Dijingunuinu 12:9 - O Mikanda Ikola

⁹ Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.

Dijingunuinu 12:9 Iomraidhean Croise

Dimatekenu 3:1

Tala, o nhoka-phe i beta kudimuka, jixitu joso ja iangu ndenge, ja bhanga Jihova Nzambi. Nhoka anga i ambela muhatu, ixi: Kifua Nzambi ua mi kidika kudia ku miẋi ioso ia díbhia?

Dimatekenu 3:13

Jihova Nzambi anga u ambela muhatu, uixi: Eie phalaʼhi ua bhange kiki? Kuala muhatu; o nhoka ia ngi tobhesa, eme nga di.

I Malunda 21:1

Bhenehobho Satana hé u balumuka, hé ubilukila Izalaiele, anga u funhisa Davidi phala kualula o mundu ua Izalaiele.

II Malunda 18:21

Jihova u kumuna, uixi: Ua ka mu bhomba nʼihi? Muene uixi: Eme nga-nda kutunda; hé nga kà kala ngi nzumbi ia makutu mu kanu dia jipolofeta jê joso. Kuala Jihova: Eie ua kà mu bhomba, ua kà mu tolola uê; tunda, ua kà mu bhange kieneʼokio.

Jisálamu 109:6

Muenhó, mu tele kisuéia ku pholo, phala a mu longe; bhu kale mutatedi u mu imanena ku madilu.

Izaía 14:12

Ná théthembua ia kimene, tata, mona-kilumba ua tomboka muʼamene-mene, ua laúka kiebhi ku diulu? Eie ua kexe ku bulukutisa akua jixi, mbé lelu a ku lundumuina bhoxi?!

Izaía 27:1

Mu kizuua kienhókio, Jihova ua kà sunga xibhata iê ia kolo, iónene, ia nguzu, iene ia kà bhana na-iu o njumbu kua Leviatane, o kinhoka ki lenga lusolo, ni kua Leviatane, muene kinhoka kia di jinga lukata, anga o mudikixi uene muʼalunga ue, nʼa u jibhe.

Izaía 65:25

Ni kimbungu ni seseme ia mbudi a kà dila dikèla dimoxi, o hoji ia kà dia iangu mukuâ ni ngombe; nhoka ua kà dia fufuta ia mavu, kuene kudia kuê. Ene, ka kà bhanga kiaiibha mba usuéia uoso-uoso mu mulundu uami uoso ukôla, kiene kia zuela Jihova.

Izekiiele 28:16

Mukonda dia kusokoloka kua mauenji mé, moxi dié mua kuizala ni kusuina, eie ua te o kituxi; mukonda dia kiki, ua di jingununa, ku mulundu ua Nzambi nga-nda ku ku lundumuna-ku, o mu matadi a lekujuka nga-nda ku ku jimisa-mu, eie u xelube ia mubhangedi.

Matesu 13:39

O nguma uoso ua ji kuua, muene Diabhu; o thembu ia kubhongolola, o dizubhilu dia mundu; abhongolodi, o jianju.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 4:1

Kutunda bhobho, Jezú a mu bheka kuala Nzumbi ia Nzambi ku mikáu iakukuta, phala Diabhu ku mu funhisa.

Matesu 4:10

Jezú u mu vutuila, uixi: Tunda bhabha Satana! Mukonda kiosoneke kuma: Mu kubheza kikale u bheza Jihova, Nzambi ié, mune ngó u mu tumaka.

Matesu 4:5

Diabhu anga u mu bheka ku mbanza iangene ia Jeluzaleme, hé u mu imanesa ku ditala-èlele dia Tembulu

Matesu 4:8

Luamukuá dingi, Diabhu u mu bheka ku thala ia mulundu ua di leka kinéne, anga u mu idikiza maungana moso mu ngongo ni kufumana kuâ.

Luka 10:18

Muène ua ambela uixi: Kiene muene! Eme nga muene Satana ua laúka ku diulu kala nzaji.

Luka 13:16

O muhatu iú-phe, monʼ angene a Mbalahamu, a mu kuika kuala Satana mu kuinhi dia muvu diosuʼidi ni nake, kifua ki kia fuama ku mu jituna bhu mikolo ue, kizuua kia Sábhalu?

Luka 22:3

Satana anga u bokona mu mukutu ua Juda, a mu ixana mukua Kadiota, ua tokala mu kuinhi ni kiiadi.

Luka 22:31

Ngana uixi dingi: Ximá, Ximá, ivua kiambote: Satana ua mi binghi mbé ni a mi lole. Muène ua-nda ku mi bhiata mukuâ ni kidimakaji kia bhiata o tiliku mu ku i uanununa ni ibhiate.

Luka 8:12

Oso ala ku mbanduʼ a njila, ene évua, kindala kuiza diabhu u katula maka mu miẋima iâ, phala a lémbue kuxikana ni kubhuluka.

Nzuá 12:31

O kithangana kia kufundisa o mundu iú, kieza-bhu kiá. O sobha ia mundu iú a-nda ku mu kaia.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

Nzuá 16:11

A bhambuka mù kuijiia ki kala o kufundisa, mukonda o sobha ia mundu iú a mu êlesa kiá.

Nzuá 8:44

Enu mua tokala ni tatʼ enu Diabhu, o jihanji ja tatʼ enu jene ji mua mesena kubhanga. Muène kijibhanganga tunde ku dimatekenu dia mundu, o mu kidi ka nangiê-mu, mukonda moxi diê ki mu moneka kidi. Diabhu kia zuela o makutu, u zuela ima iê-muène, kuma kiene o kífua kiê! Mukonda muène mukua makutu, muene tata ia makutu oso.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Loma 16:20

O Nzambi, otho ia paze ietu, kindala uanda ku titidila Satana bhoxi dia inama ienu. O kiadi kia ngana ietu Jezú Kristu, ki kale ni enu oso.

