Daniiele 9:23 - O Mikanda Ikola

²³ Kioso ngó ki uandeka o kudionda, kiene kia ngi bhana o ngonge, eme ngeza phala ku ku jimbuila-iu, mukonda eie u muthu a ku zola kinéne. Uívua-phe kiambote o maka iá, kisuma kiki ki ku tetulukile.

Daniiele 9:23 Iomraidhean Croise

II Jisobha 19:20

Kieneʼokio Izaia, Monʼa Amoze, ua tumu kuambela Ezekiia, kuila: O Jihova, Nzambi ia Izalaiele, uambe kiki: O ki ua ngi bhingiʼokio kua Senakedibe, sobha ia Asídia, nga kʼivu.

Jisabhu 15:8

Jihova ua di-zemba ni sata ia athu abhumu; maji ki mu uabhela muene, o kuividila musambu ua athu aiuka.

Mukumbi ua Mikumbi 7:10

Eme ngi uangene ua kazola kami; o muene ue ua mu dʼivua kala ngala ku mu sunga.

Izekiiele 14:14

Né-mbe hanji mu kaxi kâ mu kala kitatu kiki: Noué, Daniiele ni Jobe, ene ngoho mu kuiuka kuâ eji kubhulula o mienhu iâ—Jihova Nzambi ua ki tange.

Izekiiele 24:16

Eie monʼa diiala, tala, kiókio kiene mu kuinda o mesuʼé nga-nda ku ku katula-kiu mu lumoxi ngó; maji kua-nda ku di tata, mba u dila, mba mu mesu mé mu tunda kisoxi.

Izekiiele 26:12

Ene hé a kà nhana o umonhi ué, o ima ié ia uenji a kà i bhûnda, o imbaka ié a kà i lundumuina bhoxi, o jinzu jé ja iuka kinéne a kà ji sengulula; anga o matadi mé ni miẋi ié ni fufutila ié, a kà i lunduluila mu kaxi ka menha.

Daniiele 10:1

Mu muvu ua katatu ua Silo, sobha ia Pélesa, Daniiele, a mu edi Belxazale, a mu jingunuina maka; o maka-phe ma kidi, maka ma ita ia dikota ia xikamena kubhanga mu thembu iza-ku. Daniiele muene, maka ua mʼevu kiambote, o kisuma kia mu tetulukila.

Daniiele 10:19

Uixi-phe: Ku kale ni uôma, eie u muthu a ku zola kiavulu! Tululuka; kala u kindanda! Kala muene u kindanda! Kiala ku ngi zuelesa kiki, eme ue nga di tutu kiòmuene, ngixi-phe: Zuela, Muadiʼami, mbata eie ua ngi suinisa.

Daniiele 6:3

Daniiele anga u di tungula, mu axaxi ka mavunda ni ilâmba; mukonda mua muene mua kexe muẋima uabeta ujitu; Sobha-phe hé ukala mu kuxinganeka ku mu xikika ku thandu dia utuminu uoso.

Matesu 24:15

Hinu-phe ki mu mona o Kisunji ki buidisa mundu, kia tangele polofata Daniiele, kiemana bhu kididi kikôla, uoso u tanga a tongolole.

Luka 1:28

Mukunji anga u bokona, uixi: Nga ku menekena Madiia! Eie a ku zediuisa kiavulu kuala Nzambi! Ngana uala ni eie.