Daniiele 9:12 - O Mikanda Ikola

¹² Muene iu ua kumbidila o kizuelu kiê kia tu kanena na-kiu etu, kumoxi ni afundixi etu, a tu tetuluila jinga o milonga, iu ua bheka o jingongo ja vula kiki ku thandu dietu, ja bhingi kuila o kiki kia bhiti mu Jeluzaleme nuka kiʼa bhitile kuoso-kuoso bhoxi dia diuluʼabha.

Daniiele 9:12 Iomraidhean Croise

I Jisobha 3:9

O ki ngalʼiki, Ngana, ngi bhane, ngi mubhikʼé, muẋima ua kutongoloka mu kufúndisa o mundu ué, phala ni unjimu uoso, ngi tene kutungula kia kidi ni kia makutu; kuma nanhi ua kambe unjimu, u ki tena, kia kufudisa o mundu ué uavulu kiki?

II Jisobha 22:16

O Jihova uambe kiki: Talesa, nganda kubheka hadi bhu kididi kiki, ni kua ió oso a tungu-bhu; mu kuiza-ku, ene o maka oso a divulu dia tange sobha ia Juda.

Jobe 12:17

Akua kubhana o kaiula, uia na-u a zuluka, ididi a i xa; o afundixi uene mu a bhekesa kujuuala.

Jisálamu 148:11

Mu jisobha mu ngongo, mu madiembu moso mu jixi; mu jingana, ni enu mu afundixi ku mundu.

Jisálamu 2:10

Kiki-phe, enu mu jisobha, kuatenu kilunji; ivenu phangu, enu mu afundixi mu ngongo.

Jisabhu 8:16

O ilamba ni atumini, eme nga a bhana o kutumina, kumoxi ni afundixi oso mu ngongo.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Jelemiia 30:7

Ahi Mukonda kizuua kiókio kia kudilá-ku kinéne, katé ki kiala ni mukuá a soko-nê! Thembu iii ia mukondo phala Jakobo; maji-phe ku mukondo uenhó, muene ue a-nda ku mu bhululʼé.

Jelemiia 32:23

Iá a bokona-mu muene, í ia kituka iâ-ene, maji a kambe kutumaka dízui dié, iá a fulu kuenda mu kitumu kié; iene ioso i ua a tumu kubhanga, ene ka i bhange; kiene-phe ki ua tumina, phala kua eze divuua dioso dienhidi.

Jelemiia 39:16

Jihova dia Ilombo Ieta, Nzambi ia Izalaiele uambe kiki: Tala, eme nganda kubheka maka ami ku thandu dia mbonge iii, ki phala mbote, kana, maji phala kuiibha; anga kizuelu kiami kia kà tenena muene bhu mesu mé mu kizuuʼokio.

Jelemiia 44:23

Mbata enu muʼoha uasu ua dizumba, kuma mua te kituxi kua Jihova, nguenu ku tumaka o dízui dia Jihova, mua fulu kuenda mu ngonge iê ni mu itumu iê, kiene kia mʼijiia kuiibha kuosʼuku kala ki kia di monekena mu kizuua kia lelu.

Kuditenda 1:12

Enu kifua ki kia mi kate, enu muala ku bhita mu kikoka? Ilenu hanji suii mu mone, mba sai-ku dilâmba kala o diami, dia ngʼiza ku handuʼidi; o dilâmbva dia ngi bhondeleka na-diu Jihova, bhu kizuua kia uamene o njinda iê.

Kuditenda 2:13

Ngi ku tela umbangi uahi? Eie kilumba, monʼa Jeluzaleme, ngi ku fikisa ni nanhi? Ngi kuila ngixi o ki ualʼiki kia bhitile kiá kua nanhi, ni ngi ku bhetuila-ku o muẋima, eie kilumba kia muzeletete, tata, mona Ziione? Mukonda o divuua dié dia vudilà-ku mukuâ ni kiakulu o kizanga kia kalunga, mukuahi u ku bhandulula?

Kuditenda 2:17

Jihova ua bhange kioso kia kanene, kizuelu ua ki tenesa, kia xindile tunde mu izuua ia xahulu; ua sengululʼê muene, kulenduka nguê; uenzela o nguma ku di thatha ku thandu dié eie; o kusuína kua isuéia kuene ku a bhanʼê o kidifikidilu kiasoko.

Kuditenda 4:6

Mukonda o kituxi kia monʼa kilumba kia mundu uami, kia beta kota o kia Sodoma ndenge, a mu vumbile mu uthôkua muʼanzanzʼumu, sé ngó kuila bhu kala lukuaku lua muthu lu ki bhanga.

Izekiiele 13:6

Ala mu kumona kingoho ni kuzambula makutu, oso a mu zuela, kuila: Ngana uixi: mbebhu Ngana ki muene ua a tumikisa; anga a bhangesa athu ku kinga kuila o kizuelu kia tange ki bhite.

Izekiiele 5:9

Momuʼé nga-nda kubhanga-mu kima kiluua ngi ki bhanga, mukonda dia maufusa é oso.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Amoji 3:2

Ku miji ioso mu ngongo enu ngó nga mʼijiia; mukonda dia kienʼiki imbamba ienu ia kutondala kuoso ku mu tondala, nga-nda ku i vutuila phonzo ku thandu dienu.

Zakadiia 1:6

Né kienhókio, mbebhu o Maka mami ni itumu iami i nga tumikisa jinga eme ku abhikʼami, o jipolofeta, o jitata jenu ki ia a bhixila? Ene iá a vutula, exi: Kioso Jihova dia Ilombo kia xinganeka ku tu bhanga, kala kia tokala mu jinjila jetu, ni kia fuama o ibhangelu ietu, kiene muene kia tu bhange kiá.

Zakadiia 1:8

Mu usuku nga tale, eme nga mono diiala ua sambela ku kabalu ka kusuka, anga uia ni kuimajana mu tu isasa tuala mua zongo. O kuema diê kuala tubalu tu kusuka ni tua zeluluka ni tua zele.

Zakadiia 7:12

Kiene muene, a bhangesa miẋima iâ ku kola kala utadi ua diiamande, phala a lémbue kuívua o kitumu, mba o maka a tumikisa Jihova dia Ilombo Ieta ku Nzumbi iê ku jipolofeta ja tu diangelelè-ku; bhenhobho bhene bhua tundu o njinda ia dikota ia Jihova dia Ilombo Ieta.

Matesu 24:21

Kuma thembu ioio o phaxi iê, kiluua ngó i kala-ku, tunde ku dimatekenu diaʼxi katé ni kiki; o ku hádia ue ki ia kà kala-ku dingi.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Marku 13:19

Kuma izuuʼoio kua kala divuua dia dikota, kiluua ngo di kala-ku tunde ku dimatekenu dia Nzambi kukalakala ima ioso kate lelu; ne ku hadia ki di moneka luiadi!

Luka 21:22

Kuma ioio iandu kala Izuua ia Kaxtiku. Mu izuʼomo muene mua-nda kubhitisa ima ioso iòsoneke mu Mikanda Ikôla.

Loma 15:8

Kuma eme nga mi ambela kuila Kristu ua di bhangele mukunji ua Jijudé phala kuidikiza kuila Nzambi kene mu kualuluka, mbé o izuelu ioso ia bhele Nzambi ku Jitata a i kumbidile.