Daniiele 7:10 - O Mikanda Ikola

¹⁰ Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Daniiele 7:10 Iomraidhean Croise

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

II Malunda 18:18

Muene uixi dingi: Ivuenu-phe o kizuelu kia Jihova: Nga mono Jihova ua xikama bhu kiandu kiê, o kifuẋi kioso kia diulu kiemana ku mbandu iê ia dilu ni kumbandu ia kiasu.

Jobe 25:3

Nanhi u tena kutanga o ifuẋi iê? O ki banda mukengeji uê, nanhi muene u kamba ku mu muikina?

Jisálamu 103:21

Tanesenu Jihova, mu ilombo iê ioso; enu mu akua mbèle iê, mu bhanga ima ioso ia mu uabhela muene.

Jisálamu 18:8

Mu mazulu mê mu fuafua dixi, o mu kanu diê mu tuka túbhia tuia ni kuaúla; tu uika muene makala.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Izaía 30:27

Talesa, dijina dia Jihova ditunda dikanga, ni kuuama ni njinda iê mu kaẋi ka ifuke iedi muene xikixiki; mizumbu iê ia teme kinéne, o dimi diê mukua ni tubhia tua muzukuta.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Daniiele 12:1

Mu thembu munhá Mingedi, kilolo kiadikota, ua kà balumuka, ni kuimanena ku bhângela anʼa kifuẋi kié, bhua kà kala-phe thembu ia phaxi, tunde kia bhanga o muiji ua athu, kiluua i kala-ku, katé kiki; maji mu thembu ienhoio, o kifuẋi kié kia kà bhuluka, uoso a mu sanga dijina mu Divulu.

Daniiele 7:22

Katé kia bhixila Mukulu-ua-Ndamba, anga o kufundisa a ku bhana bhu maku ma athuʼê angene a Suke-ku; anga Kithangana kiza-bhu kia athuʼê angene kutambula utuminu.

Daniiele 7:26

Maji o kufundisa-phe bhene bhu ku kala, anga ene a mu tambula o ungana uenhó phala ku u jikinisa ni ku u jima o mbutu katé bhu disukilu.

Zakadiia 14:5

Enu-phe mua kà lengela mu dikôlo dia milundu iami, kuma o dikôlo dia milundu dia kàia katé ku Kazela; kidi-ze muene, enu mua kà lenga kala ki mua lengele o kitungutisu kiaʼxi mu izuua ia Uziiia, sobha ia Juda; kienhokio-phe Jihova Nzambi iami ua kèza, ni athuʼê a ngene oso a di zelesa, Jisandu a kèza kumoxi ni eie, Ngana.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Matendelelu 33:2

Uixi: Jihova uatulukila ku Sinai, iú ua bandela ku Seíle; ua lekujukila ni ku mulundu ua Palane, ueza ni kuinhi dia midi dia jisandu ku madilu mê kua kexile o kitumu kiauama túbhia phala ene!

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Juda 1:14

Enoko, muène sambuadi mu ku di vuala tundé kua Adá, ua a tange enʼ iâ mu upolofeta tundé mu ukulu munhá, uixi: Talesenu! Ngana hádia uiza ni makuinhi a jimidi ja akunjiʼê a ngene,

Dijingunuinu 11:18

O ifuẋi ia kambe kuijiia Nzambi ia salumuka ni njinda iavulu, mukonda kithangana kié, u Nzambi, kia kubhana kaxtiku kia bhixila! Kumbi dieza-bhu dia kufundisa athu oso a fua kiá! Kithangana kia tuta-bhu kia kuuanena o jiselevende jé jipolofeta o kisakidilu kiâ! Kumbi dieza-bhu kiá dia kubhana o futu ku athuʼé aiuka, ni ku mundu ué uoso ene mu ku ku xila, ni jindenge ni makota! Thembu ia bhiẋila-bhu kiá, ia kubuikisa ió oso ene mu kubuikisa oxi!

Dijingunuinu 5:11

Anga eme ngi tala dingi, hé ngʼivua dízui dia ji-anju javulu ja bhake o kiandu bhu kaxi, ni iama iuana ia muenhu, ni ikulakaji, jʼemana, o konda iâ ia tena jimidi ni jimidi ja ndumba!