Daniiele 7:18 - O Mikanda Ikola

¹⁸ Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:18 Iomraidhean Croise

Jisálamu 45:16

Ua kexile ngó ni jitata, o kiki u kala ue ni ana, u a bhana kijingo kia kukala jingana mʼoxi ioso.

Jisálamu 49:14

O mu ku a funda, a di kaiejela kala jimbudi jiia mu kibhanga; kalunga-ka-ngombe u a kombola mu bombo diê; kukia ngó mu kimene, kijingo kiâ kia bhitila kia ku athu aiuka; o mukutu ua uabhele iú sekumukina mu mbila, mukonda ki ua mono dingi kididi kia kukala.

Izaía 14:2

O ifuẋi ia kà a sangesa, anga aia-nâ mu ididi iâ; anga o dibhata dia Izalaiele dia kà a vua, a kala abhika â a mala ni a ahatu, mʼoxi ia Jihova; anga a kà vua oso a a vile ene, a kà tumina o isuéia ia a talesele o hadi.

Daniiele 7:14

Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:17

O iama ia makota iii, ki iedi iala iuana, kífua jisobha jiuana ja kà balumuka kulu dia mundu.

Daniiele 7:22

Katé kia bhixila Mukulu-ua-Ndamba, anga o kufundisa a ku bhana bhu maku ma athuʼê angene a Suke-ku; anga Kithangana kiza-bhu kia athuʼê angene kutambula utuminu.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Obadiia 1:17

Maji-phe ku mulundu ua Ziione kua kala kubhanduluka; kuá kala kuiuka kuma mulundu ua kà kala mulundu ukôla; anʼa Jakobo a kà lundula mabhata mâ.

Luka 1:33

Muène ua kà tumina o dibhata dia Jakobo katé ni ku hádia. O Ungana uê ki uá kà-bhua dingi.

I Kolindo 6:2

Inga enu ki mua kʼ ijiia kuma athu a Nzambi hadi a kà fundisa o mundu? Se muedi kuma ene a kà fundisa o mundu, kifua tumilonga tuofele tutu mu tu tokoka?

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Efezo 6:12

Kuma o kulua kuetu ki kua ku di lua ni athu mu xitu, maji tu lua ni ifuẋi ia jinzumbi ja phulu ku ididi ia diulu, tu lua ni atumini, tu lua ni akutende, tu lua ni enexi a kithangana kia kitombeʼ ʼiki mu ngongo.

Dijingunuinu 20:4

Kia zubha kubhita kiki, nga mono iandu ni iá a xikama-ku. Enhá anga a a bhana o kutena kua kufundisa. Anga ngi mona ue o nzumbi ja ió oso a a batuile mítue mukonda dia kutanga ku mundu o umbangi ua kidi kiejile mú tukulula Jezú, ni mukonda dia maka ma Nzambi, ió oso a kambele kubheza o kiama ni kitèka kiê, a kambele kutambula o kidimbu kiê bhu dibhomo mba ku lúkuaku. Enhá anga eza dingi ni muenhu, hé a unda ku ungana ni Kristu, ungana u bhanga midi ia mivu.

Dijingunuinu 22:5

O usuku ki uà kala-ku dingi, ka kà bhindamena ue mukengeji ua kandeia, mba muanha ua dikumbi, mukonda o Ngana Nzambi muène ua-ndu kala muanha uâ, hé à kala ku ungana mu mivu ni mivu sè dizubhilu.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.