Dijingunuinu 7:3 - O Mikanda Ikola

³ Anjo u a ambela, uixi: Kana kukuama oxi, mba musanza ua kalunga, mba mixi, katé ki tu zubha ku a ta kidimbu bhu dibhomo, oso jiselevende ja Nzambi ietu.

Dijingunuinu 7:3 Iomraidhean Croise

Makatukilu 12:13

O manhinga-phe ma kale kijimbuete ku jinzo joso mu mualʼenu; o ki ngi mona manhinga ngi mi somboka, kana dibhebhu di mi tula enu mu ku mi buidisa, kioso ki ngi kuama o ixi ia Ijitu.

Makatukilu 12:23

Kuma Jihova ua-nda kubhita mʼoxi ioso mu kuama akua Ijitu; o kia-nda kumona manhinga ku phidika ni ku mikangala iiadi ia dibhitu, Jihova u somboka dibhitu diodio, kehela mubuikixi kubokona mu jinzu jenu phala ku mi kuama.

Izaía 27:8

Kana bá! Inda eie, mu kuzoka-nê, ua mu fikixila; kioso ki ua mu ẋimbuka, ua mu sondolola ni kitembu kiasuina, kia bhixila o kitembu kia thunda.

Izaía 54:17

Falamenda ioso-ioso iòbhange phala ku ku kuama, ia-nda kulueza; o dimi dioso-dioso di ku tatela eie mulonga, mu kufunda, eie ua kà di belesa; o iú uene undundu ua jiselevende ja Nzambi, kuene ue kulûnga kuâ ku tunda kokuami, eme ngi Jihova.

Izaía 6:13

Maji se mbandu ia kakuinhi i subhuka-mu, a kà i buikisʼé dingi; mukuá ni mukaluvádiu, mba muzinhela, kioso ki i lalumuka mafe, hanji uemanʼé; kiene ue, o mbutu ikôla.

Izaía 65:8

Jihova uambe kiki: Mukuâ ni mu kisaka kia jiʼuva kia sanga-mu o vinhu iobhe, ene kuila, exi: Ku i zange, kuma muenhomo muala kubhanduluka; kiene ue ki nga-nda kubhanga mukonda dia henda ia jiselevende jami, phala ki ngʼa jikinise ene oso.

Izekiiele 9:4

Ngana hé u mu ambela, uixi: Bhita mu kaxi ka mbonge, muʼaxaxe ka Jeluzaleme, u te kidimbu bhu mabhômo ma athu oso a mu di tula muenhu ni kukema, mukonda dia isunji ioso iaiibha ialuʼia ni kubhanga athu mu kaxi ka mbonge mumu.

Izekiiele 9:6

A kuka jibhenu, minzangala jibhenu, ilumba ia mizeletete jibhenu, tuana tua ndenge jibhenu, ni ahetu jibhenu, katé ki mu a jimisa o mbutu; maji muthu uoso mu mu sanga ni kidimbu, ió ki mu mu bhixile; andekelenu mu dibhezelu diami muene. Anga a matekena ku adiakime ene a kexile ku pholo ia inzu ia Jihova.

Daniiele 3:17

Talesa-ze, kuma Nzambi ietu, uoso tuene ku mu bhikila, muéne utena ku tu kudila; o ki tualʼiki muene ua-nda ku tu kudila ku kijiku kia túbhia tuê tua muzukuta, anga u tu tambula ue bhu lukuaku lué, eie u sobha.

Daniiele 3:26

Nabukodonozolo bhenhobho, ubhiẋila bhu muelu ua kijiku kia túbhia tua muzukuta, anga u handekela, uzuela, uixi: Enu Sadalake, ni Mizake ni Abede-neko, jingunza ja Nzambi. Suke-ku, tundenu ku kanga, muize bhabha! Bhenhobho, ni Sadalke, ni Mizake, ni Abede-neko anga atunda mu kaxi ka túbhia.

