Daniiele 8:3 - O Mikanda Ikola

³ Ngedi ngi bhetula mesu, nga mono kilumbe kia mbudi kiemana ku kibumu kia ngiji, kiala ni jimbinga jiiadi; jimbinga jalebha muene, maji bhu kala-phe lumoxi lu tunda mukuâ mu kulebha; o lua beta kulebha-phe luene lua suikidila-ku mu kusabhuka.

Daniiele 8:3 Iomraidhean Croise

I Malunda 21:16

O Davidi, mu kuzambula mesu mê, uamono o anju ia Jihova, iemana mu dinga ni dinga, mu mbambe iaʼxi ni diulu, ni xibhata ia fuomona ma kizu ia kuata bhu lukuaku luê, ialeka mu kubuikisa Jeluzaleme. Kienhokio Davidi-phe ni makota moso, a zuata jisaku ja idinhaji, a dibhala o jipholo jâ bhoxi.

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Ejidala 4:5

Anga a futila jindaxi phala kuia ni ku a fudisa ioso ia mesena kubhanga izuua ioso, kioso Silu sobha ia Pélesa hanji iu ni muenhu, katé mu utuminu ua Ndala, sobha ue ia Pélesa.

Estere 1:3

kutula mu muvu ua katatu ua kukala ku ungana uê, u bhanga fesa ia akua mbèle iê, ni jingana ni abhikʼê. Anga a bhongolola bhu pholo iê bhebhobho, ni jixefe ja ilombo ioso ia Pélesa ni ia Mediia a kala-bhu uâ, ni jitata ni jifixiiadi ja jisengu,

Izaía 13:17

Talesa, nga kà a vulumuina akua Mediia, ene-phe ka kà suua phalata, o ulu ue, né ngó bhuôfele, ka kà u bhindamena.

Izaía 21:2

Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Daniiele 10:5

nga bhetula mesu anga ngi tala, nga mono-phe muthu uazuata kizuatu kia linho, o mu kinhonga ua di kutu phonda ia ulu ua fina ua Ufaze;

Daniiele 2:39

Kioso-phe ki u tunda-ku eie, kua kà ku bhingana utuminu uamukuá, uala ndenge, o ué-eie kota; anga kua kʼèza kiua utuminu ua katatu, ua utadi ua ngôndo, uene hé ua kà tumina oxi ioso.

Daniiele 5:31

O Ndala, mukua Mediia, ua mu bhingana, kioso kiala mu makuinhi a samanu a mivu ni iiadi.

Daniiele 6:28

Daniiele-phe muenhú ua nakina muene ni kubhanduluka, mu utuminu ua Ndala ni mu utuminu ua Silo, mukua Pélesa.

Daniiele 7:5

Ngi kuata kutala, talesa, kumoneka kiama kia kaiadi, kia di-fu ni ursu, kia bhetuka mbandu imoxi, o ku maju kiazenzeka jimbanji jitatu, iá a ki ambela, exi: Balumuka, kokota xitu ia nzungule.

Daniiele 8:2

Mu kisuma nga muene (kuná kala ngala mu mbonge ia Suzane, mu sengo ia Elame) nga muene, mu kisuma, kala ngala ku ndundu ia honga ia Ulai.

Daniiele 8:20

Kilumbe kia mbudi ki ua mueneʼokio, ni mbinga jê jiiadi, ene o jisobha ja Mediia ni ja Pélesa.

Zakadiia 1:18

Anga ngi zambula mesuʼami. O ki nga tale, nga mono jimbinga jiuana.

Zakadiia 2:1

Anga ngi tona kuzambula mesu. O ki nga tale, nga mono diiala, o bhu lukuaku luê bhuala longoji lua kuzongela.

Zakadiia 5:1

Eme nga tona dingi kuzambula mesuʼami, o ki nga talesa, nga mono hata ia dilânda dia uinge ia mu bhita bhulu.

Zakadiia 5:5

Anju ia kexi mu kuzuela ni eme, anga i ngambela, iexi: Zambula mesu mé kindala u tale mba kima kiahi kiki kia mu tunda.

Zakadiia 5:9

Anga ngi zambula mesu mami, ngi mona kua tundu ahatu kiiadi, ala mu ku bhuka-bhuka o kitembu ni mabhabha mâ, kuma a kexile ni mabhabha a di fu kala mabhabha a kinzuá; ene anga a zangula efa a tuka na-iu, aia na-iu mu dinga ni dinga, mu muxinda ua ixi ni diulu.

Zakadiia 6:1

Lua mukuá dingi, ngi zangula mesuʼami mu kutala, ngi mona makalu a uana, a tundu bhu kaxi ka milundu i iadi; o milundu ienʼiii, milundu ia utadi ua ngòndo.

Dialuilu 24:2

Balamu anga u bhetula mesu, u mona Izalaiele, kia te kibangu kiâ ku miji-miji; Nzumbi ia Nzambi anga i mu tula.

Josuué 5:13

Anga ki bhita kuila, kioso kiala Josuué mu mukáu ua Jedikó, u zambula mesu, u tukumuka diiala diemana ua di bhana-nê pholo, lukuaku lué lua kuata xibhata ia fomona mu kizu; Josuué anga u mu bhiẋila, uixi: Eie ua di bande kokuetuʼetu, inga ku jinguma jetu?

Dijingunuinu 13:11

Kienhókio anga ngi mona kiama kiamukuá kí fukunuka mu mavu. Ki kala ni mbinga jiiadi mukuâ ni mbinga ja mbudi, maji ki zuela-phe kala mudikixi.

Dijingunuinu 5:6

O bhuʼ axaxe kê, bhu kiandu, anga ngi mona-bhu bhuemana Kambudi, a mu kondoloka ku iama iuana ia muenhu ni ku ikulakaji. O Kambudi kène kedi kala a ka jibhile. Muène u kala ni sambuadi diê dia lumbinga, ni sambuadi dia diesu, ene o sambuadi dia Nzumbi ia Nzambi a a tumikisa mu ngongo ioso.