Dijingunuinu 1:4 - O Mikanda Ikola

⁴ Eme Nzuá, nga sonekena sambuadi dia ngeleja jala mu Azia: O kiadi kikale kienu, ni paze i tunda kua Nzambi ua kexile-ku, kiki iu-ué, ni hádia muène ua kala-ku, ni ku sambuadi dia nzumbi jene bhu kiandu kiê,

Dijingunuinu 1:4 Iomraidhean Croise

Jisálamu 90:2

Kioso milundu kiluua a i vuala, ni mavu ni ixi kiluua u i umba, tunde xahulu katé ku hádia, eie Nzambi u nangenena.

Makatukilu 3:14

Nzambi anga u ambela Mozé, uixi: Eme kala-dia-kala, uixi: Ua kèla kua anʼa Izalaiele kuma: Kala-dia-kala muene ua ngi katula, iú ua ngi tumu ko kuenu.

Izaía 11:2

Anga o nzumbi ia Jihova ia kà mu tula ku thandu diê, iene o nzumbi ia unjimu ni kutetuluka, nzumbi ia phangu ni ndongo, ifikidila muthu, iene nzumbi i bhekela muthu o kuijiia ni kukala ni uoma ua Jihova.

Izaía 41:4

Mukuahi-phe ua bhange kiki, uexana o miji phala i kuate o kulaia tunde ku dimatekenu? Eme ngi Jihova; nga dianga, eme-muène ngala ue kumoxi ni iá a sukidila-ku; eme-muène, muene!

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Mikeia 5:2

Eie Beleme dia Efrata, sumbala uala u kambonga muʼaxaxi ka jimidi ja Juda, maji mo-mué muene mua kà tunda u ngi kalela Ngana mu Izalaiele, uavu o matundilu mê ma kalelà-ku tunde mu xahulu, mu izuua ia kalelàku.

Zakadiia 3:9

Mukonda, talesa-ze, ditadi didi di nga tula bhu pholo ia Josuué. Ku ditadi didi, dimoxʼèlele, kuala sambuadi dia mesu; Eme-phe nga-nda kuseta-ku o kisetelu kiê, anga kikuma kia ixi iii ngi ki katula mu kizuua kimoxi, kiene kiambe Jihova dia Ifuẋi.

Zakadiia 4:10

Mukonda, nahi muene u sebulula o kizuua kia dimatekenu dia tuma tua tolo. Mbata enʼió a kà sanguluka mu ku mona o pulumu bhu lukuaku lua Zolobabele; o sambuadi dia mesu diodio, diene o sambuadi dia mesu a Jihova ene mu ku tonginina mu ngongo ioso.

Zakadiia 6:5

Anju anga u ngi vutuila, uixi: Iá, iene itembu i uana ia diulu, iala mu ku tunda ku ia kexile bhu pholo ia Jihova uavu ixi ioso.

Nzuá 1:1

Ku dimatekenu kioso mundu kiluua a u bhanga, ku kala o Diambu; o Diambu anga di kala kua Nzambi; o Diambu muène Nzambi.

Jipoxolo 19:10

Kienʼiki anga u ki jijila mu mivu iiadi, katé ene oso a tungu mu Azia ki evu o Maka ma Ngana, ni Jijudé, ni ió ka tokala mu muiji ua Jijudé.

Jipoxolo 2:9

Sumbala etu oso tueza, tuedi ni akua Partiia, ni akua Mediia, ni akua Elame, ni iá a tungu mu Mezopotamiia, mu Judeia ni mu Kapadósia, mu Pontu ni mu Azia,

Loma 1:7

Uila kiki, nga mi sonekena enu oso muala ku Loma, enu a mi zola kuala Nzambi, iú ua mʼ ixana phala kukala mu mundu uê. Ku kale kiadi ku mualʼ oko, ni paze i tunda kua Nzambi Tata ietu, ni Ngana Jezú Kristu.

