Daniiele 6:7 - O Mikanda Ikola

⁷ Ilâmba ioso ia utuminu ué, ni jinguvulu jaʼxi, ni mavunda, ni ilôlo, ni makota, a di-kundu bhuamoxi phala ku sonekesa ngonge ia nganʼetu muenexi, anga i di-bhanga kijila kia kôlo; kuma mu makuinhi atatu a izuua, muthu uoso u bhinga kima kua Nzambi ioso-ioso mba ku muthu uengi ko kué, muenexi, kana, a mu takule mu ngenda ia jihoje.

Daniiele 6:7 Iomraidhean Croise

Jisálamu 10:9

U suama ni kubatamena akuá, u butama kala hoji mu kisasa; u butamena kukuata phulungu ni ku mu bhunda; o ngadiama u fua mu uanda uê, u mu kuata hé u mu ambata.

Jisálamu 2:2

Jisobha mu ngongo ja di bhongolola, makota ma di longesa jindunge, phala ku kitukila Jihova, ni muthu uê ua mu undu ni maji.

Jisálamu 59:3

Kuma ia-ue-iá, a ngi batamena ni ku ngi tela mibhetu; iiala ia nguzu ia di bande mu ku ngi kuata; sè kituxi kiami, mba mulonga, eie u Jihova, tata!

Jisálamu 59:5

Eie muene nga ku indi, u Jihova dia ifuẋi, u Nzambi ia Izalaiele, balumuka mu bhesa o matumbu kaxtiku; kana ku a lendukila, né umoxi ngó kuma enhó a bhukumuka kiluelu kiâ ni kubhanga kiaiibha. (Selah.)

Jisálamu 62:4

Ene a-lu di longesa mudiâ phala kulundumuna o muthu uangene bhu ditala diê dia ujitu; kia a uabhela o makutu; a hanza muene ni dikanu diâ maji o ku muẋima moxi-phe akua mázui. (Selah.)

Jisálamu 83:5

A ku kanena muene ni muenhu umoxi; ene oso a bokona mu kikutu kia unguma nʼEie;

Jisálamu 94:20

Manhi o kiiala kia di zangeleka, ki tena ku di bunda kumoxi ni eie? u diodia milonga, maji uixi muene mu ngonge mu nga kuata?

Daniiele 2:4

Akua Kaldeia-phe hé ambela sobha, mu dimi dia akua Sídia, exi: Muenexi, tunga, soma! O nzoji tanga-iu ku abhikʼé, nda etu tu mone-bhu o dijimbuluilu diê.

Daniiele 3:11

O uoso u kamba kudiunda, ni ku ki bheza, a mu takule mu kijiku kia túbhia tua muzukuta.

Daniiele 3:2

Anga sobha Nabukodonozolo u tuma kubhongolola anʼa jingana ni jinguvulu jaʼxi, ni tubhitangu, ni afundixi, ni a-lunda-mbongo, ni jindongixi, ni jifixiiadi, ni jinguvulu joso ja jisengo, phala eze ku lubhandu lua kulumbila kiteka kiemika sobha Nabukodonozolo.

Daniiele 3:27

Anga anʼa jingana, ni jinguvulu jaʼxi ni tata ja kifuandu kia muenexi, ni tubhitangu, a bhongoloka kutonginina mala iá, hé a sanga kuila túbhia tua lémbua nguzu ia kuoha mikutu iâ; né ngó lundemba luâ lumoxi kuaúka mu mútue, né ngó izuatu iâ kuila i kotanana mba ngó dizumba dia muáu kuila di bhita ku thandu diâ.

Daniiele 3:6

Uoso u kamba kufukama ni ku ki bheza, mu uola ienhoio a-nda ku mu takuila mu kijiku kia uama túbhia tua muzukuta.

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Mikeia 6:5

Banza-kiu hanji, muiji uami, tata! kia ku kanena Balaki sobha ia Mouabhe, ni kioso kia mu vutuila Balamu monʼa Beola; banza hanji o ima ioso i ua bhiti na-iu tunde bhu Sitimi katé bhu Jidingale, nda uijiie o kuiuka kua Jihova ni mabatuilu mê.

Nahumu 2:12

Hoji i kuata jinga mbole ioso ia soko tuana tuê, ia jibha jinga ue xitu phala jihoji ja akaji kúdia, jingenda jê u ji izalesa jixitu, o mu mabànda mê muizala isasu.

Matesu 12:14

Jifalizeu anga ji katuka, aia ku mu tela kionge kia kioso kianda ku mu jibha.

Matesu 26:4

anga a kala mu di longesa kioso kia kuata Jezú mu ndunge, phala ku mu jibha.

Marku 15:1

Kithangana, ki kuakie mu kimene, jinganga ja makota, ni adiakimi a Jijudé, ni jimesene ja kulonga o Kitumu, ni Kionge kioso kia Jitata, ki bhongoloka ku maka, anga a kutisa Jezú, aia-nê mu ku mu thelekala kua Pilatu.

Nzuá 12:10

Makota ma jinganga anga ma ta kikutu ue kia kujibha Lázalu.