Daniiele 8:13 - O Mikanda Ikola

¹³ Kia bhiti kiki, anga ngivua-ku muthu uangene uazele iu ua zuela; o muthu uangene uaiuka ua mukuá, uambela ió uakexe kuzuela, uixi: O kisuma kia jisata ja izuua ioso, kiia katé bhebhi, ni kia kutondala ku buikisa, phala kubhakula o kididi kiangene, ni mundu uê, na u titidila?

Daniiele 8:13 Iomraidhean Croise

Jisálamu 74:10

Mbambe, bhebhi, Ngana Nzambi ni ku tu sebulula kiki kuala o nguma? Mbé o nguma kífua u ẋonguena o dijina dié sé dizubhilu?

Jisálamu 74:9

Ki bhuala dingi ijimbuete ietu, kana-bhu dingi musèsedi; kana muthu mu dietu uejiia o uíndua iú, mba ua kà suka bhebhi.

Jisálamu 79:5

Ngana, tata, mbambe bhebhi, bhu u suka ni njinda ié? Difuba dié di uama kala túbhia, kifua ki di jimi dingi?

Izaía 28:18

O kubangana kuenu ni kalungʼangombe, a kà ku selula; o kikutu ki mua te ni inferno ki kia kà nangenena; o kioso ki bhita o kibetu kala mvula ia dilúvio, kia kà mi tatesa muene.

Izaía 6:11

Eme-phe, ngixi: Ngana Katé bhebhi? Muene ua kumbulula: Katé ki buika o madiembu, sé muthu u tungamu, né ngó muthu umoxi mu jinzu, oxi iene ioso kilômbo ngundu.

Izaía 63:18

O povo ié iangene, o undundu ué a u vuile ngó kathangana kôfele; jinguma jetu a titidila kididi kia dibhezelu dié.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 12:10

Abidi a nzungule a ngi senguluila o mulenga uami ua mivide, a diata-diata díbhia diami, o díbhia diami di ngʼene mu kuinda a di kitula kikangalakata kia hatu.

Daniiele 11:31

Anga kuakèza makuenze ku mu banda, anga kididi kiangene kikôla, kia nguzu, a ki kasanesa; jisata ja izuua ioso a ka ji bhuisa-ku, anga a kà bhinganesa-bhu kisunji ki buidisa mundu.

Daniiele 12:11

Mu kutunda bhu kumbi dia kubhuisa-ku o sata ia izuua ioso nʼa ta-ku o kisunji ki buidisa o mundu, bhua kà bhita midi, ni hama jiiadi ni makuinhiʼvua a izuua.

Daniiele 12:8

Eme-phe kia zuelʼiki nga kʼivu maji ki kia ngi jimbulukila; ngixi-phe: Muadiʼami, tata, imʼii ia kà suka bhebhi?

Daniiele 4:10

O ki nga zekele bhu hama, kua ngi bhiti isuma iii: Nga kexe kukengelela, anga ngi talesa, bhu kala muẋi muʼaxaxi ka ngongo, ua di-leka kiavulu.

Daniiele 4:13

Eme ku kilu kuenhoko, nga kuata kukengelela muene, bhu hama bhu ngala; talesa-ze ku iza mulangi, muthu ukôla uala kutuluka ku diulu.

Daniiele 4:23

O ki ua monuʼokio-phe sobha, kuila mulangi, muthu uangene ukôla, ua-lu tuluka mu diulu, uixi: Muẋiʼú batulenu-u, mu u kokojole jithangu, maji o kixinji kiê ni jindanji jê ki xiale ku mavu, mu ki kuikile ku isasa ia mukáú bhu lubhambu lua felu ni ngôndo; kiende ni kusumina mbundu i tunda bhulu ku diulu, o dikanda dia kúdia kuê, iangu ia mvunde ia bhoxi kumoxi ni iama ku mukáu, nda a kale kienhiki katé mu sambuadi dia jithembu.