II Kolindo 11:14

Ki kima kia ku di uana. Kuma katé ni Satana mukuâ ku di bhangesa kala anju ia mukengeji.

II Kolindo 11:3

Maji kala Eva kia mu nganalele kuala o nhoka ni makutu mê, eme uami ngala ni hele, sumba ku matelu-matelu, enu uenu ilunji a mi juualesa-iu, nʼa mi katule o kubheza Kristu mu kuzela ni kuiuka.

II Kolindo 12:7

Mukonda-phe dia majingunuinu kuvula kinéne, kuiengesa kuila ngi zangalala kiavulu, a ngi bhana uhaxi uonéne mu xitu. Uhaxi iú ueza kala mukunji ua Satana, mu ku ngi bhana jihuxi, phala ki ngi zangalale kiavulu.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.

I Timote 2:14

Adá ue ka mu nganalele, a mu nganalele o muhatu, iú ua tuamena kutondala o kijila kia Nzambi.

II Timote 3:13

Maji athu aiibha-phe, akua makutu, jindunge jâ jiia ni ku di bandekeza, a nganala athu, maji ene uâ aia ni ku a nganala.

Jihebeleu 2:14

O ana-phe, kala kia exana muène, a kala athu a nomona ku xitu ni manhinga. Uila kiki, Jezú muène ua di bhange kala ene, mu kutambula o kidifuanganu kia muthu, phala mu kubhita ni kalunga a tene kutolola ió uoso ua kuata o nguzu ia kalunga, muène Diabhu.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

I Nzuá 5:19

Tua kʼijiia kuma etu tua tokala Nzambi, maji o mundu uoso-phe ua zeka mua Kadiaphemba ió mukua kutondalesa.

Juda 1:9

Sumbala né Mingedi-phe, kota dia jianju ka tenene kubhanga kiokio. Kuma kia di kuatele ni Diabhu o phata ia kumona uoso u xala ni mukutu ua Mozé, Mingedi ka bhuminine ku lebhula Diabhu, inda uixi-phe ngó: Ngana a ku bazele.

Dijingunuinu 12:12

Kala kiki, ku madiulu-phe tanenu-ku, ni enu oso mua tunga momo! Lamba dienu mu ngongo ni ku musanza! Mukonda Diabhu ua mi tulukila ni njinda iavulu, kuma muène uejiia kuila o thembu iê ia butu kia.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 12:7

Kienhókio, mu diulu anga mu kala ita. Mingedi ni ji-anju jê a lua ita ni mudikixi, o mudikixi anga u lua ue kumoxi ni ji-anju jê.

Dijingunuinu 12:8

Enhá-phe a tokoka-ku! Ni muène ni ji-anju jê, mu diulu ka mono-mo dingi kididi.

Dijingunuinu 13:14

Anga u nganala ene oso a tungu mu ngongo, mukonda dia iphata iê ia mu bhana kubhanga bhu pholo ia kiama kia dianga. Muène hé u ambela athu oso a tungu mu ngongo, kuila a bhange kitèka kia kiama kia dianga, mbé ende ni kufumanesa o kiamʼokio a mu tele o xibhata ia kùfua anga u iluka.

Dijingunuinu 16:14

Jenhiji jene o jinzumbi ja madimonho ma bhanga iphata ni madiuanu. Nzumbi jitatu jiji, jiia mù nhunga ku jisobha mu ngongo ioso, mu ku a kasa ku ita ia kizuua kia Dikota kia Nzambi, Muteni-a-Ioso.

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!

Dijingunuinu 18:23

Nuka momué mu muika dingi mukengeji ua kandeia! Nuka dingi évua-mu nzongo ia mabhanga! Mbata o jingenji jé ja kufuna, a kexile anʼa jingana a beta o kutena mu ngongo. O uanga ué uene u ua bhombo na-u akua jixi joso.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 2:24

Nga mi ambela-phe, enu mua xala-ku mu Tiiatila, oso ulonge-lu iú uaiibha ki muene na-u, mua kambe kuijiia o ima iazongo ia Satana, uila kia mu tanga ene, enu ki ngi mi xina dingi kimbamba.

Dijingunuinu 2:9

Nga ku ijiia o hadi ié i uene kutala. Ngejiia ue o uadiama ué u uala na-u, maji ni kidi eie uala-phe u mvuama! Ngejiia ni kuxinga kua ió oso ambe exi tu Jijudé, manhi ki Jijudé, maji ene ala kibuka kia tokala Satana!

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 20:8

Hé u tunda mu kubhomba akua jixi, a di muangena mu ngongo ioso, ene a Ngongo ni Mangongo. Enhá Satana ua-nda ku a bhongolola phala kuiza ku ita, o kuvula kuâ mukuâ ni kisèkele bhu ndúndu ia kalunga.

Dijingunuinu 3:9

Ivua! Enhó a tokala ku kibuka kia Satana, a mu tanga exi tu Jijudé, mbé ki Jijudé, kuma ala ngó akua makutu, talesa, nga-nda kubhangesa kuila enhó eze, a ku bheze bhu inama ié, nda oso a kʼijiie kuila eme nga ku zola.

Dijingunuinu 9:1

Anju ia katanu anga u xika o koloneta iê. Anga ngi mona o théthembua ioio ia kexi ku diulu íi ia lauka bhoxi, ienhiʼii a i bhana o sabhi ia mukiukuluku.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.