Dijingunuinu 16:4 - O Mikanda Ikola

⁴ Kienhókio o katatu anga u lundulula o nganza iê mu jingiji ni mu jithu ja menha, anga mu kituka manhinga.

Dijingunuinu 16:4 Iomraidhean Croise

Jisálamu 78:44

Ni kioso o jihonga jâ ua ji kitula manhinga, menha mu jingiji a lémbua ku a nua.

Makatukilu 8:5

Johova anga u ambela dingi Mozé, uixi: Tangela Alá, a sununune lukuaku ni mbangala ié ku thandu dia jihonga ni milombo ni majiia, a bhangese mazote kutunda-mu nʼeze mʼoxi ioso ia Ijitu,

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izekiiele 35:8

O milundu iê ioso nga kà izalesa ni athuʼê òkubujule; o ió oso a a kubujula ku xibhata, a kà di bhalela ku tumilundu tuê, ni mu makôloʼê ni mu jingiji jê joso.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Dijingunuinu 11:6

Enhá a kôla, kuma a a bhana kutena kua kuxita ku diulu, mbé ki ku sonoke mvula mu izuua iâ ia kutanga o Njimbu ia Ngana. A a bhana ue kutena kua kukitula o menha nʼa kale manhinga. A tena ue kubuikisa o ngongo ni dibhebhu dioso-dioso, kioso kia mesena ene, mu lukuxi luoso luendi.

Dijingunuinu 14:7

Anga u tanga ni dízui dia suina, uixi: Nzambi mu kuatedienu uôma, mu ximanienu o unéne uê! Kuma o kumbi diê dia kufundisa athu oso dia bhixila! Mu bhezienu, ió ua bhanga o diulu, ni oxi, ni musanza ua kalunga ni jithu ji fuafua o menha!

Dijingunuinu 16:5

Anga ngʼivua anju ia bhana kutumina o menha, uixi: Eie, Ngana, uenié, eie ua kexile-ku, eie Uaiuka, Ukôla, mukonda dia kiki ki ua batulʼiki!