Dijingunuinu 6:4 - O Mikanda Ikola

⁴ Anga ku tunda kabalu kamukuá kakusuka. O ua mondala-ku, a mu bhana o kubheka ita mu ngongo, ni kubhangesa athu kudijibha-jibha mudiâ. Anga a mu bhana kixibhata kia dikota.

Dijingunuinu 6:4 Iomraidhean Croise

Jisálamu 17:13

Balumuka, u Jihova, u mu kakule, u mu tolole; ngi tambule ni mukuale ué, kua ió ua kakela o muenhu uami.

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Zakadiia 1:8

Mu usuku nga tale, eme nga mono diiala ua sambela ku kabalu ka kusuka, anga uia ni kuimajana mu tu isasa tuala mua zongo. O kuema diê kuala tubalu tu kusuka ni tua zeluluka ni tua zele.

Zakadiia 6:2

Ku dikalu dia dianga kuala jikabalu ja kusuka; o ku dia kaiadi kuala jikabalu ja xiketela.

Matesu 10:34

Ki mu fikienu kuma ngeza mu bheka paze mu ngongo. Eme ki ngeza mu bheka paze, kana; ngeza mu bheka xibhata.

Matesu 24:6

Muà kèvua ita, ni jingolokela ja ita; talenu, miẋima ki i mi titile. Mbata ima iíi ia bhingi i dianga kubhita, maji ki diene luua o dizubhilu.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 13:10

Uoso ambe o ku mu kuika ni ku mu ta upelezu, kikale a mu kuika muene; o muthu uoso ambe o ku mu jibha ni xibhata, u bhinga muene a mu jibha ni xibhata. Bhenhabha-phe bhene bhua bhingi o kukolokota, ni kuxikana kua athu akua-Ngana.

Dijingunuinu 17:3

Anga ngi kala mu Nzumbi kithangana kienhokio, anju hé u ngʼambata katé mu kikangalakata. Kuenhoko ngi mona muhatu ua xikama ku kiama ki kusuka. Kiene a ki soneka majina avulu a kuẋonguena Nzambi. Kiama kienhiki ki kala ni sambuadi diê dia mútue, ni kuinhi dia lumbinga.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!