Daniiele 8:23 - O Mikanda Ikola

²³ Maji, mu izuua ia sukidila-ku ia ma-utuminu mâ, kia-nda kuila akua kutondala a sekala a zubha, kua kà balumuka sobha u kala ni pholo ia kisuéia, mesene ia kuzambula.

Daniiele 8:23 Iomraidhean Croise

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

Jisabhu 1:6

Phala kubatekela o Sabhu ni dilomboluelu diê; ni kubatekela o maka ma jinjimu, ni ixima iâ.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 38:8

Mbata kia-nda kubhita izuua ia vulu, a-nda ku ku zungila; o ku zubhilu dia mivu ua kʼèza mu ixi iôtambule ku xibhata, i ia tundu muʼaxaxe ka ifuẋi iavulu mu ku di bhongoluela ku milundu ia Izalaiele ia xalele jinge jingùndu; maji-phe o ixi ioio a i katula muene muʼaxaxe ka ifuẋi, o kiki-phe ene oso a-nda kutunga ni kukondama.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 11:21

Anga bhu kididi kiê kua ka balumuka muthu uengi uaiibha, u kala semenhi, o iú athu ka-nda kuxikana ku mu bhana kijingo kia tokala utuminu, maji muene-ku ua-nda kuiza ni kuzomba, anga utuminu u u tambula ni jimvunda.

Daniiele 11:24

Ua kʼèza ue ni kuzomba, mu ididi ioso ia ixi, muala o jimboteʼ omo, anga u bhanga ima adiʼê kiluua a i bhanga, né ue o jikuku jê nuka a i bhangele. Ima ia bhûndu, u bhita ni ku i uanena ku athuʼê ni mbole ni jimbongo, ubhanga jindunge joso ja kulúa o jimbonge, maji mu kakithangana ngó ka tokala.

Daniiele 7:11

Mukonda-phe dia izuelu ia izala ia kuata kuzuela o kalumbingʼaka, eme nga kexe ku kengelela; mu kutala ni kutala ngi mona kiama a ki jibha, o kimbi kiê a ki sasala, iá a ki bhana phala ku ki oha mu túbhia.

Daniiele 7:20

Kua di-te dingi o kuinhi dia lumbinga ja mu kala mu mútue, ni kalumbinga kamukuâ ka fuafue, anga bhu pholo iê bhu vumbuka mbinga jitatu, o kene anga kakala ni mesu, hé kakala ni dikanu di tanga ima ia izala, kifua muene ua tundu akuâ.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 7:8

O ki nga kuata kutongolola jimbinga, talesa, kua fuafue dingi kalumbinga kòfele muʼaxaxi ka jimbingʼeji; o ku jimbinga ja dianga kua vuzuka jitatu phala kuehela kididi mbé o kalumbinga koka. Talesa o kalumbinga kenhaka kakexe ni mesu kala mesu a muthu, ni dikanu, di kuata kuzuela ni izala ioso!

Daniiele 8:22

O ki lua bukuka-phe anga bhu kididi kiê bhu sabhuka mbinga jiuana, kia jimbulula kuma kua kà balumuka ma-utuminu mauana mu kifuẋi kiene kimoxʼiki, maji-phe o nguzu ia ió ua diangele-ku, ki iene dingi.

Daniiele 8:24

Ua kà kala muene ni kutena kuavulu, maji ki mu nguzu iê-muène; ua kà bhanga isunji ni kujibha o mundu; ua kà zediua, mu ima ioso ka lémbua kima, kioso kiandala o muẋima uê kiene kia bhanga; mazonda ua kà a bûba, o povo ia akua-Ngana ua kà i buikisa.

Daniiele 8:25

Mukonda-phe dia kudimuka kuê, ua kà bhangesa kuila o mangonha bhu lukuaku luê ma bheka kubhanduluka; hé ku muẋima uê ua kà di kudisa; o mukonda dia kutululuka kuê kuala na-ku, ka mono kima ki mu zukutisa, ua kà jibha athu avulu a di tunu ku di bhakula kokuê; ua kà balukila ue Ngana ia Jingana, maji a kà mu sasujula sé lukuaku lua muthu.

Dialuilu 24:24

Kua kà tunda jinaviiu ku kibumu kia Kitimi, a kà tatesa Asula, a kà tatesa ue Ebele, kuma muene ue a kà mu buidisa.

Matesu 23:32

Izalesenu o nzôngo ia jitata jenu!

Matendelelu 28:50

muiji ua isuéia, ua landamaná jipholo, ka ẋila muthu ua kuka kiá, ka xikina ku kuatela henda ia kamona kandenge!

I Tesalonika 2:16

Etu tuandala tu zuela ni akua jixi jengi, phala a bhuluke, maji ene a tu kidika. Mu kubhanga kiki-phe, hanji a kuata kutenesa o konda ia ituxi iâ iene mù ta. Maji-phe kindala kua a tulukila o njinda ia Nzambi, katé bhu mbambe ku thandu diâ!

I Timote 4:1

O Nzumbi ia Nzambi ua ki ambe ni kujimbuluka kuoso kuma, mu jithembu ja sukidila, sai athu a kà jimbila o kuxikana. A kà kaiela jinzumbi ji sendula, ni maulongelu ma madimonho.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.