Daniiele 9:18 - O Mikanda Ikola

¹⁸ Nzambi iami, bheteka mátui kunu, uívue; tona mesu, u mone kubhondalala kuetu, u tonginine ue o mbanza iatokala mu dijina dié. Mbata o ki tuala kusamba kiki bhu pholo ié, ki tua dielela o kulunga kuetu, maji tua dielela mu kulenduluka kué eie ku uene na-ku kua nzungule.

Daniiele 9:18 Iomraidhean Croise

I Jisobha 8:29

Phala o mesu mé Ngana, a tone jinge muene ku inzo iii usuku ni muanha, ajikukile ku kididi kiki, ki ua tangele, uixi: Dijina diami muene mu dia kà kala jinga; phala kuívua jinga o musambu u ku sambela mubhikʼé mu kididi kiki.

II Jisobha 19:16

Bheteka, Ngana, o dítui dié, uivué; jikula, Ngana, o mesu mé, u tale; nda uivue o maka ma ngi tumikisa Senakedibe mu ku lebhula o Nzambi ia Muenhu.

Jisálamu 116:1

Nga zolo Jihova, mukonda ua ngʼivu dízui diami ni kudionda kuami.

Jisálamu 25:6

Xinganeka, Jihova, jihenda jé ni jimbote jé; mukonda jene ji uene na-ju tunde dia tunde.

Makatukilu 3:7

Jihova anga u zuela dingi, uixi: Nga mono kidi muene o phaxi ia ifuẋi iami iala mu Ijitu, ngevu o kudikola kuâ, mukonda dia abhondeleki ala ku a bhikisa kiavulu; mukonda eme ngejiia o malamba mâ.

Izaía 37:17

Jihova, tata, bhana dítui dié kunu, uive; tona mesu, Ngana, utale; ivua jindumu joso ja Senakedibe, ni mondo ua ku te eie, u Nzambi ia muenhu.

Izaía 43:7

Oso a exana mu dijina diami, ni oso nga a bhanga phala o diximanu diami, eme-muène ngʼa ombu, kidi muene, eme muene ngʼa iudika.

Izaía 64:12

Kifua, Jihova tata, mu ima iosuʼiii, hanji u di xibhʼé muene? Uilʼé muene hudí, anga u tu tatesa kiosuʼiki?

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Jelemiia 14:7

Kia di kalela kiua kuma o ikuma ietu iene ia tu kundula, Jihova tata, bhanga kima, mu henda ia dijina dié; kuma umbalu uetu ua di sokolola; Eie muene tua ku te muene kituxi.

Jelemiia 14:9

Kima kiahi ki uidila kala muthu a mu tukumuisa, kala dizonda dia lembua ku kudila? Hanji-phe eie Jihova, o muʼaxaxi kʼetu muene mu uala, etu phe a tu ixanena mu dijina dié: kana ku tu ehelela.

Jelemiia 15:16

Maka mé kioso ki nga ma sange, nga ma di lusolo, kuma maka mé ma ngi kala kutana ni kusanguluka mu muẋima uami; kuma a ngi luku dijina dié, eie u Jihova, Nzambi ia Ilombo Ieta.

Jelemiia 25:29

Talesenu hanji kuma mu mbonge ia luku dijina diami, muene mu ngʼandekela kubhana njumbu; kifua enu mu subhukenu? Kana, ki mu tena ku subhuka, mbata eme nga-nda kuixana xibhata ku thandu dia oso a tungu mu ngongo, Jihova dia Ifuẋi ua ki tange.

Jelemiia 36:7

Amoxi o kudionda kuâ ku sonokena bhu pholo ia Jihova, kala muthu a bhane dikunda ku njila jê ja ibha mukonda njinda ia Jihova ia dikota ni kutema kuê kuene mu ku di londekeza na-ku mu ku bilukila o athu iá.

Jelemiia 37:20

Kiki-phe eie sobha, ngana iami, ivua ngi kuʼambele: O kudionda kuami ku sonokene bhu mesuʼé ku ngʼehele ku vutukila mʼonzo ia Jonatane, o musoneki, phala ki ngʼize mu ku fuila momo.

Izekiiele 36:22

Kala kiki-phe, o dibhata dia Izalaiele tangela-diu, uixi: O Jihova Nzambi uambe kiki: Ki mukonda dienuʼenu, ki nga mu bhangela kiki, enu mu muiji ua Izalaiele, tata, maji mukonda dia dijina diami di kôla, di mua sembamesa mu kaxi ka akua jixi, mu mua di tela enu.

Izekiiele 36:32

Jihova Nzambi ua ki tange, uixi: Ijiienu-na-kiu muene kiambote, kuila o kiki ki nga mu ki bhangela mukonda dia henda ienuʼenu, kana! Sonhi ji mi kuate muene, mu tandanganhe mukonda dia jinjila jenu, enu mu muiji ua Izalaiele, tata!

Daniiele 9:7

Eie, Jihova, ualungu muene, etu-phe sonhi ja tu fuama té mu leluʼidi, ni mala mu Juda, ni akua Jeluzaleme, ni Izalaiele ioso-lolo; kixi ia a zukama, kixi ió oso ala ku makanga, ku jixi kuoso ku ua a tande, mukonda dia kutondala kuâ ku a ku tondalela na-ku eie.

Dialuilu 6:27

Kienhiki kiene ki mu ta jinga dijina diami ku thandu dia anʼa Izalaiele; eme ni ngʼa zediuise.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.