Dijingunuinu 3:4 - O Mikanda Ikola

⁴ Maji sai-phe ni athu u uala-nâ mu Salade, a kambe kukasanesa o izuatu iâ. Enhó hinu enda ni eme-muène mu izuatu izela, kuma kia a fuama.

Dijingunuinu 3:4 Iomraidhean Croise

I Jisobha 19:18

Eme nga xalesa ue sambuadi dia midi ia muthu mu Izalaiele, ió o jiphuna jâ joso ki ja fukamena Bahale, ni dikanu diâ dioso ki dia mu bhana jibeju.

Estere 8:15

Moledekai anga u tunda bhu pholo ia muenexi, ua zuata izuatu ia ungana izela ni ia azulu, ni kijinga kia ulu ku mútue, ni divunga dia linhu ia fina ni purpura; mundu mu nzunga ia Suzana anga a kola, a sanguluka.

Jisálamu 68:14

Muteni-a-ioso kia phephulula jisobha bhenhobho, kia soko ni ki phephuluka o neve mu mulundu ua Zalamone.

Ndongixi 9:8

O izuatu ié izele jinge mu thembu joso, o mu mútue ué nuka mu kamba maji ma dizumba di nuha kiambote.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Izaía 59:6

Uandanda uâ ki u xikina ku u bhanga kizuatu, midimu iâ ka kà tena ku divunga-iu; midimu iâ midimu ia ituxi, o bhu maku mâ bhuezala ibhangelu ia usuéia.

Izaía 61:10

Nga kà sangulukila kiavulu mua Jihova, muẋima uami u tanena mua Nzambi iami; mukonda ua ngi zuika ni izuatu ia kubhuluka, ua ngi vungu dibeka dia kuiuka, mukuâ ni ngàiala ua kembela ubhanga, kala dibhanga dia di-zakela ni makembu mê.

Izaía 61:3

ni kubhana ngonge kuamba akua-malamba mu Ziione a a zuike izuatu ia makembu bhu kididi kia utôkua, bhu kididi kia malamba a a uese majiʼa kutana; bhu kididi kia kikote kia muẋima a a zuike kizuatu kia diximanu; nda a a luke kuila miẋi ia uiukilu, iòphaphe kua Jihova, phala fuma iê.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Ijila 13:48

mba di kuatela mu jidinha jóleke hanji ngó, mba fazenda iótunge kiá thanga, ikale ia linho, ikale ia kindemba kia mbudi, mba-phe dia kuatela mu kibha mba mu ufunu uoso-uoso a u tungu ni iibha,

Matesu 10:11

Mbonge ioso mba sanzala i mu tula, mu sota uoso mukua ujitu ua tungu-mu; muène mu kala-nê katé ki mu katuka.

Marku 16:5

O bhenhobho ene kia bokona mu mbila, a sanga munzangala ua diiala ua xikama bhu mbandu ia kadilu, ua zuata kizuatu kiazele, kialebha. Anga a sasumuka kinene!

Luka 20:35

Oso-phe a kà fuama mu kikexilu kiókio kia diulu, ni mu kufukunuka kua afi, kà sakana dingi, né mala, né ahatu.

Luka 21:36

Uila kiki, di langienu-phe ithangana ioso, ni kudionda mu kusamba, phala mu tene kubhuluka ku ima ioso iíi, ni kuimana nzànza bhu pholo ia Monʼa Muthu.

Jipoxolo 1:15

Ki bhua bhiti tu-izuua, a bhongoloka bhu kionge, o mundu uene uala hama ia muthu ni makuinhi aiadi, Phetele anga u imana mu kaxi ka jixibulu, uixi:

II Tesalonika 1:5

Bhenhabha-phe, kijimbuete kia di monekena, kia kutetuluka kua iuka kua Nzambi. O ibundu i tunda ku ima ienʼiii, i bhekela ku mi kita kuma mu athu mua fuama mu Utuminu ua Nzambi; mbata o Utuminu uenʼ iú uene u mua mu talela o hadi.

Juda 1:23

Amukuá mu a bhulula ni ku a nhangumuna mu tubhia. Amukuá mu a kuatela muene henda. Xi, amoximu-phe mu a lendukila ni uoma, maji mu kuzemba o ituxi, katé ni izuatu iâ ia kuata o maxaka ma jivondadi jâ, ja iibha lengenu-iu.

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 14:4

Enhá ene a di bhake ni kuzela, a kambe kudikasanesa ku jiphànda ni ahatu, kuma ala anʼa ndenge. Enhá ene a nhenganana Kambudi, ene a nhunganê kuoso-kuoso ku a di tela. Enhá ene a a sumbu muʼaxaxe ka mundu ua athu mu ngongo, mu kukala ibundu ia kutomona ia bhakuila Nzambi ni Kambudi.

Dijingunuinu 19:14

O ifuẋi ia makuenze iene mu diulu, anga i mu kaiela, a mondala jikabalu jizela, a zuata linhu ia fina, iazele, iauabha kiambote.

Dijingunuinu 19:8

Dibhanga a mu bhana kukemba ni linhu ia fina, ia benha, ia uabha. (Linhu ia fina íii, iene o ikalakalu iaiuka ia akua-Ngana, ia kembe na-iu o dibhanga).

Dijingunuinu 3:18

Mu kiki, nga ku longesa kusumba kokuami, ulu ua bhiti mu túbhia, phala ni kidi kiene u kale u mvuama. U sumbe ue ni izuatu izela, mbé u di vunge, phala sonhi ki ji ku kuate ja tuẋi. Ni milôngo ia mesu, u di uaie mu mesu, nda u mone.

Dijingunuinu 3:5

Uoso u tolola, a mu kembesa kiki ni izuatu izela; kana, kana, ki ngi mu jimuna dijina diê mu divulu dia muenhu. Hinu ngi mu fisala dijina diê bhu pholo ia Tata iami, ni bhu pholo ia ji-anju jê, kuila ua ngi tokala.

Dijingunuinu 4:4

Anga kukala ue makuinhi aiadi a kiandu ni iuana, ia kondoloka o kiandu bhu kaxi; o bhu iandu íii bhua xikama makuinhi aiadi a kikulakaji ni iuana, a kembe ni izuatu izela, o ku mitue a kala ni itundu ia ulu.

Dijingunuinu 6:11

Anga a a bhana izuatu izela, ene oso a sokelà-ku. Hé a ambela kuma a nhohe-ku hanji kathangana, katé ki tenena o konda ia jiselevende ni akuá o jiphange jâ, oso a-nda ku a jibha ue uila kia a jibhile ene.

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.