Daniiele 7:16

Anga ngi zukama ku umoxi kua iá emana-bhu, mbé a ngi tetuluile o kidi kioso ku imʼiii. Muene iú ua ngi tangela-iu, iu uangʼijidisa o dijimbuluilu dia ima ioso ienhiʼii, uixi:

Daniiele 7:23

Muene anga uamba kiki: Kiama kia kauana kiokio uene o utuminu ua kauana ua-nda kukala mu ngongo, uanda ku di-tungula ku ma-utuminu mamukuâ; uene ua kà minha oxi ioso, oxi ioso ua kâ i titidila muene ni inama iê, anga u i bhanga isasu-isasu.

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Zakadiia 1:19

Anga ngambela anju ua kexi mu kuzuela nʼeme, ngixi: O kiki, kima kiahi? Muene u ngambela, uixi: Jiji jene o jimbinga ja muanganesa Juda ni Izalaiele ni Jeluzaleme.

Zakadiia 14:5

Enu-phe mua kà lengela mu dikôlo dia milundu iami, kuma o dikôlo dia milundu dia kàia katé ku Kazela; kidi-ze muene, enu mua kà lenga kala ki mua lengele o kitungutisu kiaʼxi mu izuua ia Uziiia, sobha ia Juda; kienhokio-phe Jihova Nzambi iami ua kèza, ni athuʼê a ngene oso a di zelesa, Jisandu a kèza kumoxi ni eie, Ngana.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 24:15

Hinu-phe ki mu mona o Kisunji ki buidisa mundu, kia tangele polofata Daniiele, kiemana bhu kididi kikôla, uoso u tanga a tongolole.

Marku 13:14

Jezú anga u zuela dingi, uixi: Ki mu mona-phe o kisunji ki buikisa mundu kiemana bhuma ki kia tokala kukala-bhu, (uoso mutangi u tanga, a tongolole). Kienhókio, oso a kala mu Judeia, a ka lengele ku milundu.

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Luka 21:20

Jezú anga uamba dingi, uixi: Ki mu mona-phe Jeluzaleme a i kondoloka ni ifuẋi ia masoladi, ijiienu-kiu kuma kubuika kuê kua zukama.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

Jihebeleu 10:29

Abha-phe kia kà bhita kiebhi ni ió ua ditunu o Monʼ a Nzambi, iú ua mono kuila o manhinga ma kikutu kia Nzambi ma mu kolêsa, kima kia ngoho? Kia kà bhita kiebhi ue ni uoso u lokalala o Nzumbi ia kiadi kia Nzambi? Xinganekenu-phe, se o kaxtiku kê ka mu tokala, ka kà soka kiebhi!

I Phetele 1:12

Kioso o Jipolofeta ki ja zuela jinga ku mbandu ia kidi ki mua mu kuivua lelu, Ngana Nzambi ua a jingunuine kuila o kikalakalu kia kexi mù bhanga o misesedi ki phala mbote iâ ene, maji phala mbote ineuʼenu. O akunji a Jingolokela Jambote, a zuela jinga mu kutena kua Nzumbi Ikôla ió a mu katula ku diulu, ene a mi tangela o kidi kia ima ienʼiii. O ima ienʼiii ni ji-anju jʼendile ku i tongolola kiambote.

Juda 1:14

Enoko, muène sambuadi mu ku di vuala tundé kua Adá, ua a tange enʼ iâ mu upolofeta tundé mu ukulu munhá, uixi: Talesenu! Ngana hádia uiza ni makuinhi a jimidi ja akunjiʼê a ngene,

Dijingunuinu 11:2

Maji o lumbu luê-phe, ku kanga dia Tembulu lu xale, kana ku lu zonga, mukonda a lu bhana o matumbu a-ndu kala mu kutitidila o Mbanza Iangene ikôla mu makuinhi auana a mbeji ni kiiadi.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?

Afundixi 13:18

Kuala anju ia Jihova, u ngʼibhuila-hi dijina diami, oko dijina di kôla?