Daniiele 8:4 - O Mikanda Ikola

⁴ Nga mono kuila o kilumbe kia kuata kúlua mítue, ki ṗhuṗha mútue ku luiji, o bhabha ki ṗhuṗha mútue ku suku, o bhabha ki ṗhuṗha mútue ku sulu; iama ioso ia lémbua kuimana bhu pholo iê, ki bhuala ue ua tena ku di bhângela ku nguzu iê. O kiene hé kienda ni kubhanga ioso ia mu tumu o muẋima uê, kiia dingi ni ku di-bandekeza mʼunéne uê.

Daniiele 8:4 Iomraidhean Croise

I Jisobha 22:11

Anga Zedekiia, monʼa Kanaana, u di bhangela jimbinga ja felu, uixi: Ngana uambe kiki: Akua Sídia ua kà a lua ni jimbinga jiji, katé u a zubhidisa osololo muene:

Jobe 10:7

Eie ua kʼijiia kiambote kuila ki ngi mukua mulonga; maji né kiki, hanji ki bhuala muthu u ngi bhulula bhu lukuaku lué.

Jisálamu 44:5

Mu nguzu ié tu lundumuna oso a tu zembe; mu dijina dié tu a titidila muene bhoxi oso a tu balukila.

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Jisálamu 7:2

Kuma a hamena o muenhu uami kala hoje ia bhindamena ku ngi dia; a mesena a ngi sanujuna ku idiandu, sé muthu ku ngi bhângela.

Izekiiele 34:21

Mukonda enu, mua muia ni ku lundujula ni isuxi ienu ni mbanji jenu, o jimbinga jenu jene ji mulua-na-ju o jimbudi joso ja kambe o nguzu, katé ki mu ji muangena ku kanga.

Daniiele 11:16

O nguma uoso ua-nda kuiza ku mu lua, ua-nda kubhanga muene kioso kia mu tumu o muẋima uê, ki bhua-nda kumoneka muthu utena ku di fikidila bhu pholo iê. Ua kà kala mʼoxi ia uabha kinéne, ia di bhange iene o matunda ma miji ioso, o ima ioso ia kà kala bhu lukuaku luê, katé ni kibuika ki bhobho.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 5:19

Mukonda-phe dia unéne ua mu bhele, miji ioso ni ifuẋi, ni athu a madimi moso, edile ni kiteketela ni uoma bhu pholo iê-muène. Uoso ua mu idi ngi mu jibha, u mu jibha muene; uoso ua mu edi akole muenhu, u mu bhaka ni muenhu; o ki ela muthu iú ngi mu zangeleka, u mu zangeleka muene; o ki ela muthu iú ngi mu tununa, u mu tununa muene.

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Daniiele 7:5

Ngi kuata kutala, talesa, kumoneka kiama kia kaiadi, kia di-fu ni ursu, kia bhetuka mbandu imoxi, o ku maju kiazenzeka jimbanji jitatu, iá a ki ambela, exi: Balumuka, kokota xitu ia nzungule.

Daniiele 8:7

Ngi mona kia bhixila bhuala o kilumbe, anga ki kuama kilumbe anga u ki bukula o jimbinga jene jiiadi, kuma kilumbe kia lémbua nguzu ia ku bhânga-nê; kiaii-phe bhoxi, iu ua ki titidila ni inama iê; o u bhângela kilumbe nʼa ki tambhula bhu maku mê, ka moneka.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Matendelelu 33:17

Muene akale ni uzonda kala ua ngalote ia ngombe iê ia phande-kumbi. O jimbinga jê jile kala kaluimba. Jene ja-nda ku kuama na-ju bhuamoxi o ifuẋi katé ku jimbambe jaʼxi. Enhá ene o kuinhi dia midi ja Ifalaíme, ene o jimidi ja Manasa.