Dijingunuinu 1:5 - O Mikanda Ikola

⁵ ni kua Jezú Kristu, o mbangi ia kidi, ia fiiele. Muène mutuameneni ua dianga kufukunuka kuʼalunga, muène ue mutumini a jisobha mu ngongo. Muène ua tu zola, ua tu jituna ku ituxi ietu ni kúfua kuê,

Dijingunuinu 1:5 Iomraidhean Croise

Jisálamu 51:2

Ngi sukule, u ngi zelese ku ikuma iami, mukonda nga xidi; ngi bonze, phala kituxi kiami ki bhue-ku.

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Jisálamu 89:27

Muene-phe ngi mu ila: Monʼami ua phande-kumbi, muene suke-ku ku jisobha mu ngongo.

Jisabhu 14:5

Mbangi ia kidi, ki i tena kuta makutu; mbangi-phe ia mangonha, u tanga makutu mu makutu.

Izaía 55:4

Talesa, eme nga mu bhana a kale mbangi ku athuʼoso, a kale kilolo, a kale nguvulu ia mundu.

Daniiele 2:2

Sobha anga u tuma kuixana jingânga, ni jimesene ja iphata, ni imbanda, ni akua Kaldeia, phala a mu jimbuile jinzoji jê; ene anga eza hé a bhixila bhu pholo ia sobha.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Ijila 13:58

Maji-phe, hé o kizuatu, mba jidinha jòleke, mba thanga iòtunge kiá mba kima kiòtunge ni ibha, a ki sukule dingi lua kaiadi, kuabhu, kia di xala kiua, kia zele.

Zakadiia 13:1

Bhu kumbiʼodio kua kà kala fiẋi ia jikuka phala o dibhata dia Davidi, ni iá a tungu mu Jeluzaleme, phala ku dizelesa ku ituxi ni ufusa.

Matesu 20:28

Mukonda uila ki eza Monʼa Muthu, kana kukala ni athu a mu bhikila muène, maji muène-ku kubhika, ni kubhana o muenhu uê mu kukula mundu.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Nzuá 13:1

Kuila kua kambe ngó kizuua kimoxi, kiosuiki o Fesa ia Phasu kiluua i bokona, Jezú kuma uejiia kuila o kumbi diê dia bhixila, dia kutunda mu ngongʼ umu nʼ aie kua Tata, kala kia zola makamba mê mu ngongo, ua a zolo muene katé ku dizubhilu.

Nzuá 13:34

Nga mi bhana kijila kiôbhe: Di zodienu mudienu. Kala kioso eme ki nga mi zola, enu uenu di zodienu mu dienu.

Nzuá 15:9

Kala Tata kia ngi zola eme, kiene ue ki nga mi zola enu. Mu kienhiki, Xalenu mu henda iami.

Nzuá 18:37

Pilatu ua mu ambela, uixi: U sobha-phe! Inga kiebhi? Jezú ua vutula, uixi: Kiene! Eie-muène ua mu ki tanga, kuila ngi sobha. Eme o kuzuela o kidi, kiene kia ngi vualela, kiene ue ki ngʼejiia mu ngongo. Uoso ua xikana o kidi, uívua dízui diami.

Nzuá 3:11

Kidi, kidi, ngi ku ambela: Etu tua-lu zuela i tuejiia, tu jimbula ima i tua mono, maji enu-phe ki mu tambula umbangi uetu.

Nzuá 3:16

Mbata Nzambi ua zola o mundu, katé kia suku mu kubhana Monʼ ê umoxi-èlele, phala uoso u mu xikana muène, káfue, maji a kale ni muenhu ki uábhua.

Nzuá 3:32

Muène ioso ia mono, ievu, iene ia zuela, maji kana muthu-phe u tambula o maka ma umbangi uê.

Jipoxolo 20:28

Di langienu-phe enʼuenu, ni kilunga kioso, kuma o Nzumbi Ikôla ua mi bhange mu abidi a kilunga kienʼiki. Kalenu-phe mu abidi a ngeleja ia Ngana Nzambi, kuma Muène ua i sumbu ni manhinga ma Monʼ êlele muene.

