Dijingunuinu 7:16 - O Mikanda Ikola

¹⁶ Ka kala dingi ni nzala mba dinhota. O muanha ki ua kuama dingi, mba kutema kuoso-kuoso.

Dijingunuinu 7:16 Iomraidhean Croise

Jisálamu 121:5

Jihova muene uene mu ku ku langa jinga; Jihova muene ua di bhanga kilembeketa kié, ua ku imanena ku mbandu ia madilu.

Jisálamu 121:6

Dikumbi ki di ku kuama mu muanha, o mbeje ue ki i ku kuama mu usuku.

Jisálamu 143:6

Ngi sunununa o maku mami ko kué, muenhu uami ua ku kala ni dinhota, kala mʼoxi iakukuta. (Selah.)

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 63:1

Ngana Nzambi, tata, eie u Nzambi iami; eme ngi di meneka muene mu ku ku sota; muẋima uami ua ku kala ni dinhota; oʼxitu jami ja ku kala ni hânji iavulu, mu ixi iakukuta, iabhuila, iedi ni iene thokon! mua bhingi ki mu moneka menha.

Mukumbi ua Mikumbi 1:6

Ki mu ngi tonginine o ku kusuka ku ngala na-ku, kuma ku kusuka kuami kua ngi tundu ku muanha ua ngi tuila iu ua ngʼaúla. Anʼa mamʼetu a ngi thathamena, ia a ngi te mú kuinga mábhia ma mivide; maji o díbhia diami-phe dia ngi tokala ki nga dʼingi.

Izaía 25:4

Mbata ua di bhange u kimbaka phala ngadiama ni ió ua tate mu lamba diê; u Dilengelu kiza o kibhungu; u Kilembeketa bhu thembu ia kizuza; kuma o muha ua isueia mukuâ ni kibhungu, ki ki di zubila ku kimbaka.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 41:17

O jiphulungu ni akua-hadi oso a sota menha, o menha-phe ka moneka, anga o dimi diâ di thothuena ni dinhota; maji eme, ngi Jihova, nga-nda ku a evua, eme ngi Nzambi ia Izalaiele, ki ngʼa ehelela, kana.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Jona 4:8

Anga ki bhita-phe kuila, kiatu muanha, Ngana Nzambi u tumikisa kitembu kionéne kia tema kia thunda, o misongo-songo ia muanha ua dikumbi anga i tula mu mútue ua Jona. Muene anga u ambuka ni kizuza kia muanha, hé uinda kúfua ni muẋima uê uoso, uixi: Kota ngafuʼami kiá, kukola muenhu kiki, kana.

Matesu 13:21

Maji moxi diê-phe ua kambe lundanji, u nanga ngó kithangana. O ki moneka phaxi, mba ku kala ku mu zukutisa mukonda dia maka, kindala ua di bhale.

Matesu 13:6

Kiatu o muanha-phe, ja lela, o mukonda dia kukamba jindànji, ki ja nange kukukuta.

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Marku 4:17

Kuma ka moneka jindanji-phe, a nanga ngo kathangana. O kʼiza o phaxi ni kuzukutisa mukonda dia maka, kindala a di bhale.

Marku 4:6

Kiatu o muanha-phe, ja lela, mukonda dia ku kamba jindanji, ja kukuta.

Luka 1:53

Uezalesa akua nzala ni jimbote, o jimvuama ua ji kaie ni maku mòkukutu.

Luka 6:21

Mua zediua, enu kiki muala ni nzala, mukonda mua-nda kuikuta. Mua zediua, enu kiki mua-lu dila, mukonda mua-nda kuolela.

Nzuá 4:14

Maji uoso u nua o menha mu ngi mu bhana, nuka a kala dingi ni dinhota. Mukonda menha mu ngi mu bhana, ma-ndu biluka fixi moxi diê, i fuáfua menha ma kalelà-ku ndú ku muenhu ki uábhua.

Tiiaku 1:11

Kuma o dikumbi ki di banda, muanha hé utua muzukuta, o iangu i lela, o itulu iê i lalumuka, o kuuabha kuê kua buika. Ni mvuama ue kiene hinu kia kà buika mu njila ja mauenji ma kutelâ o soua iê.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.