Dijingunuinu 5:6 - O Mikanda Ikola

⁶ O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.

Dijingunuinu 5:6 Iomraidhean Croise

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 8:3

Ngedi ngi bhetula mesu, nga mono kilumbe kia mbudi kiemana ku kibumu kia ngiji, kiala ni jimbinga jiiadi; jimbinga jalebha muene, maji bhu kala-phe lumoxi lu tunda mukuâ mu kulebha; o lua beta kulebha-phe luene lua suikidila-ku mu kusabhuka.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Habakuke 3:4

O kubenha kuê kuèla kala mukengeji, jinzanji jikala mu tunda bhu lukuaku luê; bhenhobho bhene bhua suama o kutena kua nguzu iê.

Zakadiia 3:9

Mukonda, talesa-ze, ditadi didi di nga tula bhu pholo ia Josuué. Ku ditadi didi, dimoxʼèlele, kuala sambuadi dia mesu; Eme-phe nga-nda kuseta-ku o kisetelu kiê, anga kikuma kia ixi iii ngi ki katula mu kizuua kimoxi, kiene kiambe Jihova dia Ifuẋi.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Dialuilu 7:39

ni kamgombe ka ndumbe, ni kilumbe kia mbudi, ni kambudi ka ndumbe, ka muvu umoxi, phala sata ia kuoha;

Dialuilu 7:57

ni kangombe ka ndumbe, ni kilumbe kia mbudi, ni kambudi ka ndumbe, ka muvu umoxi, phala sata ia kuoha;

Luka 1:69

ua tu zangelekela Mubhuludi ua nguzu phala ku tu bhulula u tundu mu mbutu ia mubhikʼê Davidi—

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

Nzuá 1:36

Anga u mona Jezú uala mù bhita, uixi: Talenu! Ió muène o Kambudi ka Nzambi!

Jipoxolo 8:32

O kibatu kia maka mu Mikanda ia Ngana muala kutanga Ngolambole, kiambe kiki: Muène a mu sunga kala mbudi i ambatela kuia bhu dijibhilu, ua di xibha mukuâ ni monʼa mbudi ku ió a mu bhuta o kindemba kiê. Mu kienʼiki, uedi ni muène hudi, ka jikula ngó dikanu diê.

Dijingunuinu 1:4

Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,

Dijingunuinu 12:11

Jiphange jetu a tena-phe ku mu tolola mukonda dia manhinga ma Kambudi, ni mukonda dia maka ma umbangi uâ ua kidi ma tanga jinga. Ene a kexile polondo ia kubhakula o mienhu iâ phala ku a jibha.

Dijingunuinu 13:8

O ene oso a tungu mu ngongo a kà kala mu ku mu bheza, ió ene oso a kambe o ku a soneka o majina mâ tundé ku dimatekenu dia ʼxi mu divulu dia muenhu diangene dia Kambudi, ió a mu jibhile.

Dijingunuinu 14:1

Kienhókio anga ngi talesa, ngi mona Kambudi uemana ku Mulundu ua Ziione. Anga kukala athu kumoxi ni Muène, hâma ia midi ni makuinhi auana ni midi jiuana, ala ni dijina diê ni dijina dia Tata iê, òsoneke bhu mabhômo mâ.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.

Dijingunuinu 22:1

Anju anga u ngʼidikiza ue o ngiji ia menha ma muenhu, mazele kala kidistalo, i fuafua bhu kiandu kia Nzambi ni kia Kambudi,

Dijingunuinu 22:3

Ku mbanza koko ki kuà kala dingi kima kioso-kioso kiòbhubhidile kuala Nzambi. O kiandu kia Nzambi, ni kia Kambudi, kià kala muenhomo, o jiselevende jê jà kala mu ku mu bheza jinga.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

Dijingunuinu 5:11

Anga eme ngi tala dingi, hé ngʼivua dízui dia ji-anju javulu ja bhake o kiandu bhu kaxi, ni iama iuana ia muenhu, ni ikulakaji, jʼemana, o konda iâ ia tena jimidi ni jimidi ja ndumba!

Dijingunuinu 5:12

Anga emba ni dízui dia suina, exi: Kambudi a mu jibhile, kia mu fuama kutambula o unéne ni umvuama, ni unjimu, ni uzonda, ni ujitu, ni fuma ni diximanu.

Dijingunuinu 5:13

Kienhókio, ima ioso ia bhanga ni muenhu, iene mu diulu, ni mu ngongo, ni koxi a mavu, ni ku musanza ua kalunga, ima ioso kiá iene-ku, nga i ivu i kala mu kuimba, iexi: O diximanu, ni ujitu, ni ungana, ni utuminu, uangene ua ió ua xikama bhu kiandu, ni ua Kambudi, mu mivu ni mivu sè dizubhilu!

Dijingunuinu 5:14

O iama iuana i tambuijila, iexi: Kidi muene. Amén! Ikulakaji anga a di bhala, hé a bheza ió ua kalelà-ku.

Dijingunuinu 6:16

Anga a dionda o milundu ni jindanji, exi: Tu lundumukinienu, mu tu sueke ku mesu ma ió ua xikama bhu kiandu, ni mukonda dia njinda ia Kambudi!

I Samuuele 2:10

Oso a bhânga ni Jihova a kà tolojoka; muene u a numinina tunde mu diulu. Jihova uà fúndisa maẋokololo a jixi. Sobha iê ua kà mu bhana o nguzu ni kutumina ua kà zangeleka o kutena kua muthu uê ua mu undu ni maji.