Daniiele 8:18 - O Mikanda Ikola

¹⁸ O muene kia kexe ku ngi zuelesa kiki, nga dibhale ni pholo bhoxi, eme ngʼambuka. Maji o muene-phe ua ngi babata, iú ua ngi imika nzànza bhene bhua ngi sangeʼabha.

Daniiele 8:18 Iomraidhean Croise

Dimatekenu 15:12

O dikumbi-phe kioso ki dia zubha o kutula, Mbalamu kua mu iza kilu kiavulu; kua muiza ue kekenha ia dikota, ni kitombe kiavulu ku thandu diê.

Jobe 4:13

Mu kaxi ka ixinganeku ia jinzoji ja usuku, kioso athu kia bhixila mu mutouala-kilu,

Izekiiele 2:2

Bhenhobho kioso muene kia mu zuela ni eme, nzumbi ia Ngana ia bokona momuʼami ii ia ngʼimanesa, eme ngevu ió ua kexi ku ngi zuelesa.

Daniiele 10:16

Talesa-phe, kua tukuluka muthu, ua di-fuangana ni anʼathu, iu ua ngi tuta ku mizumbu; dikanu-phe dia ngi jikuka kiua, anga ngi zuela, hé ngʼambela ió ua ngʼimanena ku pholo ngixi: Muadiʼami, tata, kisuma kieniki kia ngi bhekela misusu, ki ngala ni nguzu mu mukutu.

Daniiele 10:18

Ió mukua kidifua kia muthu-phe, ua ngi babata dingi luamukuá, iú ua ngi bhangesa kukala dingi ni nguzu iengi.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Daniiele 8:27

Eme-phe, ngi Daniiele, ngʼambuka, nga kexe muene izuua bhu hama ni kukata. Anga ngi balumuka-bhu mu kukuata midimu ia muenexi. Ngi kuata kusasumuka ki ngi banza o kisuma kiki, kana-bhu-phe muthu kia mu tetulukila.

Zakadiia 4:1

Anju ua kexi mù zuela nʼeme u vutula hé u ngi phaphumuna kala muthu kia mu balumuna ku kilu kiê.

Luka 22:45

O kia balumuka mu kusamba, uiza bhuala o jixibulu, u a sanga aii ku kilu ni mukondo uònene, anga ua ambela, uixi:

Luka 9:32

Phetele-phe ni akuá, a kala ni kilu kiavulu; o kiedi-phe a phaphumuka, a mona o kubenha kuê, ni mala kiiadi ala kuzuela-nê.

Jipoxolo 26:6

O kiki ngemana bheniabha mu ku ngi fundisa, mukonda dia kudielela o kizuelu kia bhele Nzambi ku jitata jetu.

Dijingunuinu 1:17

Ki nga zubha ku mu mona, nga di bhale bhu inama iê kala muthu uafu. Muène-phe anga u ngi tula lúkuaku luê lua dilu ku thandu, uixi: Ku kale ni uôma! Eme nga Dianga, eme nga Sukidila.