Daniiele 9:26 - O Mikanda Ikola

²⁶ O kia kà bhua o makuinhi asamanu a jisemana ni semana jiiadi, Mexiia a kà mu katula-ku, kà mu mona dingi; o mundu ua kilamba kia kèza-ku, ua kà buikisa o diembu diosuʼodio ni Tembulu, o dizubhilu diâ dia kà a bhitula mukuâ ni menha a disenza; kuà kala-phe ita mu ita katé bhu dizubhilu, oko a xindi-bhu ibuika.

Daniiele 9:26 Iomraidhean Croise

II Samuuele 21:5

Ene anga ambela muenexi, exi: Muthu uoso ua tu buidisile, ua kexe ku tu kanena ku tu jimisa mbutu, phala ki kuxale muthu mu jimbamnbe joso ja Izalaiele.

Jisálamu 22:15

Bhu xingu bhua ngi kukuta kala kimènga kia mavu; dimi dia ngi naminina ku jinganzuánzua; ua ngi takuila mu fufutila ia mavu a kalunga.

Izaía 28:2

Talesa, Jihova ua kà tuma dizonda diê, kusuina kuvula; mukuâ ni ki sonoka mvula ia matadi, mvula ia kibuika, mukuâ ni imenha i bhanga jihungulule ji kungulukila mu jimbandu, muene ue kitundu kiâ ua kà ki zubila ni nguzu ioso bhoxi.

Izaía 28:22

Kala kiki-phe, ki mu bhange dingi kasekelu, sumba mikolo ienu a beta dingi ku i kolesa; mukonda eme ngʼevu Jihova dia Ilômbo Ieta uala ku kanena kiá ku bheka-ku kibuika, o kienhiki ua ki xindi kiá, ki tuluka ku thandu diaʼxi ioso.

Izaía 53:8

Tembu ia mu tobhesa mu kufunda, a mu fudisa o kulunga. Mu phaxi ni milonga ki bhuala ua mu katula-mu; o izuua ia muenhu uê nanhi ua-nda ku tanga? Kuma muenhu uê a u batula mu ngongo; mukonda o kitondalu kia mundu uami kiene kia mu jibhisa.

Izaía 8:7

mukonda dia kiki, Jihova ua-nda kubheka ku thandu diâ menha ma ngiji, ma kunguluka ni kusuina; muene sobha ia Asídia ni kijingu kiê kioso; menhʼama ma-nda ku banda anga mʼezalesa mu mijinga iâ ioso, ma ẋamukina ku ibumu iâ, iene ioso.

Jelemiia 46:7

Nanhi muenhú, uiza ni kubanda kala honga ia Nilu, ua bhingi menha mê ma kunguluka kala ma jingiji?

Jelemiia 51:42

O musanza ua kalunga ua bande ku thandu dia Babilonha, ndumba ia mabhuku ma kalunga ia mu vungina.

Daniiele 11:10

Maji anʼê a kà di ta mu kúlua ita, a ka phopha ndumba dia ilômbo ia makuenze; umoxi mudiâ anga ua kʼèza ni lusolo, u koka o mundu uoso anga u somboka, u vutukila dingi ku di-ta mu ita, hé uia ni kúlua katé ku mbonge ia sulu.

Daniiele 11:17

Ua kà lunga pholo iê mu kuiza ni ukuenze uoso ua utuminu uê, athu aiukʼó ukala-nâ kumoxi, anga u bhanga muene kia mu solo o muẋima uê mu bhana monʼa kilumba phala kusakananê, mbé utuminu uê a u sengulule; maji kienhiki ue ki kia kà bhanga kima, mukonda monʼa muhatu ka kà tena-ku.

Daniiele 11:22

O ilômbo ia tokalele ku mu tolola muene, muene ua kà i tolola hé u i muanga-muanga katé kiá ni kilamba kia tuamenena jinga ku kikutu.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Hozeia 1:9

Nzambi anga u ambela Hozeia, uixi: Mu luke dijina dia Lo-Amí; mbata enu ki muala mu mundu uami, eme uami ki ngi kala dingi ngi Nzambi ienu.

