Dijingunuinu 5:5 - O Mikanda Ikola

⁵ Kikulakaji kimoxi anga u ngʼambela, uixi: Ku dile. Tala! O Hoji ku muiji ua Juda, mukua Lundânji lua Davidi, ua tambula o kikoue, muène u lenda kubula o sambuadi dia kidimbu didi, ni kujikula o divulu diê.

Dijingunuinu 5:5 Iomraidhean Croise

I Jisobha 10:20

Kuinhi dia hoji ni jiiadi ja kexile ue kuenhoko ku matala asamanu a maxikata, ku mbandu hoji jisamanu ku mbandu hoji jisamanu. Nuka a bhangele-ku ufunu ua difu kiki mu maungana oso.

II Malunda 9:18

O kiandu hé ki kala ni disambelelu dia matala a samanu ni kibaka kia ulu, kia naminina ku kiandu kuene, ni maxamenenu ku mbandu jene kiiadi kiâ bhu kididi kia kuxikama; hoji jiiadi ji kala bheneʼobho bhu maxamenenu.

Jobe 41:15

O mikalatata ia ibalabala iê, iene o ku di zangeleka kuê; iene ia di jondo kiambote mu kimoxi-kimoxi kala a i te ni Selu.

Izaía 11:1

Mbata ku kixina kia Jese kuanda kusabhuka Luthangu, o ku jindanji jê kua-nda kufuafua ngolongo ia-nda kuima.

Izaía 11:10

Kia kà kala-phe kiki, kuila, mu kizuuʼomo akua jixi a kà di ta mu kusota Lundanji lua Jese, a lu te mu ku kala mvela ia ifuẋi; o kididi kia dinhohenu diâ kia kʼèzala fuma ia tenena.

Jelemiia 31:16

Jihova-phe uambe kiki: Mbimbi ié ia kudila suikika na-iu, kumoxi ni masoxi ma mesu mé; kuma o kikalakalu kié kiala ni futu iê, Jihova ua ki tange, mukonda ku ixi ia nguma iâ ene a-nda kutunda-ku mu kuvutuka.

Daniiele 7:16

Anga ngi zukama ku umoxi kua iá emana-bhu, mbé a ngi tetuluile o kidi kioso ku imʼiii. Muene iú ua ngi tangela-iu, iu uangʼijidisa o dijimbuluilu dia ima ioso ienhiʼii, uixi:

Dialuilu 24:9

Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

Luka 23:28

Jezú anga u bilukila kuala ahatu, uixi: Enu mu anʼa ahatu a Jeluzaleme, ki mu ngi dile Eme! Di didienu enʼ uenu, ni anʼ enu!

Luka 7:13

Ngana kia mu mono, henda ia mu kuata, anga u mu ambela, uixi: Ku dile.

Luka 8:52

Ene oso anga a kala mù dila, ni ku ta mbundu, mukonda dia kamona. Muène-phe, uixi: Ki mu dile; mona kàfu, uaii ngó ku kilu!

Nzuá 20:13

Jene ji mu ibhula, exi: Muhatu, ua-lu didila-hi? Muène uixi: Mukonda o Ngana iami a mu katula-bhu, ki ngʼejiia kuoso kua mu bhake!

Loma 1:3

Iene ia mu tanga o Monʼ a Nzambi, ngana ietu Jezú Kristu. Mu kidifua kia muthu, Muène ua tunda ku mbutu ia sobha Davidi.

Loma 15:12

O bhuamukuâ Izaia ue uixi: Hadia kuà keza muthu u tunda ku muiji ua Jese, muene ua kà zangalala mù tumina akua jixi jengi; o matumbu a kà mu dielela jinga muene.

Jihebeleu 7:14

Tua kʼijiia kuma Ngana Jezú ua tokala ku muiji ua Juda. O muiji iú-phe Mozé ka u tange kukala ni kima, kioso kia zuela bhu kaxi ni jinganga.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 4:10

o makuinhi aiadi a kikulakaji ni iuana, a di bhala bhu pholo ia Muène ua xikama bhu kiandu, hé a mu bheza uene ni muenhu uê mu mivu ia kambe dizubhilu. Hé a takula itundu iâ bhu pholo ia kiandu, exi:

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 5:4

Eme anga ngi kala mù dila kiavulu, mukonda kana muthu ua moneka, ua tena kujikula o divulu, mba ku di tonginina ngó moxi diê.

Dijingunuinu 6:1

Bhenhobho nga mono Kambudi kioso kia jikula-bhu o kidimbu kia dianga ku sambuadi dia idimbu. Anga ngʼivua o kiama kimoxi ki zuela ni dízui dia suina kala kinuminu kia nzaji, kixi: Enda kunu!

Dijingunuinu 7:13

Kikulakaji kimoxi, anga u ngi kumuna, uixi: Enhá, a kembe kiki ni izuatu izela, akua-hi? A tundu kuebhi?