Dijingunuinu 2:3 - O Mikanda Ikola

³ Uala u mukua muanu, ua kolokota ni kutala hadi mukonda diami, ku bhuila.

Dijingunuinu 2:3 Iomraidhean Croise

Jisálamu 37:7

Niohena kua Jihova, u mu kinge kimuanu; kana kulalama mukonda dia ió uedi kala ua mu zediuila mu njila iê iengi, u xinganeka jindunge jaiibha, anga uia muene ni ku ji bhanga.

Jisálamu 69:7

Mukonda eme nga bongo malebhu, mu ku ku dielela eie; nga sonoka muene pholo mukonda dia jisonhi.

Mikeia 7:9

Kia kà ngi bazela Ngana, nga kà dixibha muene, mukonda nga te kituxi kua muene. Mulonga uami kuila ua u fundisa kiá, muene nʼangi xindila kioso kia ngi tokala, ua kà ngi bheka kua zele, eme anga nga kà mona o kufundisa kuê kua kidi.

Marku 15:21

Anga a kuata muthu uala mu bhita njila ie, ua tundu ku matutu. Muthu muenhu Ximá mukua Silene, muene uavu anʼê Xandele ni Lufu. Masoladi anga a mu bhinjika kuambata dikulusu die.

Luka 14:27

Uoso ue u kamba kuambata dikulusu diê, ni ku ngi kaiela, ka tena kukala xibulu iami.

Luka 18:1

Jezú anga ua tela kifika phala ku a longa kuma a tokala kusamba jinga, sé kubhuila;

Luka 21:19

Mu kukolokota kuenu, muene mu mua-ndu muena o mienhu ienu.

Luka 5:5

Kuala Ximá: Mesene, tua kalakala usuku uoso, ki tu kuata kima. Maji kuma eie ua kiambe, eme nga-nda kutumaka, tu ta dingi o manda.

Luka 8:15

O ia sonoka mu mavu mambote, oso évua maka ni muẋima ua kidi, ua uabha, anga a ma lunda, ema ibundu ni muanu.

Nzuá 15:21

Ene a mi bhanga ima ioso iíi mukonda dia dijina diami, mukonda Ió ua ngi tumu, ka mu ijiia.

Loma 12:12

Sangulukenu jinga mu kudielela ku muala na-ku; kuatenu kinhenge mu izudidiku, kolokotenu mu kusamba, ki mu bhuile.

Loma 16:12

Menekenenu Tidifena ni Tidifoza, akua kukalakala mua Ngana. Menekenenu Pelesida, kamba diami nga mu zola, kuma muène ua kalakala kiavulu mua Ngana.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 8:25

Maji ue se tua dielela kima kiluua tu ki mona, tu ki kinga ni kinhenge.

I Kolindo 13:7

O henda ki i zondo mu phaxi, maji i xididika mu ima ioso ni kuxikana, i dielela mu ima ioso, i bhalakata mu ima ioso.

I Kolindo 16:16

endenu ni ku a kaiela mu im ioso ia longa, kumoxi ni akuá oso a mu a kuatekesa mu kikalakalu kioso kia mu bhanga.

II Kolindo 10:15

Uila kiki, ki tua mu di thathela ku ikalakalu ia bhange akuetu mu ididi iala mu jimbambe ja a bhana Nzambi. Maji tua dielela kuma o kuxikana kuenu ku kula dingi. Phala tu tene kubhanga kikalakalu kia beta kota muʼaxaxe kenu, mu jimbambe jene ja tu xindila Nzambi.

II Kolindo 11:23

Kifua ene jingunza ja Kristu? Eme kotʼélele, sumbala nga zuela kala nga tekuka. Mu kukalakala eme kotʼélele, mu jikaleia eme kotʼélele. Mu ku ngi beta ni jisanzu, kotʼélele, mu makufua luavulu muene.

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

II Kolindo 4:16

Mukonda dia kiki, ki tu kuata usudi. Né-mbe o mukutu uetu iú ua bhoxi uia ni kujila, mukutu uetu ua nzumbi-phe uia ni kukala dingi ua ubhe kizuua ni kizuua.

II Kolindo 5:9

Maji-phe, kiala-bhu kota, ki tua bhindamena, o kuuabhela muene Ngana kiambote, kixi tu kala kunu mʼonzo iii ia mukutu uetu, kixi tu kala koko.

II Kolindo 6:5

Ene mu ku tu beta ni ku tu takuila mu jikaleia, hé a tu bhana ndumba ia malembu mu jimvunda ji salumuna o mundu. Tuene mu kalakala kinéne katé tu fula muene o kilu sè kuta dikoka ku dikanu.

