Dijingunuinu 16:2 - O Mikanda Ikola

² Anju ia dianga anga uia, hé u lundulula o nganza iê mu ngongo. Anga i bhangesa jifidila jaiibha, jixixima ku mikutu ia athu ala ni kidimbu kia kiama, a bheza jinga o kitèka kiê.

Dijingunuinu 16:2 Iomraidhean Croise

II Malunda 21:15

Eʼmuene ue ua-ndu kala ni uhaxi ua dikota; kukata kua-nda ku ku kuatela mu mala, anga kuia ni kunana kizuua ni kizuua katé mídia ki i ku tundila ku kanga.

II Malunda 21:18

Ima iosuʼiii ki ia zubha o kubhita, Jihova u mu kuama mu mala ni uhaxi ki u xikina ku u saka.

Jisálamu 78:26

U katula o kitembu kia thunda ki bhuke mu muthandu; o nguzu iê ia balumuna o kitembue kia sulu.

Izaía 3:17

Kala kiki, Jihova, anailumba mu Ziione ua-nda ku a ta ingûmba mu mítue, Jihova ua-nda ku a zula, a kala tuẋi-a-thâkala muene.

Izaía 3:24

Kieneʼokio, o bhua kexe dizumba dia uabha, bhua kà bhingana kibuzu; bhu kididi kia phonda, mukolo kiá; bhu kididi kia kuinda kindemba, kuiza kiá dibhala; bhu kididi kia kizuatu kia dixala, bhu kala kiá ku di-suikika kidinhaji; bhu kididi kia kuuabha o pholo, a kà kituluka kala a jokota mu túbhia.

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Matendelelu 28:27

Jihova u ku tatesa ni mikôngo ia tokala akua Ijito; anga ku di ta matute ni jihana ni madiazela, ma ku kuatela ku mataku, anga uila o saké, lémbua.

Matendelelu 28:35

Jihova-phe u ku ẋolomona o jiphuna ni matabela anga uila muene ẋôtoto ni kítanga, tunde bhu kànda dia kinama katé bhu thalʼa mútue, anga u lémbua ku ki saka.

Matendelelu 7:15

O Jihova u ku saka anga uilukila-ku kiá muene, kuma u kuebhesa ku ma-uhaxi moso; ka ku ehela ku kata uhaxi u difangana ni ma-uhaxi ma akua Ijito, u uejiiʼó; inda ma-uhaxiʼomo ua-nda ku ma tuika oso a ku zembe.

Dijingunuinu 13:12

Muenhú anga u kala mu tumina ni kijîngu kioso kia kiama kia dianga bhu pholo iê. Anga u kala mu bhinjika oxi ioso, ni ene oso a tungu-mu, mbé a bheze o kiama kia dianga, ió a mu tele o fidila ia kùfua anga u iluka.

Dijingunuinu 14:16

Kienhókio, o ua xikama ku dituta anga u bhitisa o kibhôlola kiê mu ngongo, idima mʼoxi ioso anga a i muna.

Dijingunuinu 14:9

Anga ku kaiela anju iamukua ia katatu, u tanga ni dizui dia suina, uixi: Se muthu u bheza o kiama ni kitèka kiê, hé u tambula o kidimbu kiê bhu dibhomo mba ku lúkuaku,

Dijingunuinu 16:1

Anga ngʼivua dízui dia suina mu Tembulu, di ambela sambuadi dia anju, dixi: Ndenu, mu lundulule mu ngongo o sambuadi dia nganza ia njinda ia Nzambi!

Dijingunuinu 16:11

Hé a ẋonguena Nzambi ia diulu, mukonda dia kuxixima kua misusu ni jifidila jâ. Maji o imbamba iâ-phe ia jinjila jâ jaiibha, nguá-uâ ku i diela.

Dijingunuinu 8:7

Anju ia dianga anga u xika o koloneta iê. Hé kukala mvula ia matadi ni túbhia, iòlunge ni manhinga, anga a i kuua mu ngongo. Oxi anga i bhia o mbandu ia katatu, o mixi ue ibhia mbandu ia ʼtatu, o iangu ia uisu ibhia iene ioso.

I Samuuele 5:6

O lukuaku lua Jihova phe anga lu nemena ku thandu dia akua Ajindodi, anga ua buikisa ni mabhumbu a bheka jifidila ku mataku, kutale mu Ajindodi, uixi mu mabhata mê moso.

I Samuuele 5:9

Anga a bheka álaka ia Nzambi ia Izalaiele kuenhoko. Kia zubha-phe ku i sondolola, lukuaku lua Jihova lu nemena ku thandu dia akua dibhata koko ni kibuika kia dikota ki kuata uoma; anga Jihova u beta akua bhata, ni jindenge ni makota, aia ni ku tunda mabhumbu ku mukutu mu ididi ia jisonhi.