Dijingunuinu 2:9 - O Mikanda Ikola

⁹ Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

Dijingunuinu 2:9 Iomraidhean Croise

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Luka 12:21

Ngana Jezú anga u lombolola, uixi: Kiene ki kala uoso u bhongolola jimbongo ja muène-muene, o kua Ngana Nzambi kala-ku ni jimbongo.

Luka 22:65

Anga a mu âmba dingi ima iavulu ia malebhu.

Luka 4:18

Nzumbi ia Ngana ua ngi tula, mukonda muène ua ngʼundu kutudila o jingadiama, Njimbu Iambote. Ua ngi tumu kuxika ngonge ia ufolo ua abhika, ni kubhana mesu o ifôfo, ni kujituna oso a a kuika,

Luka 6:20

Jezú anga u bhetula mesu kuala o jixibulu jê, hé ua ambela, uixi: Mua zediua, enu mu jingadiama, mukonda o Utuminu ua Nzambi uà kala uenu.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Jipoxolo 26:11

Ngi kala luavulu mu ku a bhana kaxtiku mu jinzu joso ja mabhezelu a Nzambi, ngi bhindamena ku a xingisa Jezú ni kudituna o kuxikana. Mukonda ue njinda ia ngi kuatele kinene, nga a salukila kiavulu, katé nga a zukutisa ni ku madiembu a makanga.

Loma 12:12

Sangulukenu jinga mu kudielela ku muala na-ku; kuatenu kinhenge mu izudidiku, kolokotenu mu kusamba, ki mu bhuile.

Loma 2:17

Ihi ia ku kuata? Eie-phe uala ni dijina dia kukala u Judé, eie ua xamenena ku Kitumu kia Mozé, uala ni ukumbu mukonda dia Nzambi i uala na-iu.

Loma 5:3

Kieniki ngó ki kiene, maji tua sanguluka ue mu jihadi jetu; mukonda tua kʼ ijiia kuila o hadi i bhekela kulolokota;

Loma 8:35

Nanhi-phe ua kà tu batukisa ku henda ia Kristu? Ngongo, inga phaxi, inga izudidiku, inga nzala, inga tuẋi, inga dibhulubhulu, inga xibhata?

Loma 9:6

Ki tu fike-phe kuila o kizuelu kia Nzambi kia lémbua. Kuma a tokala Izalaiele, ene oso ki akua Izalaiele osole kua Nzambi.

II Kolindo 6:10

Sai ni bhabha a tu vunzila malamba, maji etu tua sanguluka jinga. Tuedi kala tu jingadiama, maji athu avulu tuala ku a muesa jimbongo. Tuedi kala ki tu moneka kima, maji ima ioso tua i vu.

II Kolindo 8:2

Kuma ene mu ku a lola mu polova ia jihadi javulu. Maji ezala ni ngalasa iâ, o mu uadiama uâ uazongo a bhana kia nzungule mu kubindumuna.

II Kolindo 8:9

Kuma o henda ia dikota ia Ngana ietu Jezú Kristu mua ijiia; sumbala muène ua kexile mvuama, ua di bhangele-phe ngadiama, mukonda dienu, phala enu ku uadiama uê mu mone o umvuama.

I Tesalonika 3:4

Kia kidi kiene, kuma ni ki nga kexile ku mualʼ oko, nga mi tangelele-kiu kuila tuanda kutala hadi! O ku pholo kunu-phe mua ki mono muene kuila kiene kia bhiti!

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

I Timote 6:18

A tume kuila a bhange jinge o mbote, mbé a kale ni umvuama ua ikalakalu iafuama, ende ni kubhana, ende ni kubindumuna akuá oso kala ni kima.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.

Dijingunuinu 2:24

Nga mi ambela-phe, enu mua xala-ku mu Tiiatila, oso ulonge-lu iú uaiibha ki muene na-u, mua kambe kuijiia o ima iazongo ia Satana, uila kia mu tanga ene, enu ki ngi mi xina dingi kimbamba.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.