Dijingunuinu 5:9 - O Mikanda Ikola

⁹ Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.

Dijingunuinu 5:9 Iomraidhean Croise

Jisálamu 144:9

Hinu ngi ku imbila o muimbu uobhe, eie Ngana, u Nzambi; ngi ku xikila o mújika ku mbànza ia kuinhi dia ngoji, mu ku ku ximana.

Jisálamu 149:1

Ximanenu Jihova, imbidienu Jihova o muimbu uobhe; mu ximanienu bhu kionge bhua bhongoloka athu ê angene.

Jisálamu 33:3

Mu tedienu mukumbi uê ua ubhe; xikenu uhete, mu tambuijile kiambote.

Jisálamu 40:3

Ua ngi te muimbu uobhe mu kanu diami, ua ngi bhana mukumbi ua kuximana Nzambi ietu; phala athu avulu a ki mone, a kale ni uoma, nʼa kale jinge mu dielela kua Jihova.

Jisálamu 96:1

Imbilenu Jihova muimbu uobhe; imbilenu Jihova enu mu jixi joso.

Jisálamu 98:1

Imbilenu Jihova muimbu uobhe; kuma Muene ua bhange madiuanu; lukuaku luê lukôla, luene lua lende o jinguma.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Daniiele 3:4

Bhenhobho katúmua u xika ngonge, u kola ni dízui dia suína, uixi: Enu mu jipovo, ni ifuẋi, ni madimi, a mi tumu, exi:

Daniiele 4:1

Eme Nabukodonozolo ngi sobha: Nga sonekena miji ioso ni ifuẋi, ni madimi moso a tunga mʼoxi ioso: A mi vudixile paze ni kuzediua.

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Daniiele 6:25

Kienhiki sobha Ndala u sonekena miji ioso, ni ifuẋi ni athu akua madimi moso ma tunga kulu dia mundu kuila: O paze i mi vudile.

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Matesu 26:28

Kuma iá ene o manhinga mami, ma di zunza mukonda dia mundu phala kuloloka o ituxi. Mene o manhinga ma kuatesa o Kikutu Kióbhe bhu kaxi ka athu ni Nzambi.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

I Kolindo 6:20

Kuma a mi sumbu ni suilu. Uila kiki, fumanesenu Nzambi ku mikutu ienu, ni ku jinzumbi jenu, kuma ja tokala Nzambi.

I Kolindo 7:23

Nzambi ua mi sumbu ni suilu. Uila kiki, kana kukala dingi mu abhika a athu.

Efezo 1:7

Mbata etu a tu kula mu kufua kua Kristu, kiene muène, oko ituxi ietu iòloloke. Mukonda o kiadi kia tu bhanga Nzambi ni kuvula kuoso, madiuanu mê mahi ngó!

Efezo 5:19

Mu kale mu ku di kunda mudienu ni jisalamu, ni mikumbi ia nzumbi. Muila ni kuimbila Ngana mimbu ni jisalamu ni muẋima ua ku mu sakidila.

Kolose 1:14

Kua muène ku tu tambula o ufolo ua kujituka ku ungunji. Kua muène ue ku tu tambuila o muloloko ua ituxi ietu.

Kolose 1:23

Kikale-phe mu kolokota mu kuxikana, mua kuata, mua xikama ku disesa dia kòlo, ki mu xikina ku mi sendumuna mu kudielela ku mua tambula kioso ki muevu o Njimbu Iambote. O Njimbu Iambote ieniʼoio, iene ia ngi katula, eme ngi Phaulu, mu kukala ngi ngunza iê, phala ku i kola mu ngongo ioso.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Jihebeleu 11:14

Oso-phe a zuela kiki, a di monekena kuila a mu sota o ixi iâ ia bhindamena.

II Phetele 2:1

Mʼukulu ku mundu-phe kuejile jipolofeta ja makutu, uila kiki mudienu kuandú kala ue jimesene ja makutu. Jene ji mi zombela ni maulongelu mengi ma texikisa, katé ni Muadiʼâ ua a sumba a dituna-nê. O mu kubhanga kiki, a di bhekela kingûmba kialenguluka.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.

Dijingunuinu 10:11

Anga a ngʼambela, exi: Eie hanji kua ku xala dingi lumoxi kujimbuila madiembu mavulu, ni ifuẋi, ni madimi, ni jisobha, o Njimbu Iambote ia Nzambi.

Dijingunuinu 11:9

Athu a tundu ku madiembu moso, ni miji ioso, ni madimi moso, ni ifuẋi ioso, a kala mú talesa ngó o imbi iâ mu izuua itatu ni kaxaxe, kehela ku i funda mu mbila.

Dijingunuinu 13:7

A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 14:6

Anga ngi mona anju iamukua ia mu bhita bhulu, ia di lèka, o bhu ala kubhitila, uasu o mbambe ni diulu. Uambata o jingolokela ji xalelà-ku ja Njimbu Iambote, phala ku ji kolela athu oso a tungu mu ngongo, ku ifuẋi ioso, ni miji ioso, ni madimi, ni madiembu.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.

Dijingunuinu 4:11

Eie u Ngana ietu, Nzambi ietu! Kia ku fuama o kutambula fuma, ni ujitu ni unéne. Mukonda éʼMuène ua bhanga ioso, o vondadi ié iene ia i bhangesa kuiza-ku, íi ia di bhange, íi iala-ku.

Dijingunuinu 5:12

Anga emba ni dízui dia suina, exi: Kambudi a mu jibhile, kia mu fuama kutambula o unéne ni umvuama, ni unjimu, ni uzonda, ni ujitu, ni fuma ni diximanu.

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.