Dijingunuinu 4:8 - O Mikanda Ikola

⁸ Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

Dijingunuinu 4:8 Iomraidhean Croise

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Jisálamu 91:1

Ió ua tunga mu kibúta kia kondama kia Suke-ku, iú ua xikama mu kilembeketa kia Muteni-a-ioso,

Makatukilu 15:11

Ku jinzambi nanhi muene u soka ni eie u Jihova? Mukuenu nanhi u kôla kiki mu kuzela ni kuiuka, kilamba ki kuata uoma, mukua kubhanga madiuanu?

Makatukilu 3:14

Nzambi anga u ambela Mozé, uixi: Eme kala-dia-kala, uixi: Ua kèla kua anʼa Izalaiele kuma: Kala-dia-kala muene ua ngi katula, iú ua ngi tumu ko kuenu.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 62:1

Mukonda dia henda ia Ziione ki nga-nda ku dixibha, mukonda dia henda ia Jeluzaleme ki ngi ximbakata luua; katé ki tomboka o kuiuka kuê kala kubenha, o ubhulukilu uê uiza kala sama ia túbhia ia uama.

Izekiiele 1:18

O malola eneʼâ kitala kiê kulebha kuahi, a kuata uoma; o jikamba ja malola eneʼâ kiuana kiâ, jʼezala mesu mu jimbandu.

Izekiiele 1:5

O mu kaxi kê anga mu kala mu kutunda kídifua kia iama i uana; o kídifua kiá kienhiki: a kala ni kídifua kala kia muthu.

Izekiiele 1:6

Ene anga a kala ni jipholo jiuana-jiuana, ni mabhabha auana-auana.

Izekiiele 10:12

O mukutu uâ uene uoso, ni makunda mâ, ni maku mâ, ni mabhabha mâ kumoxi ni malola a kexile na-u kiuana kiâ, ezalele mesu mu mesu mbandu joso.

Jouele 1:15

Uaué! Kizuuʼokio, tata! Kuma kizuua kia Jihova kia zukama! Kiene kia kèza mukuâ ni disengulukilu di tunda kua Muteni-a-Ioso.

Jipoxolo 20:31

Uila kiki di langienu, mu xinganeke kuma, mivu itatu iosuʼiii, ni mu muanha ni mu usuku, ki nga fulu dingi o ku mi dimuna, muthu ni muthu mudienu, ni masoxi.

II Kolindo 6:18

Ngi mi kale ngi Tata ienu, enu mu ngi kale mu anʼ ami a mala ni àhatu kiene kiambe Ngana Uatena-Ioso.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Timote 4:16

Di lange eie-muène, ni ulongelu ué. Kuata muanu mu ima ienhiʼii; kuma mu kubhanga kiki, ua-nda kuila ni eiemuène u bhuluka, ni ene ue a bhuluka oso a kuivua.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Jihebeleu 13:8

Jezú Kristu muène umoxi, ni mazá, ni lelu, katé ku hádia.

Dijingunuinu 1:4

Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 11:17

exi: Eie Ngana Nzambi, Muteni-a-Ioso, kiki uenié-ku, tunde ukulu Eie ua kàle! Tua ku sakidila, mukonda Eie ua tambula o kutena kué kuonéne, ua hingi ungana, Eie ua mateka kiá o kutumina.

Dijingunuinu 14:11

O dixi dia túbhia tua kà a tatesa, dia kà banda jinga katé ku hádia ni hàdia! Momo, oso a bheza kiama ni kitèka kiê, ni oso a tambula kidimbu kia dijina diê, a kà tala hadi muanha ni usuku ka nhoha.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 15:3

Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 15:7

Kienhókio, ku iama iuana ia muenhu, ku kala kimoxi ki bhana sambuadi dia anju sambuadi dia nganza ia ulu iezala ni njinda ia Nzambi, Ió ueniê ni muenhu uê katé ku hàdia ni hàdia.

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.

Dijingunuinu 16:7

Anga kienhókio ngʼivua dízui dia tundu bhu kalatódio, dixi: Kiene muene! Eie Ngana Nzambi, Muteni-a-Ioso, o kubatula kué kua kidi, kuaiuka!

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.

Dijingunuinu 19:4

Bhenhobho o makuinhi aiadi a kikulakaji ni iuana, ni iama iuana ia muenhu, anga a di bhala, a bheza Nzambi ua xikama bhu kiandu, exi: Amén! Ximanenu Nzambi!

Dijingunuinu 21:22

O mu mbanza muene-phe ki nga mono-mo Tembulu, kuma o Ngana Nzambi, Kutènde, ni Kambudi, ene o Tembulu iê.

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 4:6

O bhu pholo ia kiandu, anga bhu kala ni kima kiedi kala kizanga kia vidulu, kia di fu mukuâ ni kidistalu mu kuzela. Ku mbandu ni mbandu, a bhake o kiandu bhu kaxi, kukala ue ni iama iuana, iezala mesu ku pholo ni ku dima.

Dijingunuinu 4:9

Kithangana ni kithangana, kioso o iama iuana ki i bhana fuma ni ujitu, ni kusakidila ió ua xikama bhu kiandu, uene ni muenhu uê mu mivu ia kambe dizubhilu,

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.

Dijingunuinu 6:1

Bhenhobho nga mono Kambudi kioso kia jikula-bhu o kidimbu kia dianga ku sambuadi dia idimbu. Anga ngʼivua o kiama kimoxi ki zuela ni dízui dia suina kala kinuminu kia nzaji, kixi: Enda kunu!

Dijingunuinu 6:6

Anga ngʼivua kala dízui dia mu tunda muʼaxaxe ka iama iuana ia muenhu, dixi: Kizongelu kimoxi kia tiliku mu kizuua kia muvimba ki kalakala o muthu, o sevada izongelu itatu mu kizuua kia muvimba ue ki kalakala o muthu. O mu maji-phe ni mu vinhu, kana kufungisa-mu kima kioso-kioso.

Dijingunuinu 7:11

Bhenhobho ji-anju joso jemana, ja bhake o kiandu bhu kaxi, ni ikulakaji, ni iama iuana ia muenhu. Anga ji di bhala ni jipholo bhoxi bhu pholo ia kiandu, hé ji sambela Nzambi,

Dijingunuinu 7:15

Kiene ki emanena bhu pholo ia kiandu kia Nzambi, ene a mu sedivila muanha ni usuku mu Tembulu iê. O ió ua xikama bhu kiandu, u a kondeka ni kivule kiê.