Dijingunuinu 15:3 - O Mikanda Ikola

³ Anga emba o muimbu ua Mozé, ngunza iangene ia Nzambi, ni muimbu ua Kambudi, exi: Eie Ngana Nzambi, Muteni-a-Ioso, o ikalakalu ié kukula kuahi, ikalakalu idiuanesa kinéne! Eie, Ngana, u Sobha ia miji ioso, o ixinganeku ié kuiuka kuahi, ima ioso i u sola kubhanga, ia kidi!

Dijingunuinu 15:3 Iomraidhean Croise

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

I Malunda 6:49

O Alá ni anʼê ene akexile mu kuoha o ima ioso ia mazumba ku thandu dia Kalatódio ka jisata ja kuoha, ni ku thandu dia Kalatódio ka uasu ua dizumba phala o kikalakalu kioso bhu kididi kikôla kinéne, mbé kubhangesa o sata ia kiamenga ia kubonza Izalaiele, kala kioso kia tumu Mozé selevende ia Nzambi.

II Malunda 24:6

Anga sobha uixana Joiada, o muadiakime uâ, hé u mu tangela, kuila; Eie kuibhudixilaʼhi mu jilevita mba ihi kia fudisa o kuiza ni lubhaku lu tunda mua Juda ni Jeluzaleme, lua xindi Mozé, ngunza ia Jihova, ni kionge kioso kia Izalaiele, ku balaka ia umbangi?

Nehemiia 9:14

Anga u a ejidisa o sabhalu ié ikôla; hé u a tumikisa o matendelelu, ni jingonge, ni ijila, ni kitumu mu ukunji ua mubhikʼé Mozé.

Jobe 36:24

Ta-kiu ku muxima, o ku jingisa ikalakalu ia Nzambi ia di monekena ku athuʼoso.

Jobe 5:9

Muene u bhanga ima ia makota i bhonza ku ijiia, ni isunji iavulu ki i xikina ku i tanga.

Jisálamu 100:5

Kuma Jihova muthu uambote; kulenduka kuê ki kuene kúbhua; o kukumbidila kuê ku xalela ku miji ioso.

Jisálamu 105:5

Xinganekenu o madiuanu mê ma bhanga jinga; ni isuma iê, ni kuzuela kuê mu batula o milonga,

Jisálamu 111:2

Ikalakalu ia Jihova ia makota muene, a i sota jinga kuala ió oso andala a ʼijiia kiambote.

Jisálamu 111:7

Ufunu ua maku mê ua kidi ni kutetuluka; o ijila iê ioso ia ufiiele

Jisálamu 139:14

Nga sakidila Ngana, kuma ki kôla ki ua ngi iudika, ki kuata uoma! Ikalakalu ié, Ngana, madiuanu! kia ngi tetulukila muene kiambote.

Jisálamu 145:17

Jihova mukua kidi mu njila jê joso, muene ukôla mu ikalakalu iê ioso.

Jisálamu 145:6

Ku kale athu a thatha o isuma ié i kuatesa uoma; eme ngi ta mukumbi kuma Nzambi ukôla.

Jisálamu 18:30

Nzambi, o uendelu uê, kutetuluka kuoso; maka ma Jihova ma di kenze, kala ni dixilu; muene ngubu ia kuxitila oso a di tuma-nê.

Jisálamu 78:12

Madiuanu muene a bhange bhu mesu a jitata jâ, mu mikáu ia Zouane, mʼoxi ia Ejito.

Jisálamu 92:5

Ufunu ua ikalakalu ié, u Jihova, uahi ngó! o kubanza mu ikutu ia ixinganeku ié, mua zongo!

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Daniiele 9:11

Xi, Izalaiele ioso-lolo kitumu kié a ki lueza, abhuka mu njila, mbé o dízui dié a fule ku di tumaka. Mukonda dia kienhiki, ni mázui, ni mulôko uoso uòsoneke mu kitumu kia Mozé, ngunza ia Nzambi, ioso muene ia di lunduluila ku thandu dietu; mukonda Jihova tua mu te kituxi.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Sofoniia 3:5

Jihova-phe muene ngó o kidi ni kuiuka muʼaxaxi kê, ka moneka kikuma; kimene ni kimene ubheka kufundisa kua kidi ku mukengeji, nuka a lueza; maji o semenhi-phe ka moneka ngó sonhi mukonda kejiia ki kala o sonhi.

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Matendelelu 31:30

Mozé bhenhobho anga u tanga o maka ma mukumbi iú ku mátui ma kionge kioso kia Izalaiele, katé ku mbambe, uixi:

Matendelelu 32:3

Kuma nga-nda kufumanesa dijina dia Jihova; Nzambi ietu muenda ni ku mu jingisa!

Matendelelu 34:5

Bheneʼobho kiá bhene bhua fuila Mozé, selevende ia Jihova, mʼoxi ia Mouabhe, kala kia ki tanga Jihova.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

Jihebeleu 3:5

O Mozé kidi kiene, ua kexi fiiele mu kikalakalu kiê mu dibhata dioso dia Nzambi. Ua kexi-phe selevende ia kidi, hé u kala mbangi ia Nzambi ia ima ioso ia xedi-ku mu ku i zuela ku hádia.

Josuué 22:5

Kima kimoxi-phe, kia mi fuama: kuatenu muanu ua kualuka kiambote o ngonge ni kitumu kia mi lekelela Mozé, ngunza ia Jihova; uixi; Zolenu Jihova Nzambi ienu, mu endele jinge mu jinjila jê muene, jingonge jê mu ji lange, mu zuame kua Muene, mu kuate jinge ku mu bhikila ni muẋima uenu uoso ni muenhu uenu uoso.

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 11:17

exi: Eie Ngana Nzambi, Muteni-a-Ioso, kiki uenié-ku, tunde ukulu Eie ua kàle! Tua ku sakidila, mukonda Eie ua tambula o kutena kué kuonéne, ua hingi ungana, Eie ua mateka kiá o kutumina.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 14:8

Anga ku kaiela anju iamukuá ia kaiadi, uixi: Ia jimi! Ia jimi! O Babilónia ia dikota ia jimi, ia kexi mu kuila o ifuẋi ioso u i nuisa ku vinhu iê—o vinhu iê ia nguzu, i salukisa, ia undumbu uê!

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!