Daniiele 7:14 - O Mikanda Ikola

¹⁴ Anga a mu bhana o kutumina, ni kijingo, ni ungana, phala miji ioso, ni ifuẋi, ni madimi moso ende ni ku mu bhikila muene. O kutumina kuê kua miaka, ku kuene dizubhilu, o ungana uê uene ngó, ka tena ku u bhuisa-ku.

Daniiele 7:14 Iomraidhean Croise

Jisálamu 102:22

kioso kia kà bhongoloka o mundu ua di muange, ni ilômbo ioso phala kubhikila Jihova.

Jisálamu 103:19

Jihova, kialu kiê kia ungana ua ki xikika mu diulu, o utuminu uê ua bhiti kuene kuoso.

Jisálamu 145:13

Utuminu ué, utuminu uanangenena, o ukota ué u xalela ni ku miji ioso.

Jisálamu 146:10

Jihova kà tunda dingi ku ungana uê; o Nzambi ié, u Ziione, u xalela ku miji ioso. Ximanenu Jihova!

Jisálamu 45:6

Kiandu kié, Nzambi iami, ki xalela sè thembu, katé ku hádia ni hádia; mbasá ia utuminu ué, ia kukumbidila kuoso.

Jisálamu 72:11

Katé ni jisobha joso ji diunda bhu pholo iê; ilômbo ia miji ioso i kala mu mu bhikila muene.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Jisálamu 8:6

Ua mu bhana o kutambula konda ia imbamba ioso i ua iudika; o ima ioso ua i te bhoxi dia inama iê.

Izaía 16:5

Mbata kua-nda kukala kiandu kia henda kia difikidila, o ku thandu diê, mu balaka ia Davidi, kuene kua kà xikama muthu ufundisa mu kidi, u sota o mulonga kiambote, anga u sakalala mu ku lungisa.

Izaía 60:12

Mbata kifuxi mba utuminu, ukamba ku ku sedivila eie, uà kà jima o mbutu; xi, ifuẋi ienhoio a kà i buikisa muene, taka-taka.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Daniiele 2:35

Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Daniiele 2:37

Eie, muenexi, u ngana ia jingana muene; kuma o Nzambi ia diulu ua ku bhana utuminu ni ukuenze, ni undanda, ni ulâmba.

Daniiele 2:44

Maji, mu izuua ia jisobha jenhiji, o Nzambi ia diulu ua kà bhekaku o utuminu ki u xikina dingi ku u jikinisa; o utuminu iú kà u ehela ku bhita dingi bhu maku ma miji iengi; uene kiá ua kà sasujula o mautuminu mosoʼama anga a-bhua-ku, maji o uene ua kà xalela ni kutumina mu thembu joso katé ku hádia ni hádia.

Daniiele 3:4

Bhenhobho katúmua u xika ngonge, u kola ni dízui dia suína, uixi: Enu mu jipovo, ni ifuẋi, ni madimi, a mi tumu, exi:

Daniiele 4:3

Ijimbuete iê kukula kuahi, o madiuanu mê undanda uvula! Utuminu uê kima ki nangenena mu thembu joso, u ungana uê kutunda muiji kuiza muiji.

Daniiele 6:26

Eme nga bhana ngonge, kuila, oso a tokala mu jixi ja usobha uami, ende ni kuteketa ni kuxila o Nzambi ia Daniiele; mbata muene o Nzambi ia muenhu u xialelà-ku, o utuminu uê kene ku u jima, o ungana uê ua kalʼê katé ku dizubhilu.

Daniiele 7:18

Maji o athuʼê angene a Suke-ku, ene a kà tambula ungana, anga a u vua kiá muene katé ku hádia ni hádia.

Daniiele 7:27

O utuminu-phe ni ungana, ni ulâmba ua ma-usobha moso, mene bhoxi dia diuluʼabha, a kà u bhakuila o athuʼê angene a Ió ua Suka-ku ku Ukota; o utuminu uâ ene-phe ua kà nangenena, ma-utuminu moso ma kà a bhikila ene, ni ku a beleselela.

Obadiia 1:21

O ku mulundu ua Ziione kua kà banda abhuludi phala kufundisa o mulundu ua Ezaú; o utuminu-phe ua kà kala ua ngene ua Jihova.

Mikeia 4:7

Anga, o kia tenguine nga kà ki bhanga kiengi, kuma iene o mbandu ia xala-bhu; o ki nga texile dikanga nga kà ki bhanga muiji ua nguzu ni kutena, o Jihova anga ua kà kala jinga mu ku a tumina ku mulundu ua Ziione, tunde kindala, katé ku hádia ni hádia.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 28:18

Jezú anga uiza, u a ambela, uixi: O kutena kuoso a ngi bhana-ku eme, ni mu diulu, ni mu ngongo.

Luka 1:33

Muène ua kà tumina o dibhata dia Jakobo katé ni ku hádia. O Ungana uê ki uá kà-bhua dingi.

Luka 10:22

Ima ioso a ngi bhana-iu eme kuala Tata iami. Kana muthu-phe uejiia se Mona mukua-hi; ua muijiia ngó muène Tata. Kana muthu ue uejiia se Tata mukuahi; ua muʼijiia ngó muène Mona, ni ió uoso Mona u sola ku mu tukuluila-nê.

Nzuá 12:34

O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

Nzuá 3:35

Tata ua zola o Mona, iu ua tula o ima ioso bhu maku mê.

Jihebeleu 12:28

Uila kiki, tu kalienu ni kisakidilu, mukonda tua tambula Utuminu ki u tena kutunguta. Tu kalienu ni kisakidilu ki tu bhekela kubheza Nzambi kala kioso kia mu uabhela, ni ujitu ni uoma.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.

Dijingunuinu 1:6

iu ua tu bhake ku usobha ni unganga mbè tuende ni kubhikila Nzambi Tata iê. O kua Jezú Kristu muenhó kukale o fuma ni kutumina mu mivu ni mivu sè dizubhilu! Amén!

Dijingunuinu 11:15

Anju ia kasambuadi anga u xika o koloneta iê. Hé kukala mazui a makota mu diulu, exi: Kiki o Utuminu ua jixi mu ngongo, ua biluka Utuminu ua Ngana ietu, ni ua Kristu iê. Muène kiá ua kà tumina katé ku hàdia ni hàdia!

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.