Amoji 8:8

Mukonda dia kienhiki, ixi i kamba kuteketa? Oso a tungu momo a kamba kudila? Mavu oso a kà zangumuka muene kala kingiji kiónene; a kà di takula kala ngiji ia di bhange masenza, anga hungulule iê i bhubhuluka dingi mukua ni ngiji ia Ijitu.

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Nahumu 1:8

Muene ua kà bobesa kididi kiki ni kibuika, mukua ni dilúviu dia menha; ua kà kaiesa jinguma jê katé ua a jikinisa mu kitombe.

Matesu 22:2

Utuminu ua diulu ua difangana ni sobha ia bhangele fesa ia ukaza ua monʼê.

Matesu 22:7

Sobha anga njinda i mu kuata; u katula ita iê, ijibhangangʼoio anga u i buikisa, mabhata mâ u ma ta mu túbhia.

Matesu 23:38

Talesa, kilômbo kié kià xala ngundu.

Matesu 24:2

Muène-phe u a kumbulula, uixi: Ima ioso iíi mua i mono, kuambe? Kidi kiene ngi mi ambela, bhenhabha ni ditadi dimoxi ngó hinu ki di xala-bhu ku thandu dia mukuá, dià kamba ku di lundumuna.

Marku 13:2

Jezú ua mu ambela, uixi: Jinzo ua ji mono ja makota, kuambe? Bhenhabha-phe kana ditadi hinu dia ka xala-bhu, dia di lundama hanji kua mukua, ni di a kamba ku di lundumuna!

Marku 13:7

O ki mu ívua ita ni minumango ia ita, ki mu ki tukumuke, mukonda imʼiíi i bhinga i dianga kubhita, o dizubhilu-phe kiluua.

Marku 9:12

Kuala muene: Kidi kiene, Elija u dianga kuiza, he u bheka ima ioso mu uiukilu ue. Maji a ki soneka-phe kiebhi mu Mikanda ia Nzambi kuma Monʼa Muthu u tokala u bhita mu jiphaxi javulu, ni ku mu tobhesa?

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Luka 21:6

Muène u tanga, uixi: Imʼ iii i muala kumona, izuua íi iza, ia ku i muanga. Bhenhabha ni ditadi dimoxi ngó ki diandu xala-bhu ku thandu dia mukuá à kamba ku di lundumuna.

Luka 24:26

Kifua ki kia tokalele muene kuila Kristu nʼa bhite ni jingonjuʼojo, ni a tambule kiua o Ungana uê uoso kua Nzambi?

Luka 24:46

Kiene kia soneka, kuma Kristu u tokala u bhita mu jiphaxi, hé u fukunuka ku ʼalunga mu kizuua kia katatu.

Nzuá 14:30

Ki ku ngi xala dingi kuzuela kithangana kiavulu ni enu, kuma o sobha ia mu tumina mu ngongʼ umu iu bhixila kiá; muene-phe ka ngi lende ni kima.

II Kolindo 5:21

Kristu kia kexi, ka moneka kituxi, maji Nzambi ua mu tambuisa mbandu ku ituxi ietu, phala etu, mu kisangela ni Muène, tu tambule uetu mbandu mu kulûnga kua Nzambi.

Ngalásia 3:13

Maji Kristu-phe ua tu kula ku mázui ma Kitumu, mu kubiluka mukua mázui bhu kididi kietu. Kuma kiosoneke mu Mikanda: Uoso a mu nhenga ku dikulusu mukua mázui.

I Phetele 2:21

Mukonda enʼuenu Nzambi kiene kia mʼixanena. Mbata Kristu kiene kia tu talela hadi, iú ua tu xila o phangu, phala tu mu kaiele mu makanda.

I Phetele 2:24

Kristu muène ku mukutu uêmuène, ua tu ambatela o ituxi ietu katé ku kimuẋi, phala etu tu jituke ku ituxi, tu kuate muenhu ua kuiuka. O italakanha iê iene ia mi sake.

I Phetele 3:18

Mukonda Kristu ue ua mi fuila bhu kididi. Muène ituxi ua i talela hadi mu lumoxi ngó, o muthu uaiuka bhu kididi kia akua ikuma, phala a tu bhiẋidise kua Nzambi. Muène a mu jibhila mu xitu, a mu phaphumuina mu nzumbi.