Daniiele 9:16 - O Mikanda Ikola

¹⁶ Jihova tata, mukonda dia jihenda jé ja vulu kinéne, sondolola njinda ié ni kutemanana kuosʼuku ku ua tula ku thandu dia dibhata dié dikôla Jeluzaleme, uene ku mulundu ué uangene; mukonda o ki tualʼiki ituxi ietu, ni ikuma ia jitata jetu, iabheka môndo kua Jeluzaleme ni ku mundu ué, ala ku tu ta-u muene kuala athu oso u tua tunga-nâ a tu kondoloka mu jimbandu.

Daniiele 9:16 Iomraidhean Croise

Nehemiia 9:8

Anga u mu mona ni muẋima ua iuka bhu pholo ié, hé u ta-nê kikutu, kuila ua-nda ku mu bhana o ixi ia akua Kanana, ia akua Hiti, ia akua Amolé, ia akua Peleze, ia akua Jebuzé, ia akua Jidingazé, nda u i bhana o mbutu iê; eie anga u tenesa ki ua zuela, kuambe eie Ngana ua iuka.

Jisálamu 143:1

Ngʼivue musambu uami, eie u Jihova; bhetama dítui, u ngʼivue o kudikola kuami; u ngi vutuile mu kukumbidila kué ni kidi kié.

Jisálamu 31:1

Ko kué, u Jihova, ku nga lengela; ku ngʼehele kukakuka! ngi bhulule, Ngana, mu kubatula kué kua kidi.

Jisálamu 41:13

A tane-ku! Jihova, Nzambi ia Izalaiele, tunde dia tunde, katé dià kalelà-ku! Amén, ni Amén!

Jisálamu 71:2

Ngi kudile mu kutetuluka kué, u ngi katule mu iluezu; ngi bhetamene o dítui dié, u ngi bhulule.

Jisálamu 79:4

Tua lebhuka kiavulu muʼaxaxi ka akua jixi u tua zukama-nâ; a tu sekalesa, a tu tobhesa, mu madiembu a tu kala mu jimbandu.

Jisálamu 85:4

Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

Jisálamu 89:51

Eie muene u Jihova, a ku te mondo, Kuma muthu ué ua mu undu ni maji uala kubonga malebhu.

Makatukilu 20:5

Kana ku i fukamena, kana ku i bheza; kuma eme Jihova, Nzambi ié, ngʼene ngi Nzambi ia difuba; ana ngʼa a bhesa kaxtiku mu ituxi ia jitata, katé ku mululu ni ku muláula ua iá a ngi zemba,

Izaía 5:25

Ki kia bhangesa o njinda ia Jihova ku uama ku thandu dia mundu uê, iú ua sunununa lukuaku luê, iú ua a bhana kaxitiku, katé ni milundu ia teketa; o imbi iâ iedile kala maxita muʼaxaxi ka nzunga; ku thandu dia iosuʼiii, njinda iê ki ia suku, maji lukuaku luê hanji ua luʼoleka.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Jelemiia 32:31

Mukonda o mbonge iii tundé kia i tunga, ienhé ngó phala njinda iami ni kutema kuami katé mu kizuua kia lelu, nda eme ngi i katulé-ku ku mesuʼ ʼami.

Jelemiia 32:32

Ku ima ioso ia ibha ia bhange anʼ Izalaiele ni anʼ Juda, phala ku ngi lokalala o kutema, ene ni jisobha jâ, ni ilamba iâ, ni jinganga jâ, ni jipolofeta jâ, kumoxi kiá ni athu oso mua Juda ni iá a tungu mu Jeluzaleme.

Izekiiele 22:4

Mu manhinga mé, mu ua lundulula, ua di bhange u mukua mulonga; o mu iteka ié i ua di songela, ua di kasanesa; eie ua bhekesa o izuua ié ku bhixila, ueza-phe kiá bhu dizubhilu dia mivu ié; kiene-phe ue ki nga ku bhangela u dilebhu dia ifuẋi, a ku ta muôndo mu jixi joso.

Izekiiele 5:14

Hé ngi ku tula mu mukondo; ua sebuluka mu kaxi ka miji ia ku kala mu jimbandu jé; ene oso a bhita a ki mona mesu.

Daniiele 11:45

Ua ka phapha jibalaka ja kilômbo kia mbanza iê bhu kaxi ka musanza ua kalunga ka dikota ni Mulundu ua ulamba; maji hádia o dizubhilu diê ki dʼiza, u mu banda ka moneka.

Daniiele 9:20

O ki nga kuata kuzuela kiki, ni kusamba, ni kufisala kituxi kiami, ni kituxi kia mundu uami ua Izalaiele, ni ku lundulula o musambu uami ua kutoloka bhu pholo ia Jihova, Nzambi iami, nga-lu diondela o mulundu uangene ua Nzambi iami.

Jouele 3:17

Enu-phe mua kèjiia kuma eme ngi Ngana dia Nzambi ienu, nga tunga mu Ziione, ku mulundu uami ukôla; Jeluzaleme ua kà kituka mbonge ikôla; athu engi ka kà tena dingi kubhita-mu.

Zakadiia 8:3

Jihova dia Ifuẋi uambe kiki, uixi: Ziione nga kà mu vutukila. Nga kà tunga mu kaxi ka Jeluzaleme. Jeluzaleme a kà mu ixana exi: Mbanza ia ujitu, mulundu uangene ua Jihova dia Ilombo Ieta, mulundu uê ukôla.

II Tesalonika 1:6

Kala kiki, kima kiaiuka ki bhanga Nzambi kienʼ iki: O ku a vutuila hadi, ene oso a mi talesa enu hadi.

I Nzuá 1:9

Maji se tu fisala o ituxi ietu kua Nzambi, muène fiiele, u kumbidila o kizuelu kiê hé u tu bhanga kioso kia fuama: U tu loloka o ituxi ietu, hé u tu ixika o mangonha moso.

I Samuuele 2:7

Jihova u bheka muthu mu uadiama, o ngadiama u mu bheka mu umonhi; u sebukisa muthu, u bhana muthu kijingo.