Dijingunuinu 13:5 - O Mikanda Ikola

⁵ Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.

Dijingunuinu 13:5 Iomraidhean Croise

Jisálamu 12:3

Jihova hinu u batula o mizumbu i bhomba kiki, ni dimi ue di zuela ni izala,

Izekiiele 35:13

Enu-phe mua ngi di-zangelekela eme ni dikanu, enu mua vudisa o maka menu mu ku ngi balukila eme; ememuène nga dʼivila-kiu.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 12:12

Ua zediua ió uoso u kingila-ku dingi nʼa bhiẋila bhu midi, ni hama jitatu ni makuinhi atatu a izuua ni itanu.

Daniiele 7:11

Mukonda-phe dia izuelu ia izala ia kuata kuzuela o kalumbingʼaka, eme nga kexe ku kengelela; mu kutala ni kutala ngi mona kiama a ki jibha, o kimbi kiê a ki sasala, iá a ki bhana phala ku ki oha mu túbhia.

Daniiele 7:20

Kua di-te dingi o kuinhi dia lumbinga ja mu kala mu mútue, ni kalumbinga kamukuâ ka fuafue, anga bhu pholo iê bhu vumbuka mbinga jitatu, o kene anga kakala ni mesu, hé kakala ni dikanu di tanga ima ia izala, kifua muene ua tundu akuâ.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 7:8

O ki nga kuata kutongolola jimbinga, talesa, kua fuafue dingi kalumbinga kòfele muʼaxaxi ka jimbingʼeji; o ku jimbinga ja dianga kua vuzuka jitatu phala kuehela kididi mbé o kalumbinga koka. Talesa o kalumbinga kenhaka kakexe ni mesu kala mesu a muthu, ni dikanu, di kuata kuzuela ni izala ioso!

Daniiele 8:14

Muene-phe ua ngʼambela, uixi: Kiia katé mu midi jiiadi ni hama jitatu ja jingoloxi ni imene; kuabhu, kididi kiangene kiabhu lufuku, kiazele.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!

II Tesalonika 2:8

O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.

Dijingunuinu 11:7

Kioso-phe o mbangi jiiadʼiji ki ja kà zubha kutanga o njimbu iâ, o kiama hinu ki tunda mu dikungu ki di moneka hole, ki lua-nâ ita, hé ki a tolola, ki a jibha.

Dijingunuinu 12:14

Muhatu anga a mu bhana mabhabha maiadi ma holokoko ia dikota, phala a bhite bhulu katé mu kikangalakata bhu kididi kiê, bhua mu dikila mu thembu, ni jithembu, ni kaxaxe ka thembu, phala a suamene o pholo ia Kinhoka, kʼaie dingi ni ku mu asa.

Dijingunuinu 12:6

O muhatu anga u lengela mu kikangalakata, mua kala o kididi kiê kia mu iudikila Nzambi. Hé a kala mu ku mu dikila kuenhoko mu midi ia kizuua ni hama jiiadi ni makuinhi a samanu.

Dijingunuinu 13:7

A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.