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Sofoniia 2:3

Sotenu Jihova enu oso mua batama miẋima, muala mu ngongo, muene mu ku kaiela o mabatuilu mê; Sotenu kubhanga o mbote, Sotenu o kulenduka ni kubatama, sumba bhu kizuua kia njinda iê, Jihova u mi sueka.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Matesu 24:22

Maji o Ngana Nzambi, izuua ienhoio ia phaxi, ua i tolesa. Mbata o izuua ienhoio, se a kamba ku i tolesa, kana xitu i bhuluka. Maji mukonda-phe dia akua Nzambi ósole, izuʼuoio a kà i fikisa.

Matesu 24:31

Muène ua kà tuma o ji-anju jê ni dízui dia koloneta, anga ji bhongolola athuʼê ósole ku itembu iuana, tunde kua tundu o diulu katé ku dia suku.

Nzuá 12:26

Se muthu ua mesena ku di tuma ni eme, a ngi kaiele. O kuoso ku ngi kala eme, ni ió nga di tumu-nê, kuene ue kuʼ à kala. Se muthu u di tuma ni eme, Tata iami u mu bhana ujitu.

Nzuá 3:33

Uoso ua tambula o maka ma umbangi uê, ua londekeza kuma Nzambi kidi.

Loma 6:22

Maji o kiki-phe a mi kula ku ituxi, mua biluka mu abhika a Nzambi. Uila kiki, muenhu uenu uoso mua u lumbila kua Muène. Sai ni ibundu ienu ia kuzela moxi, o dizubhilu diê muenhu ki uabhua.

Dijingunuinu 13:16

Anga u bhinjika ene oso, ni jindenge ni makota, ni jimvuama ni jingadiama, ni jifuôlo ni abhika, kuila ene oso a a te kidimbu ku lúkuaku lua dilu, mba bhu dibhomo.

Dijingunuinu 13:17

O uoso uambe kusumba mba kusumbisa, kikale u dianga kukala ni kidimbu kia dijina dia kiama, mba o númelu ia dijina diê.

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.

Dijingunuinu 14:9

Anga ku kaiela anju iamukua ia katatu, u tanga ni dizui dia suina, uixi: Se muthu u bheza o kiama ni kitèka kiê, hé u tambula o kidimbu kiê bhu dibhomo mba ku lúkuaku,

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

Dijingunuinu 22:4

Ene a kà kala mu ku mu mona jinga o pholo iê, o dijina diê a kà kala na-diu diòsoneke bhu mabhômo mâ.

Dijingunuinu 6:6

Anga ngʼivua kala dízui dia mu tunda muʼaxaxe ka iama iuana ia muenhu, dixi: Kizongelu kimoxi kia tiliku mu kizuua kia muvimba ki kalakala o muthu, o sevada izongelu itatu mu kizuua kia muvimba ue ki kalakala o muthu. O mu maji-phe ni mu vinhu, kana kufungisa-mu kima kioso-kioso.

Dijingunuinu 7:1

Kia bhiti kiki, nga mono anju jiuana jemana ku hota jiuana ja ʼxi, ja kuata o itembu iuana ia ʼxi, phala kana kitembu ki bhuke mʼoxi, mba ku musanza ua kalunga, mba ku muxi uoso-uoso.

Dijingunuinu 7:2

Anga ngi mona anjo iamukuá í banda ku tundila dikumbi, ua kuata kadimbu ka Nzambi ia muenhu. Muène anga u handekela ni dízui dia dikota ku ji-anju jiuana Nzambi ja bhana o kutena kua kukuama mu ngongo ni ku musanza ua kalunga.

Dijingunuinu 9:4

Hé a ki ambela kuila ki ki bhange kima kioso-kioso kiaiibha ku iangu, mba kima kioso kia uisu, mba ngó muxi uoso-uoso. Maji kikala ki kuama ngó athu oso a kambe o kidimbu kia Nzambi bhu dibhomo.