Dijingunuinu 1:12 - O Mikanda Ikola

¹² Eme anga ngi sakuka phala kumona ió ua ngi zuelesa, o ki nga zubha kusakuka, nga mono sambuadi dia kandeia ka ulu.

Dijingunuinu 1:12 Iomraidhean Croise

Makatukilu 25:37

Ku thandu diê u ta-ku jikandeia ji kala sambuadi; a ji sendela jinga phala ji muikine bhu pholo ia kandeia bhuoso bhu kemana; ua kà iudika ue sambuadi dia jikandeia nʼu ji te bhu thandu diê phala a ji bambule jinge ni kumuikina bhuala kandeia.

Makatukilu 37:23

Anga u iudika jilâmbada jê, sambuadi; ni tanaji jê, ni dibandeja diê, ja ulu uoso ua di kenze kiambote.

Mikeia 6:9

Dízui dia Jihova dì diʼixana o sanzala, o uoso njimu, u kala ni uôma ua dijina diê. Ivenu enu mu akua sanzala, ni ió uoso ua mu i tumina.

Zakadiia 4:2

Anga u ngʼibhula, uixi: Ua mu monʼhi? Eme-phe nga mu vutuila, ngixi: Nga mu tala, eme nga mono Tudilu dia tundeia, dia ulu uoso, ni thenda ia maji bhu thandu diê, ni sambuadi diê dia tundeia. Kandeia ni Kandeia ka tudika ku thandu diê, kala ni sambuadi dia jimbungu.

Dijingunuinu 1:13

O uala muʼaxaxe ka tundeia, ua di fuangana kala Monʼa Muthu, ua di vungu kizuatu kia mu tuluka katé mu inama, iu ua di kutu phonda ia ulu mu thulu.

Dijingunuinu 1:19

Kala kiki, soneka o ima ioso i ua-ndu mona, kixi ima kiki ialaku, ni ima hinu ia-nda kubhita.

Dijingunuinu 1:20

O dijimbuluilu dia kijimbuete kia sambuadi dia théthembua di ua mono bhu lúkuaku luami lua dilu, ni dia sambuadi dia tundeia tua ulu, didi: O sambuadi dia théthembua, o ji-anjo ja tokala ni sambuadi dia Ngeleja; o sambuadi dia kandeia, o sambuadi dia Ngeleja.

Dijingunuinu 2:1

O anjo ia ngeleja ia Efezo, mu sonekene kiki: Eme ió ua kuata sambuadi dia théthembua bhu lúkuaku lué lua dilu, mukua kunhungina muʼaxaxe ka sambuadi dia kandeia ka ulu, ua-mbe kiki:

Dijingunuinu 4:1

Kia bhiti imʼiii, ngi kala ni kisunji kia mukuá, o ki nga tale, ngi mona dibhituʼidi, dia jikuka mu diulu! O dízui di nga diangele kuívua, mkuâ ni koloneta, anga di ngi zuelesa, dixi: Banda kunu, ngi ku idikize ima ia bhingi hinu i bhita!