Dijingunuinu 4:7 - O Mikanda Ikola

⁷ Kiama kia dianga kidifua kiê kala hoji. Kiama kia kaiadi, kala ngombe. O kiama kia katatu, pholo iê kala ia muthu. Kiama kia kauana, mukuâ ni holokoko ioleka mabhabha kioso ki i kala mu kubhita bhulu.

Dijingunuinu 4:7 Iomraidhean Croise

Dimatekenu 49:9

Eie Juda u munzangala ua hoji; monʼami, kumbi kuẋi dia kʼèza ni mbole iê? U zomba hé u butama kala ndumbe ia hoji mu kisasa, kala mama a hoji; nanhi muene u teza ku mu balumuna?

II Samuuele 1:23

Saúlo ni Jonata mu kukola muenhu o kuuabha, o ku di zola, ka di uanununa-phe, kixi ku muenhu kixi mu kufua kuâ, mu kulenga lusolo a somboka jiholokoko, mu kusuina kinéne a tunda jihoji,

Jisabhu 28:2

O ixi, mukonda dia ikuma iâ, utuminu uê u vula jingana; maji kioso-phe ki uiza bhu maku ma muthu umoxi uadimuka, uala ni kilunji, utuminu uê u nangenena.

Izaía 40:31

Maji oso a kinga kua Ngana-phe, a tambula nguzu iobhe, a di-leka ku mabhabha kala jiholokoko; alenga sé kuzônda, enda muene sé ngó kubhuila.

Izekiiele 1:10

O pholo jâ ji kala ni kídifua kia pholo ia muthu; ku mbandu ia lukuaku lua kiasu, enʼoso kiuana kiâ a kexile ni pholo ia ngombe; ni pholo ue ia holokoko kiuana kiâ.

Izekiiele 1:8

Anga a kala ni maku a muthu mʼoxi dia mabhabha mâ, ku mbandu jene kiuana kiâ; kienhiki anga enʼoso kiuana kiâ a kala ni pholo jâ ni mabhabha mâ.

Izekiiele 10:14

Kala xelubini ia kexile ni pholo jiuana: pholo ia dianga ia kexile pholo ia xelubini; o pholo ia kaiadi, pholo ia muthu; o ia katatu pholo ia hoji, o ia kauana pholo ia holokoko.

Izekiiele 10:21

Ene oso a kala ni pholo jiuana ni mabhabha auana kala muthu, o kidifua kia lukuaku lua muthu ki kala moxiʼa mabhabha mâ.

Daniiele 7:4

Kiama kia dianga mukuâ ni hoje, anga kikala ni mabhabha ma holokoko; eme-phe ngi kuata kukengelela, katé kia ki tukula o mabhabha, anga a ki bhana o kubhetuka ku mavu, ni kuimana nzànza kala muthu, anga a ki bhana muẋima ua muthu.

Obadiia 1:4

Né u di leka kala holokoko, ni u te kikalanga kié mu jithéthembua, kuenhoko nga kà ku lundumuna-ku, kiene kiambe Ngana.

Dialuilu 23:24

Kifuẋi kiê a balumuka kala mama ia hoji, mba, ndumbe ia hoji kia lundumuka; ka zeka ngó sé kudia mbole, anga u nua manhinga ma tunda ku isasu.

Dialuilu 24:9

Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

I Kolindo 14:20

Jiphange, kana kuxinganeka kala mu anandenge. Mu iaiibha mu kala mu ana auisu, maji-phe mu kuxinganeka mu kala mu adiakimi.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;

Dijingunuinu 4:6

O bhu pholo ia kiandu, anga bhu kala ni kima kiedi kala kizanga kia vidulu, kia di fu mukuâ ni kidistalu mu kuzela. Ku mbandu ni mbandu, a bhake o kiandu bhu kaxi, kukala ue ni iama iuana, iezala mesu ku pholo ni ku dima.

Dijingunuinu 6:3

Kambudi kia jikula o kidimbu kia kaiadi, ngʼevu kiama kia kaiadi, kixi: Enda kunu!

Dijingunuinu 6:5

Kambudi kia jikula o kidimbu kia katatu, ngevu o kiama kia katatu, kixi: Enda kunu! Ngedi ngi tala, kua moneka kabalu kaxikelela. O ua mondala-ku, ua kuata pezu bhu lúkuaku.

Dijingunuinu 6:7

Kienhókio Kambudi kia jikula o kidimbu kia kauana, ngevu dízui dia kiama kia kauana, kixi: Enda kunu!