Daniiele 9:13 - O Mikanda Ikola

¹³ Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Daniiele 9:13 Iomraidhean Croise

II Jisobha 22:16

O Jihova uambe kiki: Talesa, nganda kubheka hadi bhu kididi kiki, ni kua ió oso a tungu-bhu; mu kuiza-ku, ene o maka oso a divulu dia tange sobha ia Juda.

Jobe 36:13

Athu a ibha mixima, a di bhakela nzungule ia njinda ku thandu diâ; kia-nda kuila Nzambi ua a kutu mu jingidinhá, a lémbua kudikola phala ku a kudila.

Jisálamu 119:18

Ngi jikule o mesu, phala ngi mone madiuanu mósueke mu mukanda ua ngonge ié.

Jisálamu 119:27

Ngʼijidise o njila ia mutendelu ué; phala ngi kale mu xinganeka jinga o madiuanu mé.

Jisálamu 119:73

Maku é ene a ngi bhanga, ia a ngi sokejeka; ngi bhane kilunji kia ku di longa o itumu ié.

Jisálamu 85:4

Kiki ue tu bhetule, u Nzambi ietu ia Kibhamuenhu; né tua ku tondalela, tu lendukile o njinda ié ku i ehelele ku thandu dietu.

Izaía 31:1

Kokolo dia ió oso a kulumuka ku Ijitu mu ku sota-ku dikuatekesu, anga a ta o muẋima ku jikabalu; a dielela o makalu mukonda a di-xala, ni a-mondadi ala i-mazonda ionéne; maji ka xikina kusuua Dilemba dia Izalaiele; ka xikina ku sota Jihova.

Izaía 42:9

Talesenu o ima iòtange mʼokulu ia bhiti; ngi mi tangela kiá ima ia ubhe, ngi mʼivise-iu kiá kiosuʼiki kiluua i tomboka ku mukengeji.

Izaía 43:22

Maji-phe, Jakobo, eie kua ngi hingila, maji eie u Izalaiele ua ngi bhuidila.

Izaía 64:6

Kuma etu-oso tuedi kala kima kia sotama, mauiukilu metu moso medi kala dikoza diala mu nuha kibuzu; etu-oso tu lalumuka muene kala mafe ma kukuta, o ikuma ietu iala ku tu kungulula kala kitembu kia tu ambatesa.

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Jelemiia 30:14

Ene oso u ua kexile-nâ ku usai, a ku jimbi kiá, ene ue eie ka mu ku kuibhula dingi; mukonda nga ku kuama ni kituezu kia nguma, nga ku bhana kaxtiku ka kisuéiea, mukonda dia unéne ua ku ibha kué, ni nzungule dia ituxi ié.

Jelemiia 31:18

Nga kʼivu muene kiambote kuila Ifalaíme ua kexi mu ku di tenda, uixi: Eie ua ngi bhe jingongo, eme nga mono ngongo, mukuâ ni kamona ka ngombe kiluua hanji kʼejidila; ngi bilule mu kudiela, phala eme ngi diele, mukonda eiʼeie u Ngana dia Nzambi iami.

Jelemiia 44:23

Mbata enu muʼoha uasu ua dizumba, kuma mua te kituxi kua Jihova, nguenu ku tumaka o dízui dia Jihova, mua fulu kuenda mu ngonge iê ni mu itumu iê, kiene kia mʼijiia kuiibha kuosʼuku kala ki kia di monekena mu kizuua kia lelu.

Jelemiia 44:27

Kiki-phe nga-nda ku a langidila, ki phala mbote, maji phala kuiibha; athu oso mua Juda, ala mʼoxi ia Ijitu, a-nda kujikinina ku xibhata ni ku nzala, katé kiʼábhua-mu ene oso.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Kuditenda 5:21

Tu vutule dingi kokué, u Jihova, nda etu tu tene o ku ku vutukila; tu tombuele dingi o izuatu ietu ku ubhe, kala ki tua kexe mu xiahulu.

Izekiiele 16:43

Mbata-phe eie kua xinganeka o izuua ia unzangala ué, eie ua ngi lokalala o njinda ni ima iosuʼiii; tala-ze, eme ue o njila ié nga-nda ku ku lauila-iu ku thandu dia mútue ué—Jihova Nzambi ua ki tange,—o ku thanduʼa maufusa mé moso kua-nda kutaku dingi o kuximika kué kuosʼuku.

Daniiele 9:11

Xi, Izalaiele ioso-lolo kitumu kié a ki lueza, abhuka mu njila, mbé o dízui dié a fule ku di tumaka. Mukonda dia kienhiki, ni mázui, ni mulôko uoso uòsoneke mu kitumu kia Mozé, ngunza ia Nzambi, ioso muene ia di lunduluila ku thandu dietu; mukonda Jihova tua mu te kituxi.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Hozeia 7:7

Ene oso a tema kala forno, a jikinisa afundixiʼâ; jisobha jâ joso ja bhuku; muaxaxi kâ ki mua moneka dingi ngó muthu umoxi u di tenda koʼkuami.

Luka 24:45

Bhenhobho anga u a jikula o ilunji, mu kutetulukila o kuívua kiambote o Madivulu a Ngana, uixi:

Nzuá 10:35

Etu tuejiia kuila o Madivulu ma Nzambi ene mù zuela kidi; kuma Nzambi ua exana jinzambi enhó oso evile o maka-mê.

Nzuá 6:45

Kiôsoneke mu divulu dia Jipolofeta, exi: Ene oso à kala òlonge kua Nzambi. Kienhiki, uoso uevu kua Tata, iu ua di longo kiá kua muène, uiza ko-kuami.

Nzuá 8:32

o kidi mua-nda ku kʼijiia, o kidi anga ki mi bhana ufolo.

Efezo 4:21

Kuzuela o kidi, enu mu evu kioso kia mu tanga jinga, o ki mua bokona mu kisangela kiê, mua di longo o kidi, kiene mua Jezú.

Matendelelu 29:4

maji-phe Jihova ka mi bhana o muxima ua kutetuluka, ni mesu phala kumona, ni mátui phala kuívua katé mu kizuua kia lelu.

Tiiaku 1:5

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.