukala jifiiele mu umbangi uâ ua bhele.