Daniiele 9:2 - O Mikanda Ikola

² Mu muvu uene uadiangʼó ua utuminu uê, eme ngi Daniiele, mu kutongolola mu madivulu, nga sange kuma mivu ia tanga Jihova, kua polofeta Jelemiia, kuma iene mivu ia tokala kukumbidila o kibuika kia Jeluzaleme; ua i xinda makuinhi sambuadi.

Daniiele 9:2 Iomraidhean Croise

II Malunda 36:21

Mbé o kizuelu kia Jihova ki tenene kia tange ku dikanu dia Jelemiia, katé bhuoso ixi bhu ia kà uabhela dingi o jisabhalu jê; o mu izuua ioso ia kibuika, iene ia nhoha; katé kia tenena o makuinhi sambuadi a mivu.

Ejidala 1:1

Mu muvu ua dianga ua Silu, sobha ia Pélesa phala kizuelu kia Jihova ki tenene kia tange ku dikanu dia Jele miia, Jihova ua tonesa nzumbi ia Silu, sobha ia Pélesa, muene iú ua xikisa ngonge mu ixi ioso ia utuminu uê, ni ku ki soneka mu mikanda, kuila:

Jisálamu 119:24

Maumbangi mé ue mene ma ngi kala mu vondadi, mene ma di bhange o jindongixi jami, ji ngi bhana o kaiula.

Izaía 64:10

Madiembuʼé a ngene a biluka jingùndu; Ziione kilombo ngundu, Jeluzaleme a mu buikisa.

Jelemiia 1:1

Maka ma Jelemiia, monʼa Hilikiia ua tokala ku jinganga ja kexi mu Anathothe, moxi ia Bejamí.

Jelemiia 25:18

Kua Jeluzaleme ni mabhata ma Juda, ni jisobha jâ ni ilamba iâ phala, ku a kitula jingundu, a di bhanga kisunji ki kuatesa uoma, ela kala muixi, a kituka kuxixima kala ki kia di monekena lelu;

Jelemiia 26:18

Mikeia dia mukua Molaxita ua zambuile mu izuua ia Ezekiia, sobha ia Juda, anga u tangela mundu uoso ua Juda, uixi: Jihova dia Ifuẋi uambe kiki: Ziione a kà mu dima kala mukáu, Jeluzaleme ua kà kituka ndunji ja matadi, o ditala dia inzu iii dia kà di bhanga kala dilundu mu ditutu.

Jelemiia 26:6

kuabhu-phe, nga-nda kubhangesa kuila inzu iii i kituka kala Silu, o mbonge iii i di bhanga ia mázui phala jixi joso mu ngongo.

Jelemiia 27:7

Jixi joso ja kà mu bhikila muene, ni monʼê, ni monʼa monʼê, katé ue kia kà bhixila kizuua kia ixi iê-muène-muene ku di uanena-iu kuala jixi ja vulu ni jisobha ja makota.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 7:34

Hé nga kà zumbula o dízui dia kutonoka ni dia kusanguluka mu madiembu ma Juda ni mu jinzunga ja Jeluzaleme, ni dízui dia ngaiala ni dia dibhanga: mbata oxi ia-nda kua kà di kuata mukondo.

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Izekiiele 29:11

Ki mua kà bhita kinama kia muthu mba kinama kia kiama, ki mua kà tunga ue muthu mu makuinhi-auana a mivu.

Daniiele 9:3

Anga ngi lungulukila pholo iami kua Ngana Nzambi, mu ku mu sota ni musambu ni ku mu dionda, bhenhobho nga jidi, ngi di ta kidinhaji, ngi di kuua utókua.

Mikeia 3:12

Uila kiki, mukonda dienu, Ziione hádia a mu dima kala mukáu ua hatu, Jeluzaleme ua kà kituka jindunji ja matadi, o mulundu bhuala o inzu ienhiʼii, bhua kèla kala muxitu bhu thala ia milundu.

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Zakadiia 7:5

Tangela athu oso mu ixi mumu, ni ku jinganga, uixi: Kioso ki mua jila jinga ni ku disuuata bhu mbeji ia katanu ni ia kasambuadi mu makuinhi sambuadi a mivu osoʼá, ni kidi kiene eme, eme muene mua ngi jidila?

Matesu 24:15

Hinu-phe ki mu mona o Kisunji ki buidisa mundu, kia tangele polofata Daniiele, kiemana bhu kididi kikôla, uoso u tanga a tongolole.

Marku 13:14

Jezú anga u zuela dingi, uixi: Ki mu mona-phe o kisunji ki buikisa mundu kiemana bhuma ki kia tokala kukala-bhu, (uoso mutangi u tanga, a tongolole). Kienhókio, oso a kala mu Judeia, a ka lengele ku milundu.

Jipoxolo 8:34

Ngolambole anga u kumbulula, uixi: Nga ku diondo, ngi tangele hanji kima kimoxi: O polofeta bhabha, ua tange nanhi? Ua di tange muène, inga ua tange nanhi? Ua di tange muène, inga ua tange muthu uengi?

I Timote 4:13

Kiosuʼiki, katé ki ngi ku sanga, ta muẋima ué mu kutanga o Mikanda ia Ngana bhu pholo ia mundu, ni mu kulombolola o Njimbu Iambote, ni mu kulonga oso a xikana.

Dijingunuinu 1:3

Ua zediua uoso u tanga o divulu didi ni oso évua o maka iá a upolofeta, anga aiuka ima ioso ia soneka muenhomo! Kuma o thembu ia zukama phala ima ioso íii kubhita.