Daniiele 8:22 - O Mikanda Ikola

²² O ki lua bukuka-phe anga bhu kididi kiê bhu sabhuka mbinga jiuana, kia jimbulula kuma kua kà balumuka ma-utuminu mauana mu kifuẋi kiene kimoxʼiki, maji-phe o nguzu ia ió ua diangele-ku, ki iene dingi.

Daniiele 8:22 Iomraidhean Croise

Daniiele 11:4

Maji, o kia kà bhiẋila bhu ditala dia kijingo kionéne, u tukumuka utuminu a mu muangena-u, anga a u uanena ku thungi jiuana ja diulu. Maji o mbutu iê-muène ka kà tambula-ku kima, né ngó kuila kala muene ua u hingile, mbata o utuminu uê a-nda ku mu Tambula-u, anga a u bhitisa ku athu engi, maji o muiji uê-muène kana.

Daniiele 7:6

O ki kiabhiti, ngi kuata dingi kukengelela, talesa, kua moneka kiama kiamukuâ kia di-fu ingo, o ku kunda diê kuala mabhabha mauana ma kinjila; o kiama kienhiki kia kexe ni mítue iuana, anga a ki bhana kutumina.

Daniiele 7:7

O kia bhiti kiki, ngi kuata kukengelela, mu isuma ia usuku, kua moneka dingi kiama kia kauana, kikôla, ki kuatesa uôma, o kusuína kuvula, ki kala ni imaju ia felu, o mu kúdia kisukununa, o ku mvunda kisasujula jinga ngó, kioso kima kia subhuka u ki titidila bhoxi ni inama iê; o ku iama ia dianga ioio, kiene kia di-tungula-ku muene, kiala ni kuinhi dia lumbinga.

Daniiele 8:21

Maji o kisutu kia kindemba kiokio, muene sobha ia Ngeléxia; o lumbinga luonéne lua mu kexe bhu kiuanu kia mesu, muene o sobha iê iadinga.

Daniiele 8:23

Maji, mu izuua ia sukidila-ku ia ma-utuminu mâ, kia-nda kuila akua kutondala a sekala a zubha, kua kà balumuka sobha u kala ni pholo ia kisuéia, mesene ia kuzambula.

Daniiele 8:3

Ngedi ngi bhetula mesu, nga mono kilumbe kia mbudi kiemana ku kibumu kia ngiji, kiala ni jimbinga jiiadi; jimbinga jalebha muene, maji bhu kala-phe lumoxi lu tunda mukuâ mu kulebha; o lua beta kulebha-phe luene lua suikidila-ku mu kusabhuka.

Daniiele 8:8

Anga kisutu ki di-bhanga munéne uahi ngó, kia kulu kia kômo! Maji kiedi ki bhixila mu kivula-nguzu, a mu bukula lumbinga lua kudile kiokio; anga bhu kididi kiê bhu sabhuka kiá jimbinga jiuana ja madiuanu, ji lunga ku itembu iuana ia diulu.

Zakadiia 6:1

Lua mukuá dingi, ngi zangula mesuʼami mu kutala, ngi mona makalu a uana, a tundu bhu kaxi ka milundu i iadi; o milundu ienʼiii, milundu ia utadi ua ngòndo.