Ngalásia 6:2

Mu enda ni ku di ahujula o imbamba mudienu; o mu kubhanga kiki, kiene ki mu kumbidila o Kitumu kia Kristu.

Ngalásia 6:9

Ki tu kadienu ni usudi mu kubhanga kiambote. Kuma hinu ki tu bhixila bhu thembu ia tokala, tua kà bhongolola, se tua kambe kubhuila.

Filipe 2:16

Mu ku a tela o Maka ma muenhu, muenda ni kumoneka mu ʼaxaxe kâ kala mu mikengeji ia jithethe-mbua ku diulu. Se kiene ki mu bhanga, eme ue ngi kala ni kia kutela thathe bhu kizuua kiná kia Kristu. Phala ki ngà kèle kala nga huha dikanga dioso, maji nga tale ngó hadi ia hatu.

Filipe 4:3

Ni eie ue u soko diami dia kidi, nga ku diondo, ua a kuatekesa, ahatu enʼió. Kuma ene a ngi bande mu sedivisu ia kusambukisa o Njimbu Iambote, kumoxi ni Kelemende ue, ni amukuâ dingi u nga kalakala-nâ, majima mâ moso mala mu divulu dia muenhu, dia tokala Nzambi.

Kolose 1:11

O nguzu iê ia fuma i mi suinise katé mua tena o kukolokota mu ima ioso, ni kuxididika.

I Tesalonika 1:3

Kuma tuene ku mi lembalala, sé ngó kufula, bhu pholo ia Nzambi ietu, Tatʼetu, o kukalakala kuenu kua kuxikana, ni kubhika kuenu kua henda, ni kukolokota kuenu mu kudielela Ngana Jezú Kristu.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Tesalonika 5:12

Tua mi bhingi-phe, jiphange, kuila muijiia jinga enʼió a kalakala mu ʼaxaxe kenu, a mi tela Ngana ku pholo, phala ku mi endesa ni ku mi longa.

II Tesalonika 3:13

Maji enu-phe, jiphange, kana kukuata usudi mu kubhanga kiambote.

II Tesalonika 3:5

Ngana-phe a mi lungise miẋima mu henda ia kuzola jinga Nzambi, ni mu kinhenge ki tunda kua Kristu.

II Tesalonika 3:8

Kana ue muthu tua mu dila ngó o kudia kuê, etu tua kambe ku mu futa. Maji, bhu kididi kia kukamba kukalakala, etu tua fubuka ni kututumba katé tua bhuila. Mu kukalakala, ki tu zumbuka usuku mba muanha, phala kana muthu tu mu nemena.

I Timote 4:10

Kiene kia mu tu bhekela kubhânga ni kukalakala kiavulu, mukonda kudielela kuetu kua kuata kua Nzambi ia muenhu, Mubhuludi ua athu oso, kota-kota dingi ua ió oso a xikana.

I Timote 5:17

Adiakime a tumina ni kukalakala kiambote mu Ngeleja, mu xinganeka kuma a fuama o ujitu uâ u di budika, uoso u mu a bhanga, kota-kota-phe a kalakala mu kuboka o Njimbu Iambote ni kulonga o uendelu uambote mu ukidistá.

Jihebeleu 10:36

Mua bhingi mu kala ni kinhenge, kuma ki mua kà zubha o kubhanga vondadi ia Nzambi, mua kà tambula polomesa iê.

Jihebeleu 12:1

Mukonda dia kiki, etu a tu bhake bhu ʼaxaxe kuala kifuẋi kionéne kia jimbangi javulu. Tu tudienu ioso i tu lalamesa, ni kituxi kioso kia tu naminina, tu lengienu ni kukolokota o dikanga dioso dia tu kala ku pholo.

Jihebeleu 13:13

Uila kiki-phe, tu tundienu mu kilombo, tu kane Jezú muène, ku kangʼoko, ni kuambata o dilebhu diê.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Jihebeleu 6:12

Ki mu kale-phe ni usudi, inda mu fikisa ió oso a xikana, ni muanu uâ, phala mu tambule jipolomesa mu kuxikana Nzambi ni kinhenge.

Jihebeleu 6:15

O Mbalahamu kia kolokota ni kinhenge, o polomesa ia mu bhana Nzambi ua i tambula.

II Phetele 1:6

o ku kilunji mu bandekeza-ku o kufikisa jihânji, o ku kufikisa jihânji mu bandekeza-ku o kukolokota, o ku kukolokota mu bandekeza-ku o uôma ua Nzambi,

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 3:10

Mukonda eie ua bhake o maka mami, kioso ki nga ku ambela kukala ni muanu, eme uami ngi ku bhaka mu kithangana kia phaxi, hinu ki tukulukila mundu uoso, mu kulola ene oso a tungu mu ngongo.