Jipoxolo 26:23

Kuma ene a tange, exi: Kristu ua kà bhita ku jiphaxi, muène ua kà dianga mu kufukunuka kuê ku ʼalunga, mu kutubhula o mukengeji ku mundu ua Jijudé ni ku matumbu.

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Loma 8:37

Né ngo! Mu ima ioso íii tuala tu atolodi, maji atolodi ndenge, mu nguzu ia Ió uoso ua tu zola!

I Kolindo 6:11

Enu amoxi-mu, kiene ki mua kexile. Maji a mi sukula ku ituxi, a mi lumbila kua Nzambi, o Muène iú ua mi xikina bhu pholo iê mukonda dia Jezú Kristu, Ngana ietu, ni mukonda dia Nzumbi ia Nzambi.

Ngalásia 2:20

Kiki ki eme dingi ngala ku muenhu, maji Kristu uala ku muenhu moxi diami. O kiki o muenhu u ngala na-u mu xitu, nga u muena mu kuxikana Monʼa Nzambi, ió ua tenene ku ngi zola ni ku di bhakula mukonda diami.

Efezo 2:4

Nzambi-phe mu kulenduka kuê kua mu kala o nzungule, mukonda dia henda iê iavulu ia tu kuatela,

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Matendelelu 18:2

Kienhiki-phe ene ka tambula undundu ua kima muʼaxaxi ka ʼphange jâ; Jihova muene ukala undundu uâ, kala ki a ambela kiá.

Matendelelu 23:5

Maji o Jihova phe ka ẋikinine kuívua ki zuela Balamu; inda Jihova Nzambi ié o mázui ua ma bilula dibesá; mbata Jihova Nzambi ié ua ku zola.

Matendelelu 7:8

Jihova muene-ku ua mi te muxima kuma ua mi zola, mu ku kumbidila o muloko uê ua lokela jitata jenu; Jihova iu ua mi katula ni lukuaku luê lua suina, iu ua mi kula ku dibhata dia ubhika ku mua kexile, bhu lukuaku lua Falaó, sobha ia Ijito.

Kolose 1:18

Muène ue o mutue uavu mukutu uê o Ngeleja. Muène dimatekenu dia muenhu ua mukutu. Mu kufukunuka, muène thungunu ia madifundu a dianga ku mu fukununa mu ʼalunga. Kienʼiki, phala mu ima ioso muène a kale ku pholo dia ima ioso.

I Timote 6:13

O kiki nga ku tendelela bhu mesu ma Nzambi, u bhana ima ioso kukala ni muenhu, ni bhu mesu ma Jezú Kristu, ua fisalele umbangi uambote bhu pholo ia Pônsio Pilatu, kuila:

I Timote 6:15

Mukonda Nzambi bhu thembu iê ioso ia mono, ua kà bhitisa imʼiii, Nzambi mukua mbote, muène ubheka uê, Diama, Sobha ia jisobha, Ngana ia jingana.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.

I Nzuá 1:7

Maji, o ki kala-phe tuenda mu mukengeji, kala Nzambi muène kiene mu mukengeji, tu kala ku ukamba mudietu, o manhinga ma Jezú, Monʼê, kala kienda jinga Jezú Kristu.

I Nzuá 4:10

Muenhumu mua kala o henda, mu kuila: Etu ki etu tua zola Nzambi, maji muène-ku ua tu zola, iú ua tumikisa Monʼê mu kukala kiluuluilu kia ku tu lolokesa o ituxi ietu.

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 11:3

Anga ngi tumikisa mbangi jami jiiadi, a zuata saku ia kidinhaji, hé a kala mu tanga o Njimbu ia Nzambi mu midi ia kizuua ni hama jiiadi ni makuinhi asamanu.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

Dijingunuinu 19:16

Ku kizuatu kiê, bhu ditabela, kuosoneke dijina, exi: Sobha ia jisobha, Ngana ia jingana.

Dijingunuinu 2:13

Nga ku ijiia bhu ua tungu. Bhene bhuala o kiandu kia Satana. Eie-phe dijina diami ua di jijila, kua ngi di tunu o kixikanu kiami, né mu izuua ia Antipa mbangi iami, fiiele iami, a mu jibhila muʼaxaxe kenu bhenhobho bhua tungu Satana.

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki:

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.