Dijingunuinu 16:1 - O Mikanda Ikola

¹ Anga ngʼivua dízui dia suina mu Tembulu, di ambela sambuadi dia anju, dixi: Ndenu, mu lundulule mu ngongo o sambuadi dia nganza ia njinda ia Nzambi!

Dijingunuinu 16:1 Iomraidhean Croise

Jisálamu 79:6

O kutema kué, Ngana, lunduiula-ku ku thandu dia jixi ja kambe ku ku ijiia, ku thandu dia ifuẋi i fula o kudikola ko kué.

Jelemiia 10:25

Njinda iêʼoio lunduluila-iu ku ifuẋi ia kambe ku kuijiia ni miji ioso ia kambe ku tonda mu dijina dié; kuma a habula Jakobo, a mu habula, ia a mu jikinisa, o dibhata diê a mu senguluila-diu.

Izekiiele 10:2

Iu ua zuelesa o muthu ua zuata o linhu, uixi: Di-tele mu malola, katé mʼoxiʼa xelubini, u vuote makala a túbhia mu kaxi ka jixelubini, o maku ezala muene, u a muangene ku thandu dia mbonge ioso. Muene hé u bokona muene mu malola, ku mesuʼami a kutala.

Izekiiele 22:31

Kiene-phe ki nga lunduluila o njinda iami ku thandu diâ; eme nga a jimi o mbutu ni túbhia tua kutema kuami; o jinjila jâ eme nga ji bhangesa muene kusonokena ku thandu dia mítue iâ, Jihova Nzambi ua ki tange.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Dijingunuinu 11:19

Tembulu ia Nzambi iene mu diulu anga a i jikula bhenhobho, o álaka ia kikutu kiê anga i moneka mu Tembulu. Anga ku kala jinzaji, ni mazui, ni inuminu, ni kizema-zema kia ʼxi, ni mvula iavulu ia matadi.

Dijingunuinu 14:15

Anju iamukua anga i tunda mu Tembulu, hé u handekela ni dízui dia suina ió ua xikama ku dituta, uixi: Katula o kibhôlola kié, u mune, mukonda o kumbi dieza-bhu kiá dia kumuna. Mbata o idima mu ngongo iabhi kiá!

Dijingunuinu 14:18

Anju iamukuá, a mu bhele kutambula konda ia túbhia, anga u tunda bhu kalatódio, hé u handekela ni dízui dia suina kua ió ua kuata kibhôlola kiatu, uixi: Katula o kibhôlola kié, mbé u kanze isaka ia ji-uva ku mivide mu ngongo, kuma ji-uva jê jabhi, ja zubha!

Dijingunuinu 15:1

Anga ngi mona kijimbuete kia kijinganu kia mukuá ku diulu, kia dikota, ki bhekela kudiuana! Sambuadi dia anju, a kuata sambuadi dia mabhebhu, ene kiá o mabhebhu a sukidila-ku, kuma ene a kuzubhila kiá o njinda ia Nzambi.

Dijingunuinu 16:17

Anju ia kasambuadi anga u lunduluila o nganza iê mu kitembu. Mu Tembulu anga mu tunda dízui dia suina ni bhu kiandu, dixi: Kima kiobhange!

I Samuuele 15:18

Jihova-phe iú ua ku tumu njila iii, uixi: Ndeie, ua kà buikise akua ituxi ió abhukumuka akua Amaleke, ua kà lua-nâ katé a buila ene oso muene.

I Samuuele 15:3

Kiki-phe ndeie, ua kà bete Amaleke, nda ua kà buikise ioso iala na-iu, sé ngó ku a lendukila. Ua kà jibha ni mala ni ahatu, ni tuana tua ndenge, ni tuana tua uisu ku mele, ngombe ni mbudi, kamelu ni bûlu, ki ku subhuka kima.