Dijingunuinu 11:8 - O Mikanda Ikola

⁸ O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.

Dijingunuinu 11:8 Iomraidhean Croise

Dimatekenu 13:13

Kienhiʼokio-phe akua Sodoma a kexile athu a bhukumuka kinéne, a ta jinga ituxi ia vulu kua Jihova.

Dimatekenu 19:24

Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Izaía 3:9

O ki u tala jipholo jâ, usuéia uâ ua di monekena; ituxi iâ a i kola muene, kala mu Sodoma; ka i sueka, kana; kokôlo dia muenhu uâ! mukonda ene muene a di bhange o phulu!

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 26:23

ene hé a katula Udiia ku Ijitu anga a mu bhekela sobha Nzuakí, muene hé u mu jibha ni xibhata, kimbi kiê hé a ki takuila mu jimbila ja athu ngó a kambe majina.

Izekiiele 16:46

O kota dié dia muhetu, muene Samádia, ua tunga ku mbandu ié ia kiasu ni anʼê a ahatu; o ndengʼié ia muhatu, ua tunga mbandu ié ia kúdia muene Sodoma ni anʼê a ahatu.

Izekiiele 16:49

Tala-ze o kituxi kia Sodoma dia phangiʼé: Izala, ndumba dia makudia, ni umonha uavulu ua kexi na-u ni muene ni anʼê a ahatu; maji ue o ngadiama ni phulungu ua tate, kuila u a kuatela ngó henda, lémbue.

Izekiiele 23:19

O muene-phe ua vudisa dingi o mauhabhu mê, kiʼaia ni kuxinganeka o izuua ia unzangala uê, kioso kia kituka kiuaia mʼoxi ia Ijitu.

Izekiiele 23:27

Hé nga kà zumbula kienhiki o phulu ioso momué, ni maufusa é oso, u ua tundu-nâ mʼoxi ia Ijitu; o mesu mé ku ma zambula dingi kua ene, mba ua kà xinganeka dingi ku Ijitu.

Izekiiele 23:3

Enhá anga a di bhanga iuaia mu Ijitu; a kituka idianzunga mu undenge uâ; mu Ijitu muene mua a bubatela o Jithulu jâ, muenhomo muene mua a xaxatela ku mele, kiala hanji mizeletete, ni ku a xaxata o mele a uzeletete uâ.

Izekiiele 23:8

O ufusa uê-phe, ua tundu na-u ku Ijitu, nguê ku ueha; mukonda ene a mu zeka jinga tundé mu undenge uê, ia a mu xaxata ni ku mu kuata-kuata o jithulu ja uzeletete uê, ia a mu lunduluila jinga o ima iâ ia bolo.

Izekiiele 37:11

Bhenhobho-phe u ngʼambela, uixi: Eʼ monʼa diiala, o ifuba iii, uene o muiji uoso ua Izalaiele; kuma ene a mu kuila, exi: O ifuba ietu ia kukuta, o kudielela kuetu kua di boto; o etu ia a tu batula kiá.

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Matesu 10:15

Kidi kiene ngi mi ambela, inda oxi ia Sodoma ni ia Ngomola a kà i lendukila mu kizuua kia kufundisa, mbongeʼ oio, kana!

Jipoxolo 9:4

Muene ua di bhale bhoxi, anga u ivua dizui dia mu ambela, dixi: Saúlu, Saúlu, eme ualù ngi zukutisila-hi?

Jihebeleu 13:12

Kiene ue Jezú, ki ambe kuzelesa o mundu ku ituxi iâ ni manhinga mé muène, ua tundile mu mbanza, o hadi ia kufua kuê ua i talela ku kanga.

Jihebeleu 6:6

Maji o ku pholo ku eza kunu a lueza, o kuxikana a ku texi! Ki ki xikina ku a bheka dingi mu kudiela, kiosuʼiki kiala kuila o Monʼa Nzambi a mu tona ku mu ta ku dikulusu, a mu sebulula bhu pholo ia mundu.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 11:13

Kithangana kienhókio anga kubhita kizema-zema kia dikota kia ʼxi. O mbanza i lundumuka mbandu iê ia kuinhi, o a fu ku kizema-zema kia ʼxi anga a tena sambuadi dia midi ia muthu. Athu a subhuka-ku hé a kala ni uôma uavulu, anga a ximana Nzambi ia diulu.

Dijingunuinu 11:9

Athu a tundu ku madiembu moso, ni miji ioso, ni madimi moso, ni ifuẋi ioso, a kala mú talesa ngó o imbi iâ mu izuua itatu ni kaxaxe, kehela ku i funda mu mbila.

Dijingunuinu 14:20

O ji-uva anga a ji kamena mu ditangi ku mukáu ku kanga dia mbonge, o mukunguiji ua manhinga a tundu mu ditangi, hungulule iê kulebha iambata hâma jitatu ja kilómetulu, o kuzonga kuê métulu ni kaxaxe.

Dijingunuinu 14:8

Anga ku kaiela anju iamukuá ia kaiadi, uixi: Ia jimi! Ia jimi! O Babilónia ia dikota ia jimi, ia kexi mu kuila o ifuẋi ioso u i nuisa ku vinhu iê—o vinhu iê ia nguzu, i salukisa, ia undumbu uê!

Dijingunuinu 16:19

O mbanza ia dikota anga i muangunuka mu mbandu jitatu, o jimbanza ja akua-jixi mu ngongo anga ji lundumuka hé ji senguluka jene joso muene. Nzambi anga u lembalala o Babilónia ia dikota, hé u i bhana kùnua o vinhu ia tundu mu kopho iê—o vinhu ia kutema kua njinda iê.

Dijingunuinu 17:1

Anga kuiza anju imoxi, ku sambuadi dia kuatele o sambuadi dia nganza, hé u ngi zuelesa, uixi: Iza kunu, ngi ku idikize kioso kia-nda kubhana o kaxtiku kua kidia-nzunga kia dikotʼokio, o mbanza ioio iòtunge bhu mbanduʼ a ngiji javulu.

Dijingunuinu 17:18

O muhatu ua mu monuʼó, o mbanza ia dikotʼoio ia mu tumina o jisobha joso mu ngongo.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.

Dijingunuinu 18:10

O mu kanga mu emanena, mukonda dia uôma ua kutata kuê, a kèla: Uaué! Uaué, taté! O mbanza ia dikota Babilónia! O mbanza ia kolele kiambote! Mu kumbi dimoxi ngó, tata, kua ku tulukila kaxtiku kê!

Dijingunuinu 18:18

Anga a di kola, kia talesa o dixi diê mu kúbhia, exi: Mbanza ia dikota, tata! Ki i moneka luiadi!

Dijingunuinu 18:2

Muène anga u di kola ni dízui dia suina, uixi: Ia jimi! O Babilónia ia dikota ia jimi! Mua biluka ditungilu dia madimonho, disuamenu dia nzumbi joso jaiibha. Mua kituka kibuta mu tunga o njila joso jaiibha ja ifusa!

Dijingunuinu 18:21

Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!

Dijingunuinu 18:24

Babilónia ia dikotʼoio, a mu bhana o kaxtiku kê, mukonda mua muène a sange-mu o manhinga ma jipolofeta, ni manhinga ma akua-Ngana, xi, o manhinga ma athu oso a a jibha jinga mu ngongo.