Dijingunuinu 13:7 - O Mikanda Ikola

⁷ A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.

Dijingunuinu 13:7 Iomraidhean Croise

Makatukilu 9:16

maji-phe kiene ki nga ku bhakela ku muenhu, phala ku ku idikiza kutena kuami, mbé o dijina diami di fumane mu ngongo ioso.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 37:26

Nzambi phe, uixi: Manhi kua kʼivu kuila nga bhange kiki mʼukulu hanji uila kiluua kʼiza-bhu, tunde mu izuua ia xahulu eme nga ki xinda kiá? Kiki-phe, nga ki kumbidila, phala eie u buikise jimbonge ja di-fikidila, nda u ji bhange maxita.

Jelemiia 25:9

nga-nda ku tuma kutakana miji ioso iala kusuku, eme Jihova, ni mubhikʼami Nabukodonozolo ue, sobha ia Babilonha, anga ngʼa bheka mu ixi ienhiʼii ni ku thandu dia oso a tungu-mu ni ku thandu dia miji ioso mu jimbandu, anga nga kà a jimisa mbutu muene xatababá; nga-nda ku a bilula a kituka kisunji; a di bhanga supiia, a kala jingundu ji nangenena.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Daniiele 7:21

O ki nga kuata kukengelela, ngi mona-phe kuma kalumbinga kenhaka ka kuata kúlua ita ni athuʼê angene akôla a Nzambi, hé uia ni ku a tolola.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Luka 4:6

Anga u mu ambela, uixi: Ngi ku bhana o ukota uoso ni maungana ma jixi joso jiji, mukonda eme-muène a ngi bhakuila na-mu; uoso eme nga mu andala, muène ngi mu bhana na-mu.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Dijingunuinu 10:11

Anga a ngʼambela, exi: Eie hanji kua ku xala dingi lumoxi kujimbuila madiembu mavulu, ni ifuẋi, ni madimi, ni jisobha, o Njimbu Iambote ia Nzambi.

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 11:7

Kioso-phe o mbangi jiiadʼiji ki ja kà zubha kutanga o njimbu iâ, o kiama hinu ki tunda mu dikungu ki di moneka hole, ki lua-nâ ita, hé ki a tolola, ki a jibha.

Dijingunuinu 12:17

Mudikixi anga u kuatela muhatu njinda iavulu, u tunda-bhu bhenhobho, hé uia mu kùlua ita ni iá a subhuka ku luvualu lua muhatu, ió oso ene mu bhaka o ijila ia Nzambi, hé a jijila o umbangi ua kidi kia Jezú Kristu.

Dijingunuinu 17:15

Bhenhobho o anju ua ngʼambela ue, uixi: O menha ió u ua muene, kua xikama o kidia-nzunga ku thandu diâ, o miji ia athu, ni mundu, ni ifuẋi, ni madimi.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.