Dijingunuinu 12:2 - O Mikanda Ikola

² Muenhú uala ni divumu, anga u di kola, u kala mu kuvuala, misusu ia kudisanza ia mu kuata.

Dijingunuinu 12:2 Iomraidhean Croise

Izaía 26:17

Kiadifu ni muhatu uala mu mikutu iiadi, o kieza ku isenda, misusu ia ku vuala i mu kuata, anga u dikola-kola mu jindolo jê, kiene ue ki tua kexe etu, Jihova, bhu pholo ié!

Izaía 53:11

Kienhiki, muene ua-nda kumona kikalakalu kia lukuaku luê, anga u tana; Selevende iami, Muthu Uaiuka, mu kuijiia kuê kuene na-ku, ua-nda kulungisa athu a ndumba; mukonda muene ua-nda kuambata o ikuma iâ ku thandu diê.

Izaía 54:1

Tana-ku eie u mbaku ua kambe kuvuala; imba, u dikole, u te nzôngo, eie kiluua uívua mika; kuma anʼa kisula kota mu kuvula, uala ni munumiʼê ndenge, kiene kia zuela Jihova.

Izaía 66:6

Mu mbanza mumu mua-nda kutunda dízui dia kibulukutu, mu Tembulu mu di tunda, diene dízui dia Jihova, dia-nda ku bhana futu ku jinguma jê.

Mikeia 4:9

O ki ualʼiki-phe, u telaʼhi ngó ngololo ioso iii ia kudila? Mo-mué mua kambe Sobha? Ndongixi ié, i ku bhana kaiula, ki i moneka dingi? Misusu ia ku kuata, kala ió uala ni mika ia kuvuala?

Mikeia 5:3

Kala kiki, Nzambi ua-nda kuehelela o mundu uê, katé bhu thembu ia kuila, o ió ua mu sènda ni mika ia kuvuala ua vuala kiá, o muene ue kiene kiua kia kà a bhana. Kieneʼokio o mbandu ia jiphange jê iaxala-ku ia kà vutuka kumoxi ni ana a Izalaiele.

Matesu 24:8

Ima ioso iii-phe dimatekenu ngó dia malamba, kala misusu ia muhatu ua-nda kuvuala.

Nzuá 16:21

Muhatu kieza mu kuvuala, u kala ni malamba, mukonda kumbi diê dia mu iza dia kutala hadi. Maji o kia zubha-phe ku di sanza, ka xinganeka dingi o kukata, mukonda dia kutanena o mona ueza mu ngongo.

Ngalásia 4:19

Mu tuana tuami, tata! Mukuâ ni mama ia suku-bhu, nga mi katela dingi mika ia kuvuala. Ngi kuata muene kutala hadi, katé Kristu kia di bhanga moxi dienu.

Ngalásia 4:27

Kuma a ki soneka mu Mikanda Ikôla, exi: Tana-ku, eie u mbaku, ua kambe kuvuala! Dikole u te nzongo ia kusanguluka, eie kiluua u ivua mika ia kuvuala! Kuma anʼ a muhatu a mu ehelela, kota mu kuvula, uala ni muadi uê ndenge.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.