Dijingunuinu 17:4 - O Mikanda Ikola

⁴ O muhatu ua zuata jithanga jakusuka muene kiavulu nguíi, iú ua kembe ni ulu, ni madiiamande, ni jiphélula. Bhu lúkuaku ua kuata kopho ia ulu, iezala isunji ni imbamba ia ufusa, ia tundu mu undumbu uê.

Dijingunuinu 17:4 Iomraidhean Croise

I Jisobha 14:24

Kua kexile ue ni minzangala ia jindumbu ja mala, mu ixi, ia kexi mu bhanga jinga o maufusa oso a miji Ngana ia kaiesele bhu pholo ia anʼa Izalaiele.

II Jisobha 21:2

Iu ua bhanga jinga ima ia ibha ku mesu ma Jihova, kala kiene o maufusa oso a matumbu, a a kaiesa kuala Jihova bhu pholo ia anʼa Izalaiele mu jixi ja mautuminu mâ.

Ejidala 9:11

O ixi i mua bokona phala ku i vua, ixi ia kasana mukonda dia kukasana kua ifuẋi iê ia tungu-mu ni mu kuiiibha kuâ; a izalesa ni ufusa tundé ku ia tundu katé ku ia suku mukonda dia kuiibha kuâ.

Izaía 66:3

Uoso u jibha ngombe ia sata, mukuâ ni ua jibha muthu; uoso u satela kambudi, mukuâ ni ua batula ómbua xingu; uoso u bhana mubhaku ua musa, mukuâ ni ua bhakula manhinga ma ngulu; uoso u ximika fumasa ia dizumba, mukuâ ni ua benzela dihamba. Mbata eneʼâ ue ala kusola jinjila jâ-ene, muẋima uâ ua sendukila ku ima iâ ia ufusa.

Jelemiia 51:7

Babilonha ua di bhangele kala kopho ia ulu bhu lukuaku lua Jihova, ia kexe mu ku kodiuisa o ngongo ioso; ku vinhu iê kuene kuanu akua jixi; kiene kia bhangesa miji ioso kudianguka.

Kuditenda 1:9

Dixidilu diê dia mu kala ku izuatu iê, muene ka lembalele kuila o ku dizubhilu diê ua-nda kutala hadi; kiene-phe kia mu bhela o kibhalu kia kalunga kiki; ki bhuala u mu konda malamba. Eie, Jihova, ngi tale bhu nga tatela; mbata o nguma ua di te nzabala.

Izekiiele 20:30

Kala kiki, o dibhata dia Izalaiele ambela-diu, uixi: O Jihova Nzambi uambe kiki: Mua muia ni ku di kasanesa enuʼenu, kala kia jitata jenu? Enu mua mu di bhanga mu jindumbu ni isunji iâ ene?

Izekiiele 24:11

Kienhokio-phe, o ímbia ua kà i tula hanji ia hatu ku makala a uama túbhia, phala i teme, o ngulele iê ioso i jokote, o ima ioso ia ufusa moxi diê i sangumuke, o kifulu kiê ki bhue-mu.

Izekiiele 24:13

O mu ufusa ué ua ndumba, muene muala o kusembama kué, kuma eme nga mesenene ku ku zelesa, eie-phe ngué ku di zelesa; ki mungu dingi a kà ku sukula ku dixidilu dié, katé eme ki ngi bhanga kunhohesa o njinda iami ku thandu dié.

Izekiiele 28:13

Ua kexile mu Edene; mu kadíbhia ka Nzambi; o matadi oso a phelu ia nzaji ene a kexile o divunga dié, ni saladonha, ni topáziu, ni diiamande, ni tulukeza, ni onixe, ni jaxpe, ni safídia, ni kalubúngulu, ni jimelada, ni ulu; o kikalakalu kia ngoma jé, ni mbendu jé, kia kexi momuʼé-muène; bhu kumbi dia ku bhangele, kiene ue kia ji iudikile.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Daniiele 11:38

Inda ua-nda kusuua ngó o dihamba dia ukuenze ua ita, dihamba diene o jitata jê ka dʼijidile, diene dia-nda kubheza ni kubhakuila ulu, ni phalata, ni matadi a madiiamande, ni ima ia matunda.

Hozeia 9:10

Izalaiele nga mu tuuama kala isaka ia ji-uva mu mikáu ia kukuta, o jitata jenu ki nga a muene, edile kala ibundu ia sambatende ku mufiku ua kindala; maji ene-phe a lengela kua Baale-piiole, ia a di kasanesa ni mahamba a kuatesa jisonhi javulu, ene uâ ia a kasana kiá kala o dihamba diene dia a uabhelele ene.

Matendelelu 29:17

ufusa uâ mua di muena-u, ni mahamba mâ, o iá a miẋi, o iá a matadi, o iá a phalata, o iá a ulu, muʼaxaxi ka athu amoxiʼá.

Dijingunuinu 14:8

Anga ku kaiela anju iamukuá ia kaiadi, uixi: Ia jimi! Ia jimi! O Babilónia ia dikota ia jimi, ia kexi mu kuila o ifuẋi ioso u i nuisa ku vinhu iê—o vinhu iê ia nguzu, i salukisa, ia undumbu uê!

Dijingunuinu 18:12

Kana muthu u sumba o mauenji mâ ma ulu, ni phalata, ni madiiamande, ni jiphélula, ni linhu ia fina, ni izuatu iòteke ni husu, ni seda, ni thanga ja kusuka ja kindemba kia mbudi, ni mixi iauabha dizumba, ni ima ioso ia mazu a nzamba, ni ima ioso ia mixi ia te kiavulu, ni ia ngôndo, ni ia felu, ni ia tadi dia mamola;

Dijingunuinu 18:16

A kèla: Uaué! Uaué! O mbanza ia dikota, tata! Ua zuatele linhu ia fina, ni izuatu iòteke ni husu, ni ia kindemba kia mbudi kikusuka, ua kembele ni ulu, ni madiiamande, ni jiphélula!

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Dijingunuinu 21:21

Kuinhi diê dia dibhitu ni kiiadi, kuinhi dia phélula ni kiiadi. Mukonda o dibhitu dia muvimba, phélula imoxi. O nzunga iê a i zala ulu uazele kiambote, u bhita mesu kala vídulu.

Dijingunuinu 9:21

Nguá-uâ kudiela o ujibhanganga uâ, ni uloji, ni undumbu, ni uii uâ.