I Kolindo 1:3

Ku kale kiadi ku mualʼ oko, ni paze i tunda kua Nzambi, Tata ietu, ni kua Ngana Jezú Kristu.

II Kolindo 1:2

Ku kale kiadi ku mualʼ oko, ni uembu u tunda kua Nzambi Tata ietu, ni kua Ngana ietu Jezú Kristu.

Jihebeleu 13:8

Jezú Kristu muène umoxi, ni mazá, ni lelu, katé ku hádia.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Dijingunuinu 1:1

Divulu dia dijingunuinu dia Jezú Kristu dia bhana Nzambi phala kuidikiza jiselevende jê, ima ia bhingi i bhita kindala. Jezú iu ua tumu mukunji uê ku i ijidisa selevende iê Nzuá,

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 1:9

Eme Nzuá, ngi phangʼienu, ngi mukuenu mu hadi ia Jezú, ni mu Utuminu uê, ni mu kukolokota kuê, Nga kexile mu kikolo kia Pátamo, a ngi kuika mukonda dia kutanga maka ma Nzambi ni umbangi ua ima ia ngi tukuluila Jezú.

Dijingunuinu 16:5

Anga ngʼivua anju ia bhana kutumina o menha, uixi: Eie, Ngana, uenié, eie ua kexile-ku, eie Uaiuka, Ukôla, mukonda dia kiki ki ua batulʼiki!

Dijingunuinu 2:12

O Anjo ia Ngeleja ia Pelengamo, mu sonekene kiki: Eme ió uala ni xibhata iatu ia mazu aiadi, uambe kiki:

Dijingunuinu 2:18

O Anjo ia Ngeleja ia Tiiatila, mu sonekene kiki: Eme Monʼa Nzambi, uala ni mesu mê medi kala mulengu ua túbhia mu kubenha, ni inama iê mukuâ ni utadi ua ngôndo ualuendela, uambe kiki:

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

Dijingunuinu 22:8

Eme ngi Nzuá, eme-muène ngevu imʼiii, nga i mono. O ki nga zubha kuívua ni kumona imʼiii, nga di bhale bhu inama ia anju ua ngʼidikiza imʼiii, phala ku mu bheza.

Dijingunuinu 3:1

O anjo ia Ngeleja ia Salade, mu sonekene kiki: Eme ió uala ni sambuadi dia Nzumbi ia Nzambi, ni sambuadi dia théthembua, uambe kiki: Eme nga ku ijiia o ima ioso i uene kubhanga. Ngejiia ue kuma uala ni fuma ia kukala u muthu ua muenhu, manhi uafu!

Dijingunuinu 3:14

O Anjo ia Ngeleja ia Laodiseia, mu sonekene kiki: Eme Amén, mbangi ia fiiele ia kidi, muène o dimatekenu dia imbamba ioso ia bhanga Nzambi, uambe kiki:

Dijingunuinu 3:7

O Anjo ia Ngeleja ia Filadélfia, mu sonekene kiki: Eme ió ukôla, mukua kidi, uala ni sabhi ia kexile ia Davidi, uila kia jikula kana muthu u jika, o kia jika kana muthu u jikula, ua-mbe kiki:

Dijingunuinu 4:5

Mu kiandu anga mu telaka jinzaji, mu tunda màzui, ni inuminu. O bhu pholo ia kiandu, bhua uama sambuadi dia sama ja túbhia, diene o sambuadi dia Nzumbi ia Nzambi.

Dijingunuinu 4:8

Kala kiama ki kala ni mabhabha masamanu ezala mesu ni moxi ni ku kanga. Muanha ni usuku ki iene kunhoha, ia kuata kuila: U kôla, u kôla, u kôla, Ngana Nzambi Muteni-a-ioso, ua kexile-ku, kiki iú-é, hádia muene uà kala-ku!

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.

Dijingunuinu 8:2

Anga bhenhobho ngi mona sambuadi dia anju ene kuimana bhu pholo ia Nzambi, a a bhana sambuadi dia koloneta.