Daniiele 7:7 - O Mikanda Ikola

⁷ O kia bhiti kiki, ngi kuata kukengelela, mu isuma ia usuku, kua moneka dingi kiama kia kauana, kikôla, ki kuatesa uôma, o kusuína kuvula, ki kala ni imaju ia felu, o mu kúdia kisukununa, o ku mvunda kisasujula jinga ngó, kioso kima kia subhuka u ki titidila bhoxi ni inama iê; o ku iama ia dianga ioio, kiene kia di-tungula-ku muene, kiala ni kuinhi dia lumbinga.

Daniiele 7:7 Iomraidhean Croise

II Samuuele 22:43

Bhenhobho-phe eme ngʼa beta katé a fufuka kala mavu a bhoxi, ngʼa titidila muene kala malôua mu nzunga; a phephuluka aii ni kitembu.

Jobe 41:14

Mabhitu ma dikanu diê nanhi u tena ku ma jikula? Mukonda uoma uala ku mazu mê ma kondoloka.

Izekiiele 40:2

mu isuma ia Nzambi, lua ngʼambata katé mu ixi ia Izalaiele, lú lua ngi tula ku mulundu ua di leka kinéne, o kuenhoko kua kexile kima kiedi kala mbanza iòtunge, ku mbandu ia Sulu.

Daniiele 2:19

Bhenhobho Daniiele a mu tukuluila o kijinganuʼiki mu kisuma kia usuku; Daniiele bhenhobho u kala mu ximana Nzambi ia diulu!

Daniiele 7:13

Talesa, eme-phe ki nga kuata muene kutala, mu isuma iami ia usuku, nga mono ku matuta ma diulu kua-lu tuluka kala Monʼa muthu ua mu kuiza; iú ua bhiẋi la kua Mukula-ua-Ndamba, anga a mu bhiẋidisa bhu pholo iê.

Daniiele 7:2

Daniiele uambe, uixi: Mu kisuma kia usuku nga muene, itembu iuana ia diulu iakexe kúlua ita ku musanza uonene.

Daniiele 8:10

Anga lu dikudisa muene katé ni ku kilômbo kia diulu; u kuata amoxi-mu ku kilômbo kienhókio ni ku jithéthembua, u ji lauila bhoxi, hé u ji titidila.

Daniiele 8:22

O ki lua bukuka-phe anga bhu kididi kiê bhu sabhuka mbinga jiuana, kia jimbulula kuma kua kà balumuka ma-utuminu mauana mu kifuẋi kiene kimoxʼiki, maji-phe o nguzu ia ió ua diangele-ku, ki iene dingi.

Zakadiia 2:1

Anga ngi tona kuzambula mesu. O ki nga tale, nga mono diiala, o bhu lukuaku luê bhuala longoji lua kuzongela.

Dijingunuinu 12:3

Anga ku moneka kijimbuete kiamukuá ku diulu. Kimudikixi kia dikota, kikusuka, kiala ni sambuadi dia mítue ni kuinhi dia lumbinga, o ku mítue iê ku kala sambuadi dia kitundu.

Dijingunuinu 13:1

Anga ngi mona kiama kiala mu tomboloka mu musanza ua kalunga. Kiala ni kuinhi dia lumbinga, ni sambuadi dia mùtue; o ku jimbinga jê kuinhi dia kitundu, o ku mítue iê a soneka-ku majina a isunji, a kuxinga Nzambi.

Dijingunuinu 17:12

O kuinhi dia lumbinga di ua monuʼodio, o kuinhi dia sobha kiluua a tambula o usobha uâ, maji a-nda ku a bhana-phe kutumina kala jisobha, mu ola imoxi, kumoxi ni kiama.

Dijingunuinu 17:7

Bhenhobho kuala anju, uixi: Ua di uanena-hi kiosuʼiki? Eme nga-nda ku ku tangela o dijimbuluilu dia kisuma kia muhatu iú, ni kiama kia mu ambata, kiala ni sambuadi dia mútue, ni kuinhi dia lumbinga.

Dijingunuinu 17:8

O kiama ki ua mono, kia kexile ni muenhu, maji o kiki, ki kianda kulaia dingi kiavulu. Mukonda o kiama kiki, hinu kia kà tunda mu dikungu ki di moneka hole, anga a kà mu buikisa. Athu a tungu mu ngongo, oso a kambe ku a soneka o majina mâ mu divulu dia muenhu tundé ku dimatekenu dia ʼxi, a-nda kua kà diuana ki a kà talesa o kiama. Mukonda o kiama ua kexile kiá ku muenhu, o kiki muenhu ua u lémbua, maji hinu ua kà tukuluka dingi.