Dijingunuinu 13:2 - O Mikanda Ikola

² Kiama ki nga mono, kidifua kiê kala ongo, o inama iê kala kitôto, o dikanu diê kala dikanu dia hoji. O mudikixi muène ua bhana o kiamʼiki o kutena kuê, ni kiandu kiê, ni ungana uavulu.

Dijingunuinu 13:2 Iomraidhean Croise

II Jisobha 2:24

O muene kia lunguluka kuema, ua a mono, hé u a bhubhidila ni ku a ta mázui mu dijina dia Jihova; bheneʼobho, itôto iiadi, ia akaji, i tunda mu ditutu, anga i sanujuna makuinhi a uana ni kiiadi ku tuana tuenhoto.

Jisálamu 22:21

Bhu ngalʼabha, ngi tambule mu kanu dia hoje; xi, ngʼivile muene ku jimbinga ja jiphakasa ku ngala.

Jisabhu 17:12

Muthu sembele o ku di bonga ni kitôto kia mukaji, kia jimbidisa o tuana, kuindi o ku di bonga ni kiôua ki muiza o ulaji uê.

Jisabhu 28:15

Mukua-phulu kia tambula ukota ua kutumina o muiji ua jingadiama, u di bhanga mukua ni hoji i nanga ni kuzuma, mba mukuâ ni kitôto kia di zekele nzala.

Izaía 5:29

O mutendu uâ kala ua hoji, a kà koma muene kala anʼa hoji, xi, a koma anga mbole aia na-iu, o u i kudila ka moneka.

Jelemiia 13:23

Mukua Itiiópia mbé utena kubilula o kikonda kiê? Inga ingo i tena kuxa madinga mê? Hé kiene-phe, enu uenu mueju tena kubhanga o mbote, mu athu a mi longo o ku bhanga o phulu.

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Amoji 3:12

Jihova uambe kiki: Mukua ni mubidi ki a tambula inama iiadi ia kibhaku mu kanu dia hoji mba kathumba ka dítui, kiene ue Jihova kia kà bhulula anʼa Izalaiele a tungu mu Samádia; u a tambuila muene ku mizumbu ia muanza mba ku mikambu ia hama.

Amoji 5:19

Kia kʼèla mukuâ ni muthu kia lenga hoji, hé u takana ni kitôto; mba-phe kia di fu ni muthu ualengela mʼonzo, o mu ku tula lukuaku ku mutôto, nhoka anga i mu numata.

Habakuke 1:8

O jikabalu jâ, mu ku bhebhuluka ni ku sangama, jingu ndenge; mu ku dimuka ue kota, o itôto mu ngoloxi ndenge; o a mondala-ku enda ni ku di muangena kuene kuoso; kiene muene, amondadiʼê a kà tunda makanga, a di leka lusolo mu kubhita bhulu mukua ni jiholokoko ki jilengela ku mbole mu kúdia.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

Dijingunuinu 12:13

Mudikixi kia mono a mu lundumuina bhoxi, u kuata kulandameka o muhatu ua vuala monʼa diiala.

Dijingunuinu 12:15

Kinhoka anga ki lukula mu kanu diê menha ma kaiela muhatu mukuâ ni ngiji, phala a mu kungulule ni menha.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 13:12

Muenhú anga u kala mu tumina ni kijîngu kioso kia kiama kia dianga bhu pholo iê. Anga u kala mu bhinjika oxi ioso, ni ene oso a tungu-mu, mbé a bheze o kiama kia dianga, ió a mu tele o fidila ia kùfua anga u iluka.

Dijingunuinu 13:4

Ene oso anga a bheza o mudikixi, mukonda muène ua bhana o kijingo kiê ku kiama. Anga a bheza ue o kiama, exi: Nanhi ua soko ni kiama mu nguzu? Ua tena kùlua-nê, mukuahi?

Dijingunuinu 16:10

Anju ia katanu anga u lundulula o nganza iê ku thanduʼa kiandu kia kiama. O utuminu uê anga u kala mua vundu, athu hé a kala mù di kokota o madimi mukonda dia misusu.

Dijingunuinu 17:12

O kuinhi dia lumbinga di ua monuʼodio, o kuinhi dia sobha kiluua a tambula o usobha uâ, maji a-nda ku a bhana-phe kutumina kala jisobha, mu ola imoxi, kumoxi ni kiama.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 20:2

Anga u kuata mudikixi, na kinhoka kiòkulu-ô, muène Diabhu, mba Satana, anga u mu kuta phala a bhange midi ia muvu bhu lubhambu.