Dijingunuinu 10:1 - O Mikanda Ikola

¹ Anga ngi mona anju iamukuá ia dizonda, uala mu tuluka ku diulu. Ua zuata dituta, o ku thanduʼa mutue uê kua bhiti hongolo. O pholo iê iedi kala dikumbi, o inama iê mukuâ ni jiphiladi ja túbhia.

Dijingunuinu 10:1 Iomraidhean Croise

Jisálamu 104:3

O mixi ia inzo ié ia thandu, ua i tula mu menha; o matuta dikalu dié; uendela ku mabhabha ma kitembu.

Jisálamu 97:2

Ni matuta ni kitombe a mu bhaka mu kaẋi; kiandu kiê kia di fikidila mu kubatula mu kidi ni kukumbidila.

Makatukilu 16:10

Anga ki bhita-phe kuila, kioso Alá kiala kuzuela ni kionge kioso kia anʼa Izalaiele, ene oso kiedi sui ku mbandu ia kikangalakata a mona kubenha kua Jihova kua monekena mu dituta.

Mukumbi ua Mikumbi 5:15

O tuluingi tuê kala jiphiladi ja ditadi dia mamole, a tu xikika ku ibaka ia ulu ua kenzuluka kiambote. O muene uoso ki u mu tala, uila kala muxitu ua Libanu, ua tolomoka kala kiene o mixi ia sédulu mu muxitu.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Izaía 54:9

Mbata o kiki kia kà ngi kala mukuâ ni dilúvio dia Noué; kala ki nga lokele kuila o sulumbembe ia menha ma Noué ki ia kà bita dingi kulu dia mundu; kiene ki nga loka kuila eme nuka dingi nga kà ku kuatela njinda, mba ku ku bazela.

Kuditenda 3:44

Ua di jikila mu matuta, ua lenge misambu ietu, phala ki i ku bhixile.

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Daniiele 10:6

o mukutu uê uila kala turkeza, o pholo iê kala nzaji ki i telaka, mesu mê ma lekujuka kala jisama ja túbhia, o maku mê ni inama iê kala kidifua kia ngondo iolunge ni xitanho, ia a i seke, o dízui dia kuzuela kuê, mukuâ ni kilungutu kia mundu ua vulu.

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Ijila 16:2

Jihova phe uambela Mozé, uixi: Ambela phangʼié Alá: O mu dibhezelu, mu ʼxilu dia mvéuʼomo, ka kále mu bokona-bokona-mu ngó mu thembu joso, nʼa kala mu kuimana bhu pholo ia kibhuna kia kiadiʼokio, kiala kulu dia álaka ia umbangi phala kafue; mukonda Eme ngi tukulukila mu ifuke ku thanduʼa kibhuna kia kiadi.

Matesu 17:2

Kuenhoko muène anga u kituluka bhu pholo iâ. O pholo iê i di muika kala dikumbi, izuatu iê i zela kala muanha,

Luka 21:27

Kumbi diná a-ndu mona Monʼ a Muthu iú uijiia mu dituta, ni kusuina ni ungana uònene!

Jipoxolo 26:13

Maji mu kumbi dia mediia, eie ngana u Sobha, mu njila nga mono mukengeji ua tundu ku diulu, o kubenha kuê kua dikumbi ndenge mu kutua. O mukengeji uenʼiú ua ngi muikina eme ni athu u ngende-nâ.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

Dijingunuinu 18:1

Kia bhiti imʼíii, nga mono anju iamukuá iala mu tuluka ku diulu. Muenhú u kala ni kijîngu kiavulu, mu ngongo ioso anga mu di muika ni kubenha kuê.

Dijingunuinu 18:21

Anju ia kindanda anga u zangula kiditadi, mukuâ ni ditadi dia dikota dia kuhuhila, anga u di takula mu menhʼa kalunga, uixi: Kiene muenʼiki, mukuâ ni kibhalu kia dikota, kia-nda kubobesa na-kiu Babilónia, o mbanza ia dikotʼoio! Ki mungu i tena dingi kumoneka ku mesu!

Dijingunuinu 20:1

Anga ngi mona anju iala mu tuluka ku diulu. Ua kuata sabhi ia dikungu ki di moneka hole, ni lubhambu lua dikota, bhu maku.

Dijingunuinu 4:3

Muène ua xikama bhu kiandu, ku mu tala mesu, uedi kala ditadi dia jáxipe ni dia salado mu kubenha. Anga kukala hongolo ia kondoloka o kiandu, kidifua kiê mukuâ ni ditadi dia zemelada.

Dijingunuinu 5:2

Anga ngi mona anju ia dizonda, ua handekela ni dízui dia suina, uixi: Ua fuama kubula o idimbuʼíii nanhi, ni kujikula o divulu didi?

Dijingunuinu 8:13

Bhenhobho ngi mona hé ngʼívua o holokoko bhu iala kubhitila, iasu o mbambe ni diulu, i zuela ni dízui dia dikota, iexi: Lamba! Lamba! Lamba, dia ene oso a tungu mu ngongo, mukonda dia mázui ma jikoloneta ja anju jitatuʼojo, kiluua ji xika!