Daniiele 7:4 - O Mikanda Ikola

⁴ Kiama kia dianga mukuâ ni hoje, anga kikala ni mabhabha ma holokoko; eme-phe ngi kuata kukengelela, katé kia ki tukula o mabhabha, anga a ki bhana o kubhetuka ku mavu, ni kuimana nzànza kala muthu, anga a ki bhana muẋima ua muthu.

Daniiele 7:4 Iomraidhean Croise

II Samuuele 1:23

Saúlo ni Jonata mu kukola muenhu o kuuabha, o ku di zola, ka di uanununa-phe, kixi ku muenhu kixi mu kufua kuâ, mu kulenga lusolo a somboka jiholokoko, mu kusuina kinéne a tunda jihoji,

Jobe 25:6

Kuambe dingi o muthu uedi kala thûthu, ni monʼa muthu uedi kala kakibamba!.

Jisálamu 9:20

A kuatese uoma, eie Ngana, u Jihova; mbé akua jixi a kʼijiie kuma ala ngó athu a xikamena kúfua. (Selah.)

Jelemiia 25:38

mu fundu iê ua tundu-mu kala monʼa hoji; kuma ixi iâ a i kitula jingundu mukonda dia njinda ia nguma, ni mukonda dia kusuina kua njinda ia Jihova.

Jelemiia 4:13

Talesa, muene ua-nda kuiza ni kubanda mukua ni matuta, ni makalu mê mukua ni ngûngu; ʼkabalu jê mu sangama jiholokoko ndenge ku lusolo. Kokolo dietu, etu tua buikʼó!

Jelemiia 4:7

O hoje ia fomoka kiá ku muxitu uê, ii banda, ni mubuikixi ua ifuẋi; muene ua katuka kiá, iú ua tundu kiá bhu kididi kiê, phala kubhangesa oxi ié i biluke jingundu; phala ku ku buikisa o madiembu mé, ki bhu kala dingi muthu u tunga-mu.

Jelemiia 48:40

Mukonda Jihova uambe kiki: Tala, Muene ua-nda kubhita bhulu kala holokoko, anga uʼoleka mabhabha mê ku thandu dia Mouabhe.

Jelemiia 49:19

Kuma mukuá ni hoji ki i tunda ni kubanda ku Njolodá, iendela kubula dibhata dia dizonda; mbata mu kithangana kiofele ngó, bhua kexile ngi mu kaiesa-bhu, o ngi mu sola eme nanhi, ni ngi mu te ditala dia ku mu tumina? Mukonda, nanhi ua di fuangana nʼeme? Nanhi u ngi xindila kithangana? Mubidi nanhi u tena kuimana bhu pholo iami?

Kuditenda 4:19

Akua ku tu bhesa lusolo, a betele kusangama o jinjila ji bhita bhulu ndenge. Mu ku tu landameka kuâ, o ki tuila tuia ku milundu, tuala-nâ; o ki tuia mu kikangalakata, míkala iâ tua i sange.

Izekiiele 17:3

Uixi: Jihova Nzambi uambe kiki: Kiholokoko kimoxi, kia imabhabha ia makota, kiezala jisàla, kiezala ni minha ia vulu idifua, kieza mu Libanu kì kiambata-mu o luthangu lua beta kulebha lua musédulu.

Izekiiele 28:2

Eie monʼa iala, o kilamba kia Tilu mu tangele, uixi: O Jihova Nzambi uambe kiki: Mbata kuma o muẋima ué ua di zangeleka ni kuila, uixi: Eme ngi Nzambi, ngi xikama muene ku kialu kia Nzambi mu kaxiʼèlele ka musanza ua kalunga, hé o muẋima ué u u sokesa muene kala uene o muẋima ua Nzambi;

Izekiiele 28:9

Bhu mesuʼa iú uoso ua mu ku jibha, eie ua kʼèla hanji, uixi: Manhi eme ngi Nzambi? Maji eie u muthu ngó muene, ku Nzambi, kana, bhu lukuaku lua ió uoso u ku toma.

Daniiele 2:38

Iú uedi kuene kuoso kua tungu anʼa athu, ni iama ku mukáu, ni jinjila bhulu, ua ku bhakuila-iu bhu maku mé; iú ua ku bhana u o kutena kua ku i tumina; é-muene-phe u mútue ua ulu.

Daniiele 4:36

Bhenhobho kilunji kia ngʼiza kiua muʼanzanza muenhomo; o kia ngi tudika kiá dingi ku utuminu uami, ulàmba uami ua ngi tula dingi, o kubenha kuami kua ngiza dingi luamukuá. O makota mami ma jingana ni jindongixi jami eza ku ngi takana dingi; iá a ngi xikika luambukuá ku usobha uami, anga kijingo kiami ki di-bandekeza dingi, o kiòkulu ndenge.

Daniiele 7:12

O iama iamukua ioio, a i tambula ungana; hanji-phe, a i bhana kulaia katé bhu thembu ioso iatokala.

Daniiele 7:5

Ngi kuata kutala, talesa, kumoneka kiama kia kaiadi, kia di-fu ni ursu, kia bhetuka mbandu imoxi, o ku maju kiazenzeka jimbanji jitatu, iá a ki ambela, exi: Balumuka, kokota xitu ia nzungule.

Matesu 24:28

Bhuoso bhu kala o kisasu bhene bhu bhongoloka o jiholokoko.

Matendelelu 28:49

Jihova ua kà ku kasela muiji ua akua makanga ku jihota jʼaxi, uijiia bhulu mukuâ ni holokoko ia di ambatesa ni kuôna; muiji ua athu a dingula a bhingi o dízui dia zuela eie ku tena ngó ku dʼivua;

Dijingunuinu 13:2

Kiama ki nga mono, kidifua kiê kala ongo, o inama iê kala kitôto, o dikanu diê kala dikanu dia hoji. O mudikixi muène ua bhana o kiamʼiki o kutena kuê, ni kiandu kiê, ni ungana uavulu.