Dijingunuinu 13:3 - O Mikanda Ikola

³ Ku mítue ia kiamʼiki, anga ngi mona mùtue umoxi-ku uedi kala a u kuamenene ku u jibha, maji o fidila iê ia kù fua anga iluka. Ngongo ioso anga i di uana o kiamʼiki, anga a kala mu ku ki kaiela.

Dijingunuinu 13:3 Iomraidhean Croise

Izekiiele 30:24

O maku a sobha ia Babilonha nga kà a suinisa dingi, anga nga kà ta o xibhata iami bhu lukuaku luê; maji-phe, o Falaó nga kà mu bukujula o maku, hé ua kà kala mu ku kumba bhu pholo ia sobha ia Babilónha kala kiia ni ku kumba o muthu a mu tubula.

Luka 2:1

Mu Izuua iná anga ku tunda ngonge kua Sézalu Nguxi, ia kusoneka athu oso mu ngongo.

Nzuá 12:19

Jifalizeu-phe, ja di ambela mudiâ, exi: Mua ki mono-enu? Tua lémbua-kuze! Mundu uoso uaii ni ku mu kaiela muène!

Jipoxolo 8:13

Ni muene Ximá, anga u xikana. O kia mu batizala, u kala mu kuenda ni Felipe, hé u kala mu talesa o isuma ni madiuanu ma makota mala kubhanga, anga u diuana.

Dijingunuinu 13:12

Muenhú anga u kala mu tumina ni kijîngu kioso kia kiama kia dianga bhu pholo iê. Anga u kala mu bhinjika oxi ioso, ni ene oso a tungu-mu, mbé a bheze o kiama kia dianga, ió a mu tele o fidila ia kùfua anga u iluka.

Dijingunuinu 13:14

Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka.

Dijingunuinu 17:10

Kitanu kiâ kia di bhale kiá, o umoxi iú-ué hanji mú tumina, o mukuá kiluua eza-ku. O kianda kuiza, kubhinga u bhangé ngó kakithangana kofele mu kutumina.

Dijingunuinu 17:11

O kiama ua kexile kiá ku muenhu, maji o kiki ua u lémbua, muène kanake ku jisobha ua tokala ku sambuadiʼodio dia diangele-ku, maji hinu a kà mu buikisa.

Dijingunuinu 17:13

Ene oso ió kilunji kiâ kiene kimoxi, o kutena kuâ kuala na-ku ni kijingu kiâ, anda ku ki bhana o kiama.

Dijingunuinu 17:17

Kuma o Nzambi ua a te-kiu mu miẋima iâ, o kubhanga kia mu kala mu kilunji kiê, phala ene oso a sunge kilunji kimoxi, kia kubhana kiama o utuminu uâ, katé bhua kà zubhila kubhita o maka ma Nzambi.

Dijingunuinu 17:6

Anga ngi mona kuila o muhatu muenhú ua kodiua ni manhinga ma akua-Ngana Nzambi, ni manhinga ma ió a a jibha mukonda a kexile jifiiele jangene ja Jezú. O ki nga zubha ku mu mona, nga diuana kidiuanau kia dikota!

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.